حب في المراهقة

توصيات

ما اعرف اذا توصيات جارحه و صارمه ........ بس شفت هالشي زين !

١) قطع النت عن من هم دون ١٨ تماما و بدون سابق انذار لان ما بيه شي يفيدهم بتاتا! و من خلاله اما يتعرفون على شباب و يتعلمون اشياء انحرافيه و تقليد الغرب و تطبيقه بمجتمعنا زائدا زياده طائفية و الحقد بينهم و تكوين تجمعات و اهمال للدروس و تضعيف العلاقات الاجتماعيه و الادمان ع النت و يزيد من مملهم و انشغال بالهم و ارتباطاتهم باشخاص وهميه و انخداعهم لكثير من الامور
وللعلم // ٧٠٪ من بنات مكبلات من عمر ١٤ و لحد لا يستثني بنته او اختهاو ابنه او اخوه و يكول اعرفه و هو او هي غير شي!! . حتى لو تعرف حاول تتاكد بصورة غير مباشرة و متاكد الاغلبية راح ينصدمون !!
و اخطر شي هو الجنس اكو من يعملون جنس صوتي او كتابي او صوري او فيديو او حقيقي و يلتقون و هم ارجع و اكول لحد يكول اعرف ناسي !!! هي او هو من يدخل فرقة لوحدها تدري شتسوي!!! فكر للحظه كل هالشباب يكلمون من بالفون و يطلعون بنات من!!!؟ سبب يسترعي النظر و الرجوع اليه

٢) سحب سيم كارت منهم لان هم ما يحتاجونه بشي و اذا احتاجوه باليوم مرة فاكو كذا فون !!
٣)عدم ترك الابن او البنت لوحده بغرفه و تقفل الباب ، ماكو اي سبب الا وقت تبديل الملابس و هذا ما يطول نص ساعه!!

٤) ما حاجه البنت او الولد ينام ببيت صديقه او صديقته !!! و اذا راحت للزيارة خلي الوقت قصير و انتو تودوه و انتو ترجعوه و تحجون ويه ام صديقتها مو صديقتها !! لان كثير من البنات لمن تروح يم صديقتها او لعند مدرسها الخصوصي بس ينزلها ابوها تروح ويا شاب و لمن الاهل يكلموه البنت صديقتها تكول اي هي وياهيه فتسويه مكالمه جماعة و تنحل الشغلة و ما تعرف البنت بحضن شاب!!
مثال!!!!!؟---
لهذا لازم يكون عندكم رقم امهات صديقاتها و مدرسينه الخصوصي و حتى بالمدرسة تتابعو غياباته!!! لاحد يتكاسل ، الموضوع جبير و يحتاج اهتمام و تركيز !!!!!
لازم البنت المراهقه ما تنزعج من هالشي بالعكس تفرح لان اهلها يريدون يصونوه ! و بنت الواثقه تفرح اكثر لان راح يطلع معدنها عند اهلها و راح يكتشفو بنتهم منو !!!
................
٥- الغاء حسابتهم جميعا ع الفيس و الانستا و الاسم و كل شي !! لان هم بعمر ما يحتاجون تعارفات و نشر بوستات و صور !! النت سلاح قاتل بيد اولادكم المراهقين و ممتعلمين منه غير الشي السلبي!!!!
المجتمع ضاع بعد المسلسلات و النت ما دخلت!!!! بعدنا بالبدايه و النت جديد !!!!
لازم هسه نمنع و الا الكارثة اكبر !!!
٦- طبعا للشباب و البنات ! لازم الاهل يقرو و يعترفو المراهق ما ماخذ من النت اي فائدة غير انو زاد اهتمامه بشكله و اكسسواراته و وموبايله و كامرته و تشاتاته و صار يكره المدرسة و العلم و يتعلم الانحراف و ضحك على بنات الناس و تشرد و الاهتمام للشكليات و ترك الاشياء الي يبني شخصيته !!!
و لو تساله شنو تعلمت من النت! راح يكو فلان تحشيش و هذا سب هذا و فلان بنت و كبلت و و

٧- الاهل لازم يعرفون هسه كل بنت و شاب فوق عمر ١٤ يبحثون عن الحب و التكبيل و النت فقط سبب هالشي و اي واحد يكدر يدخل مواقع التواصل و يشوف الكوارث!!