حب في المراهقة

من هو الحبيب؟

هالشي اكثر شي يشمل البنات لان ما يقدرن يطلعن و يشوفن الحقيقة ، عكس الشباب !

البنت فقط تصدك الي يقوله الشاب عن نفسه ! طبعا هذا غلط كبير !
محد راح يحجي عن سلبياته!
ممكن يكول اشياء عن جزئيات حتى يغطي بيه عن الاساسيات او يحجي عن حجم الكبيرات و يصغرها !

فلازم هم يعرفوا معلومات عن المقابل من غيره و حتى مو من اقرب اقربينه ! لازم تكونين بمكان تحسي بالاشياء و الافعال ! طبعا الي تريد علاقة صح و للزواج ! اما الي كل همها العلاقة فهاي ضايعه!

لمن تختار تحب بعمر تحت ٢٠ يعني حب مراهقة مثل ما ذكرت الاسباب ! و انو خيارك خاطىء جدا لان ممبني على شي ملموس !! اسالي نفسج ليش حبيتيه"اعجبت بيه"

١- سمعته شنو ! شلون يحجون عنه؟
٢- اسلوبه شلون مو شلون وياج ذاك اللحظه لان لو كان قاتل راح يصور نفسه ملاك حتى يعجبج لحين الي يريده او للزواج! اسلوبه ويا غيرج شلون؟
٣- اخلاقه شلون ؟ يسب و يشتم! يتعارك ؟ ياذي الغير ؟ ويا والديه شلون ويه اخوانه و اخواته؟
٤- علاقاته السابقة كم و كيف و شلون و شوكت!؟ مو الي هو يكوله !؟ هو راح يكول واحد او اثنين للمصداقيه و يكول اتعاوفنه مثلا لان افكارنه مو مثل بعض!و اكيد ما يكول مسيت بنت او سويت شي! هو غبي؟ اكيد لا!؟
و مو يجونج بنات يوصفولج ياه و هم تصدقيهم لان اكو من يدز بنات حتى يجون كدامج عنه حتى تنعجبي بيه!!
اكو من تكول ماكو شاب ما عنده علاقات و اكوللها صح بس الي مسوي علاقه غير الي مسوي خمسه!! الي خمس مبين لعوب و اكو سالفه و اصلا شنو هالحب رايح جاي .... اما الي مسويه مرة فهو شخص ممتاز لان دخل تجربه و اتعلم دروس و اتصور ما يعيده اذا ميعرف شنو و شلون!

٥- طموحه شنو؟ بالدراسه او الشغل زين طموح؟ لو كسول و كل همه طلعات و نوادي و كافيهات!! لو يريد يصنع مستقبله و يطلع شي مميز!! ؟
٥- يشرب او يدخن؟ لان هذا صفات سلبيه و ما يتركه ! و هذا دليل واضح انو بوقت مراهقته كان مع شله مو زينه علموه هذا الشي و اكيد اكو اشياء سلبيه اكثر بشخصيته!؟ لان هو يكول اني مسلم و يسوي شي ضده! زين منو انتي حتىًما يكسر وعده وياج؟ هو راح يكول اني اترك هذا و اسوي هيج! بس لاتصدقي بانو بعد الزواج يتغير اشياء وحتى لو بعد ٥ سنوات راح يرجع يسويه!!؟
٦- هو من جماعة الي يكفون يم المولات؟ او المدارسه او حتى بالكليه شغلهم بس يباوعون ع البنات؟ اذا هذوله ترى ميفيد و تدمر حياتج لان تفكيره قصير و شخصيته نازله و ما يترك هالشي ! لحد الان ما اعرف البنات شلون يرتبطون ويا هذوله الشباب!!؟ لان هم واكفين يباوعون ع الكل ياهو الي تقبلهم يلزموها ، يعني السالفه ما بيها لا حب و لا اي شي !! فقط هو دور و انتي كلتي اني "رخصتي نفسج للي ميسوى"
٧-منو اصدقاءه؟؟ شلون يتصرفون ؟ لان الطيور على اشكالها تقع!!
٨- لاتثقي بالمظهر لان المظاهر خداعه و هالشي ما يهمج بعد الزواج كثر ما يهمج حبه و تعامله و اسلوبه و شخصيته!
٩- ماضيه شلون جان؟ بيه مشاكل ! طبعا كلنا مرينا باوقات! بس اكو مشاكل مزمنه ما تنتهي و يبين بيها تفكير الشخص فاحرصي على معرفته!
١٠- عائلته منو و مشاكلهم شنو ؟
١١- تحصيله الدراسي احرصي لايكون اكو فارق شاسع ، اذا انتي طموحه فكيف تتزوجين واحد مو طموح و اصلا ما همه الدراسه!! بعدين تصرين دكتوره او ماجستير و هو ما همه تعليم كيف تتفاهمون ! الحياة مو يوم و ليله !! ٥٠ سنة و تصادفكم مليون مشكله اذا العقول ممتقاربه فراح تهدمون كل شي من البدايه!! فلهذا كوني واقعيه مو خياليه مرتكزه ع الحب فقط !!!
الحالة مثل الميزان - تتوافر فيك الشروط راح احول اعجابي لحب و الا ابتعد ما اريد حب سنه و شهر !!!