حب في المراهقة

البداية

ارجو من الكل يقرؤا هالشي
" اني شخص ميهمني لا الشهرة و لا اي شي و لهذا ما عرضت اسمي ، و كلامي لازم الكل يراجع بيها نفسه و يشمله ع الاقل نقطه من النقاط الي راح اذكره !
و رجاء شديد حاولوا تصحوا و لاتهملوا هالشي ، الكلام هذا ميجبلي شي شخصي! بس يجيب خير و مصلحه لمجتمعي ، بس يجيبلك انت حقائق تستفاد منه حيل و تصلح و تصحى على حالك ، اعتبرني شخص اعكس بيئتي او اعكس طبعي او اتفلسف او استشرف او او او ، ما يهم ، انعتني بأي شي تريده (اصلا انت ما تعرف شي عني) ، بس بالاخير فكر بالمكتوب جيدا و انت ما تخسر شي"
** ابوك اذا مدمن جكاير من يمنعك يعني ابوك ما يريد مصلحتك!!؟؟ نفس الحالة حتى لو اتهمتني اني افكاري وسخه و و. بس مع ان هالشي مو حقيقه بس اقبله كلامك بس اقره و فكر و اوعى !
..........
قبل كل شي لازم انوه الى ان كلنا نعترف و نؤمن بأن "بلدنا بلد مسلم و عاداته و تقاليده معروفه بمكانه المرأة و الرجل و حدود كل شي " و هذا الشي الك لازم يتذكره اثناء حديثي و هسه لازم نفصل احنه مسلمين لو غير مسلمين!! اذا مسلمين فالايات و الدلائل واضحه و المجتمع معمول به / اذا غير مسلمين فيلا كلنا نسويها مثل اوروبا ! مو نلتزم ببعض و نترك بعض !! يعني نلعب ع الحبلين باهوائنا!! و الكل يفتهم القصد و بكل المجالات! و اني شخصيا علماني متحرر لكن احجي بلسان حال المسلم ، اني مع حقوق الفرد و الرأءة و الحرية الشخصية لكن مو التطرف بالحرية و لا التطرف الي بدون تدرج و وعي ! الحرية سلاح ذو حدين "الجاهل يعكسه لاداة يدمر بيه نفسه و المجتمع " و هذا الي يحصل !
قبل ٢٠٠٣ ما كنا نعرف الانفتاح و النت و التحرر و التلفزيون و ملابس الجينز للشباب و للبنات هيج و موديلز و ستايلات و التواصل و التعارف و و و و. المهم دخل مجموعة كبيرة من الامور دفعة واحده بدون اي برنامج ابدا و بدون اي تدرج !او توعيه او تثقيف !