حب في المراهقة

تنويهات

هذا النقاط ما راح يعجبه كل شخص و لا اتصور احد يطبقه ...
بس ارجوا من كل واخد يحاول يطبق اكثره!

حتى انفسكم كونوا رقيب انفسكم ! لان الضرر الي راح تسببه هو فقط لنفسك !

١-شنو حاجة البنت و حتى الولد الي عمره تحت ١٨ للنت!؟ و حتى الفون؟؟ البنت و الولد كل شغلهم يروحون للدوم و يرجعون و بالعطله خلي يشتغلون و يلعبون بلي ستيشن او اكس بوكس!!
ابعد مشوارهم المدرسة و ممنوع الفون!!
تعرفون مساوىء النت بهالعمر ما تنعد!! طبعا هسه الشباب و البنات الي عابرين هالعمر يعرفون الكل جاي تحجي حب و غراميات و لا اسوء من هذا يشوفون صفحات منحرفه!!! وللعلم اطفالكم ما يتعلمون شي زين منه غير الانحراف و الحب و العلاقات و تحشيش و افكار سلبيه تخليهم يكرهو الدراسه و يكونو طائفين و و متطرفين !!! (نسبة قليلة جدا تستفاد من النت )
٢- يا اباء و امهات شنو تتصنع التحرر و اعطاء الحرية لاولادك !! يعني بطوله من بنتك او ولد ينجح بثالث تشتريله ايفون او كلاكسي و سيم كارت؟؟ ما فكرت شنو لزومه بيه؟ لا و تنطيه غرفة و تكوله هاي غرفت و سد الباب ؟؟؟ هسه مو مشكله انطيته غرفة حتى يكون مرتاح و اشياء و ملابسه مرتب !! بس ليش تسد الباب؟؟ فكرت للحظه شنو السبب الي تخليه تسد الباب؟ يصير بلاوي سوده و انت نايم على اذنك !!
شنو تريد تسكته و ما يحجي بعد فلان عنده و فلان و فلان !!! اي سكته و بس لاتلوم الا حالك لان ابنك و بنتك للضياع !!!
٢- يا اخوات و اخوان الي بالغين ! انتو ما تعرفون بالسوالف الي تصير ؟؟ ليش متكونون اباء لاخوانكم و اخواتكم !! مو والديكم ما عندهم معلومات انتو تدرون شيصير ! ابصروهم و احجولهم!!!! تابعو اخوانكم و اخواتكم ! الي انتو مريتو بيه, همه هم اتذكروهم يمر بيهم ! لو همكم بس نفسكم ! كل بنية مكبله و تحجي بالليل و يحجون حجي ما يحجيه الكبار حتى !! احجي عن الي تحت ٢٠ !!!!

٣-سالتو بيوم بناتكم او ولدكم شنو اتعلمو من النت؟ شنو الشي المفيد !! صيحوهم و اسالوهم و شوفو النت شجابلهم من منفعة؟؟

٤-حجيتو لاولادكم بعمر ١٤ و صاعدا عن المراهقه؟ و اثاره و سلبياته؟ و تاثيراته!
حجيتولهن الحب مو عيب و حلو بس بعمر ٢٠ فصاعدا !!! ( هسه مجموعة يكول يابه اكو ناس بعمر ٣٠ و مراهقين و اكو بعمر ١٧ يوزنون بلد، اقول صح و كلام حلو بس الشي الي ما تكدر تنكره هو ان الاكتمال البايلوجي و الاصدقاء و كل شي يستمر لعمر ١٨-٢٠، يعني كاحتياط اخذه لل ٢٠ حتى لا تخاطر و تجازف ! لان خمس ست سنوات يحدد نوعية حياة طفلك للابد من حيث الفكر و العاطفة و كل شي !!!! خلي نخسر كم سنه ولو هو مو خساره بس افتراضا. ترا سهله تضحي بسنتين لعمر ) ...... حجيتولهم احنه هم نريد نفرح بيك/ج و نزوججك/ج واحد من خيارك/ج ! حتى تعيشي حياة سعيدة! انتو مو همكم تأمنوا حياة اولادكم و توفرلهم احسن عيشه!!؟؟ احجولهم احجولهم انتو اعز الناس و صادقوهم و حسسوهم انهم اعز ما تملكون و اقنوعهم هالفترة فترة مو مستقرة راح تاثر على حياتهم كله و ابعاده خطيره ! الانسان ب ٥ سنوات يحدد مستقبل ٥٠ سنة - من ١٤-٢٠ فقط اذا ضبط نفسه بكل شي راح يطلع احسن شخص و انجح و يحب و يتزوج و كل شي تمام !!
ان الغلطة الي يسويه بهذا العمر يظل بباله طول العمر لان يأثر على كيفية تفكيره و على نفسيته و على ثقته بنفسه و شخصيته و على نمط تفكيره و نظرته للامور و كل شي !!

٤- افهموها الحب احلى شي بالوجود هالشي لازم الاباء و الامهات يعرفوه قبل الشباب و ما لازم احد يمنع الحب و منع الحب لايجدي نفعا بالعكس يخلق نوع من الفضول و الكبت مثل ما ذكرت ، يخلي الواحد الا يجربه "الممنوع مرغوب" ففهموا اولادكم انو لازم يحبو بعض و يحبو كل شي بس حب العلاقات هذا مو زين لان الاختيار ممبني على شي / افرض مثلا اكو ١٠ نقاط لازم يتوافر بالانسان الجيد.
المراهق/ة شاف واحد بيه فيعممه و يكول النقاط العشرة كله متوافر بس بدليل شنو !! ماكو دليل فقط استسلامه للعاطفه الي يهدم حياته !!
ما ادري ليش مصورين ان الحب فقط بعمر ١٤-٢٠!!! ما اعرف منو فهم الناس هالشي ! الحب ما يهرب ، الحب موجود بكل مكان و كل وقت بس لازم نكتشف ايهما صادق !
و الغريب انو خيارات المراهق بعمر تحت ١٨ قليله جدا كيف خلاه يختار شخص و يفضله ع الجميع !!!
انتظر تدخل الكلية و شوف الشباب انواع و الي قريب من شخصيتج راح تتقربين منه ، مو واحد شفتيه بالشارع او كتبلج بالنت او او ... بعدج بعمر المراهقه منغلقة او الشباب الي حواليج قليلين او وهميين !! بس بمكان الدراسه او العمل تشوفين بعين شكو !!!

٥- الكبار من الشباب والبنات ٢٤-٤٠ الهم تاثير كبير بالمجتمع و مروا بهالاشياء ، ما تعرف اخوك او اختك او بنت عمك او ابن عمك من يشوفك تحجي عن البنات هو هم يقلدك!!! ما تعرف لمن تدخل الغرفه و تحجي و يه حبيبتك هو هم اله نفس و يريد يجرب الي تسويه!!! لان انت ممفهمه انو لازم يوصل لهذا العمر!! و ما فهمته انو هذا حبيبتك و تكول لامك اكو بنت احاجيها او تكول لاختك او اخوك الصغير حتى يحس انو انت صادق و ان كل شي تسويه تحجيه و ما تخبي شي لان متسوي شي غلط !! هو يشوفك قدره او مثال كدامه يغار و يحاول يجرب و يحاول يمثلك !

٦- لازم المراهقين هم يتعلمو يصادقو افراد عائلتهم و يحجو لشخص واحد عن حاله و احواله و طروفه و تفكيره و اراءه لان اذا فيه غلط يصحح !!