حب في المراهقة

لاتقول ما اقدر انسى!

بعد كل هالكلام راح يجي جماعة و يضل يشتاق لان الشخص خلق فراغ بحياته حتى لو كذبا ! و خاصة اكو بنات و شباب متعلقات ببعض !

اهنا اكول اني ما كلت انسي!! ما كلت انسي ! اذا هدفج تنسي للنسيان فهذا غلط كبير !!

لازم تقتنعي بقناعه انو انتي في غلط و اذا مو عن قناعه ! فما اله فائده !

لازم تؤمن هالشخص كان غلطه فالحب و هالعلاقه كان كارثة و محظوظه بنجاتك و لازم تنسي كل شي تماما باقتناع و كل ما تتذكري تكول الحمدلله نفذت من هالشي !
و بالعكس تضحكي على هالايام الي كنت بيه غبي و طايش !
و الي يقول جذب واحد يكدر ينسى ! راح اقوله لا تمدر و تكدر بكل سهوله و بيوم واحد ! فقط اطلع من مود العاطفه و الحزن و الاغاني !

راح احجيلكم عن قصة حيل واقعيه

كان اكو ولد عمره ١٥ سنة شاب ممتاز و ذكي و موفق و مجتهد و شكله مقبول !! بنت عمه سوو زيارة لمدينتنه (كل مدة بعيدة نشوف بعض) و هي شكلها حلو مختلفه الولد اعجب بيها و بوقته صارحه الولد و هي رفضت !
الولد قضاه حزن و بجي و اغاني و كانها اخر الدنيا و خلص ماكو شي يهم بالدنيا !!
مر الايام و الولد ما نساه و بباله يحاول !! اهنا دخل بنت خالته بالموضوع و هي هم بغير مدينه عايشين فهمه هم اجو زيارة من لمدينتنا اهنا الولد حس هي ودودة اكثر و تتميز عنها و كل شي بيها ممتاز (كل شي شنو؟ ولا شي هو بباله صنع خيال ههههه) صارح بنت خالته و هي هم رفضت !
الولد ما استوعب الامر و ضل يبجي هم و هالسوالف و زعل من البنت و من بيت خالته ! قبل ما ترجع البنت قالتله انت انسان مميز جذا و ماكو منك و اتمنى نبقى اصدقاء بس الظروف ما سمحلنا ! الشاب شويه خف و كال احنه اصدقاء ..
البنت رجعت ! و الشاب يضل يحاول و يحاول ! كلما يجدد عنده الميل و يصارحه و يزعل و يرجع و هكذا ! بهذا الاثناء الشاب كان واقعي و منطقي كان يفكر شلون يخلي البنت تعجب بيه فكان يدرس و يدرس و كان ما يهتم لاي بنت و لا يهمه مع العلم البنت مموجوده يمه و لا يدري بيه ! بس هو شي بداخله كان نذر حاله للبنت !
البنت تكوله انت شخص مثالي بس ما نصير لبعض !
الحالة هذا استمر خمس سنوات و الولد وفي و يحبها من طرف واحد و مهما يلتقي ببنات اخلاق و حلوات و كل شي ما يهتم و كان عينه انعمى ! و الحلو البنت ما تعرف هذا يسوي هيج !!

الحب كان وفي جدااااا و نقي جداااا
الولد طلع الاول و امتياز و رفعة راس !
بنفس اللحظة سمع البنت سوت علاقه حب ويه ولد يعرفه هو و الولد يعرف هو يعب هالبنت !!
المشكله الولد هذاك انسان سيء بكافة المعاني و ماكو شي سيء ممسويه من سرقة و زنا و كذب و خداع و عائلة سيئة و مريض صرح و حتى يشرب و كل شي و بدون شهادة و يشتغل تكسي و علاقات كومه و طالب ايد كم بنت ما ينطون ! و هذا الولد الاخر صديقي متفوق و ابن ناس و شخصيته ماكو مثله و وفي و الكذب خط احمر و طموح و كل شي !!! الفرق شاسع بين الاثنين ! لا مجال للمقارنة !
فقط هذا عنده شيئين يميزه وهو.
اولا شكله حلو
ثانيا هو من الاشخاص الي يعرفون يخدعون البنات ! و هذا شي رائج !
اكو شباب يعرفون نقاط ضعف الفتيات و شلون يحجون و بيا نبرة صوت و شوكت يزعلون و رومانسيه !
هي انسحرت بيه !
المهم الولد انصدم و ما عاد يصدك !
كلم البنت و قال لها هذا الولد هيج و هيج و هيج و عيني لا تتزوجيني اني بلا لاتتزوجي هو ! البنت قالت انت معليك !
الولد اهنا كان محطة انقلاب بحياته
فكر و فكر ! كال زين اني ليش احبها؟ شنو الي يخليني احبه ؟ احنه بباي شي ما نلتقي ؟ و اصلا حيل بعيدين و فكر بالنقاط المشتركه و فكر بشخصية البنت من الصفر !
لكه هو كان في سبات عظيم ٥ سنوات و بخيالات ما اله اخر !
استنتج هو ما كان يحب هو كان معجب بشكلها و بنظرته الاوليه للبنت ! بس البنت مو هيج !
البنت كانت ولا شي !
فكام يضحك و يقول ايباااااه كل هذا كان خزعبلات ! و لا شي ! هههههههه
يعني كل شي هو خلقه بمخيلته هي هيج و هيج !
ارتاح الولد و بعد مدى البنت اهله ما انطوه للولدو رجعت اتاسفت من هذا صديقي ههههه
بعد مده اهل البنت و اهل الولد كانوا بس يلمحون للولد انو يطلبه هسه هههههههه
و البنت تتودد كمان هههههه
الولد هسه يضحك و يقول والله ما كان حب و مستحيل اتزوجها مو لشي بس هذا ما كان حب يعني اذا تريدون اعرضلكم النقاط الي نختلف فيها ، اكثر من عشر نقاط ظاهريه و ما اعرف بعد شنو ههههههه
حاليا ولا يتذكر البنت حتى من يسمع الاغاني يفكر بشخص معجب بيها بهذاك الفترة و ولا يحن للبنت ههههههههه و مع العلم ٥ سنوات مو قليله !

بس هذا الشخص اتعلم دروووس عديدة من هالشي !
و صار يعرف شنو هو الحب و شوكت تتسمى حب و شوكت اعجاب و شتان ما بين الاثنين و ياما ناس ضاعت من ورا هالشي من ولا شي
هههههههههه

ارجع اكول ماكو شي اسمى حب بلا زواج ! و ما عدا ذلك فقط خزعبلات و كلام ناس ضعفاء !
و ماكو شي ما اكدر انسى هو فقط انت ممقتنع بالخطر الي كنت بيه و ما واعي لهل شي !

محد يستاهل تتذكره اذا مو وياك هسه !
و محد يستاهل حزن لان انت الاساس لو كان يستاهل كان ما صار هالشي

انطي قيمة و عزة نفس لنفسك و طز بيه ههههههه
انت تحيب الف مثله !
بس حزنك يبعد حتى الي حواليك

راح احجي بالقسم الاخير عن هالشي !!

** اقصد بحب ماكو دون زواج هو انو ماكو حب بدون ضمانات و لان الزواج هو الضمان بمجتمعنه لانشتار الخداع و فقدان الثقه !
في غير مجتمعات مو شوط الزواج
بس اني حكم من منطلق ديني عشائري اجتماعي و البيئة و العقليه السائدة !