حب في المراهقة

المراهقة و الحب

***كتبت النص قبل هذا الفيديو الي اعلاه
لتمنى الكل يشوفه لان فيه تفسير و توضيح جميل

٢- المراهقة:
نشوف و شفنا بنات و شباب حاليا بعمر ١٤ و صاعدا يبدون يحجون بالحب و يدورون حب !! طبعا اكثر شي خلاني احجي عن هذا المواضيع هو هذا الموضوع !
الحب موجود لكل الاعمار من الولادة للممات ! بس اكو مسالة اكبر لازم الواحد يركز عليه !
الكل يبحث عن حب الحياة و الحب الابدي و الزواج و نكون لبعض ...
بما انه كذلك فعندما نختار ليش منختار بدقة! ليش ما نحضر نفسنه لهذا الحدث !؟ ليش مسوينها مثل لعبه او مثل واجب ! او مثل شي لابد منه!
الانسان بعمر ١٤-٢٠ برائي مراهق و يتغير هالشي تبعا للظروف الي بيه هو و بيلوجيا جسمه و هالفترة معلوم جدا مدى خطورته و تاثيرة ع الانسان و ما تاثيره على طبعه و شخصيته!!
و كالتالي و بدلائل علميه ممكن اي واحد يقراه باي صفحه علميه .. و بتجارب الي مرو بهذا الفترة !
المراهق كالتالي:
اولا: تبدا بعض الهرمونات الجنسية و النمو بزيادة افرازها و تكون بحاله تذبذب و هالظاهره يكون جديد ع المراهق فيصعب ان يفهمها او يستقبله بسهوله فيكون لديه رغبه اكثر !!
ثانيا: التفكير يكون غير مستقر تماما ، يكون مضطرب جدا
ثالثا: الشعور بالكائبة و الوحدة و الانطوائية الذاتيه نتيجة تاثير الهرمونات !
رابعا : التطرف فالاراء و الحساسية الزائدة تجاه الامور و المواقف و النقد
خامسا : العصبية او الكتمان ففي الحالتي هناك تطرف نفسي ! و هذا سيء جدا !
سادسا : نظرة المجتمع للمراهق يجعل المراهق بموقف انو يثبت بانو رجل و بالغ و البنت ايضا تثبت انها بالغة!
فاي رائي كان ارادو ان يتخذوه قد يكون ناتج عن تفكير بدائي و متسرع و غير مبني غالبا !
سابعا: تاثر بافكار الغير و تصديقه بسهوله جدا !
ثامنا : ان سحب المراهق للانحراف سهل جدا لان يجد فالمتعه عذر كافي لعمل اي شي و لا يهمه اي شي لان جل تفكيره للحظه ذاته! ما يفكر بالسمعه او مخاوف الفعلة او مضاعفات او تاثيرة او حتى ابعاده !
تاسعا : مشاكل الي تصادفه و تصرف المجتمع معه يرغمه انو يكون حدي في قرارته و عنيد
عاشرا: مشاكل الاهل اله تاثير سلبي جدا عليه و يقوده للاهمال او عدم الاكثراث لاي شي و ان يتجه للشارع او يكون انطوائي!
احدى عشر:الاصدقاء هم عين الانسان الي يشوف بيهم العالم .. غالبا الانسان لمن يخرج للشارع بتلك العمر راح يخسر و يصادق اصدقاء السوء ! اني ما احجي الي باليوم يلتقون ساعه او بالاسبوع اربع ساعات!!
اثنى عشر : الميديا و الاعلام - كل الي انشوف ع الانترنت و التلفزيون مصطنع و اصلا اهدافه انو يسيطر على عقول و اراء الانسان ى بشتى الاساليب وهذا ما نجحو بيه
مثلا : مسلسل العشق الممنوع ( مهند و سمر) صور للعالم انو الحب لازم للابد و انو الحب ميموت و لازم الانسان يسوي اي شي في سبيل الحب حتى لو كان خيانة او موت !! و انو الحب للحبيب الاولي و انو الحب علاقه حلوه و كله فرح و بوس و حضن و جنس و ايام عسل و و و و ! لا اساس له فالواقع لا من بعيد و لا من قريب ! هالمسلسلات فهم الشباب و البنات يحبو بأي عمر كان و انو يسلمو نفسهم للحب و يمارسو كل شي وياهم لان هذا هو الحب و لازم يطبقوه ! يعني يقلدوهم و يريدون يجربو احساس مثل ما موجود بالمسلسل ! هم ما مدركين الشي الي شافوه وهم و انو غلط في غلط و انو الحب مو بلحظه او مو بوس و حضن و انو مو اموتلك و اسلمك نفسي !! هذا اشياء وهميه و وقتيه للحظات . طبعا اداء و سيناريو و موسيقى المسلسلات مدروسة تماما ! يعرفون الانسان يستسلم لشي اسمه عاطفه و شعور !!و الموسيقى يخدرهم تماما ! فلما بمشهد سمر يحضن مهند الكل تكول ااااه يا ريت عندي حبيب!! و هذا يبقى بباله الى ان يشوف شاب ! و لمن تشوف سمر نامت ويه مهند هي هم تكول والله هذا الحب يا ريت نجربه و نعرفه شلون!! و و و ... بس هذا ما كان حب هذا شهوة!! و الشهوة ابدا ما اله ربط بالحب! اطلاقا و وين ما اتواجد الشهوه لايتواجد الحب ! لان الشهوة شي غريزي و الحب شي فطري معتمد ع الاحاسيس و الشعور. الصادق!
طبعا اكبر كارثة حدثت هو دخول المسلسلات التركيه النا لان هذا الشي ممعمول بمجتمعنه و شي وهمي و لا المجتمع و لا الدين و لا العقل يسمح بيه ! فقط شي واحد يسمح بيه و هو العاطفه المزيفه الي جردت العقل! اي شهوانيات الانية وهو تدمير للتفكير و المستقبل !
و اصلا تدمير لمعنى الحب بحياتنه و بالمجتمع!
..............
ثلاثة عشر : النت و الفون و برامج التواصل
هذوله زاد الاحتكاك بين الجنسين و خله اي واحد بباله شي مباشرة يطبقه او يسويه
فالنفرض سابقا البنت كانت تمسك نفسها امام الشباب الي يعلقون او يعجبون لان عددهم ٥-١٠ ... بس هسه كل دقيقه احتكاك! كومنت او لايك و بسبب الفقر العاطفي الي بيه شبابنا مرات لايك يبني علاقه!!
رابع عشر : المغريات كثر الشباب يهتمون اكثر بانفسهم و البنات و طبعا كلما زاد الجمال زاد الطلب ! و هذا الشي ما اعترض عليه لان كل واحد يحب يطلع احلى بس ذكرته كنقطه يسبب تكوين علاقه!!
الخامس عشر : اكو بداخل كل انسان شي وهو حب الاشتكساف او التجربة / فرضا كلت هالطريق مو حلو فانت يبقى بداخلك ليش كلت مو حلو و شنو المحلو بيه فتريد تجربه و تجربه ....
نفس الشي اكول لا تحب بهالعمر مو زين مباشرة يتكون عنده شي بباله ليش قال هيج خلي اجرب !!!
و اكو نقطة اخرة وهي محاولة التميز عن الغير يعني اني احب وحده و عندي علاقة و بس نحجي فون ، هو يريد يسوي شي اوفر يريد يلتقي بيها حتى يتميز عني !! شفتو وين نبحث ع التميز؟؟ كل تفكيرنا بالحب و العلاقات و الشهوانيات و هم منعرف شي منه!!
.....................
كل هذا النقاط يثبت ان الانسان مو بوعيه التام و لمن يختار ! يختار الشخص الخطأ باعتماده على اعجابه بنقطة وحده و تعميميه على باقي النقاط !! مثلا الشاب حلو فحلاوته راح يعمي عينها و تكول والله مؤدب و شريف و اسلوب و سمعه و اخلاق!!!!!! مع العلم هي ما متاكدة من هالاشياء و لا تعرف اي شي من هاي غير من لسان الولد نفسه !! تقوله حبيبي كان عندك علاقات ! يكول اي والله وحده بس تركتها لان جانت مو زينه و اسلوبها مو حلو .. مع العلم بنفس اللحظه هو يكلم ٥ بنات !! و كل بنت متعلقه بيه و تظن انو هي الكل فالكل !! و انو يحبها و يموت عليه ما يعرف قبلها كومه بنات و وياها كومه بنات!!! بس هي تقنع حالها ! لان متخدره . الولد يكون احبج و اموت عليج هاي الكلمه مهمه الها و تحسه من القلب ههههه مع العلم الولد هذا شغله!! و هم البنت تحس انها تحب و مثل الافلام و المسلسلات و تعيش اللحظه !! المهم
.................
قطعيا المراهقين و المراهقات لازم يعرفون الحب مو عيب عليهم و مو ما يحبون !
بس يحبون الشخص الخاطىء و بالوقت الخاطىء
راح ندخل موضوع انو هسه كل بنت تكول اني غير و حبيبي غير و لقاءنا غير !!!!! و هذا الكل راح تكول!! و مع الاسف الكل مشمولين و الي تحت ٢٠ او ١٨ لازم يصحو على نفسهم و المشكله حتى لو اتزوجوهم راح تكون المشاكل اكبر و راح اوضح ليش !!

اتركو تعليقاتكم و اسالتكم ايضا

يوجد الكثير من الفيديوهات الي يشرح شنو المراهقة بكل الوجهات الدينيه و النفسيه و المنطقيه و غيرها
اتمنى تشاهدوا هالشي يا مراهقين و يا غير مراهقين .