HS2: Matchmaker's Tragedy

CHAPTER TWELVE

"Xia, bestfriend kong nerd, paano ba kasi ito?"

Napakamot na lang ako sa ulo ko dahil kanina pa hindi nagegets ni Lola ang tinuturo ko. Si Fiona naman ay nakatingin lang sa kamiserablihan niya, tumatawa pa. Habang ako? Paulit-ulit na ineexplain ang mga bagay na hindi niya maintindihan.

"Hirap 'no?" Mababasa sa boses ang pang-uuyam. "Buti pa ako, may kokopyahan." Tumawa pa siya.

"Sige lang. Bagsak sana kayo both." Umirap lang si Lola sa kanya at nagpatuloy sa pag-aaral. May test daw kasi sila. Pareho pa sila ni Fiona'ng meron. Meron din naman ako kaso exempted kasi may nasagot akong tanong.

Mayamaya'y nag-aral na lang rin si Fiona. Wala daw kasi siyang tiwala sa kokopyahan niya. Wala naman daw siyang balak mangolelat.

"Hala, putangina, ganyan lang pala 'yan?" Nagulat ako sa biglang pagsigaw ni Lola. Ngingiti-ngiti pa siya na akala mo naman ay naka-achieve ng isang pangarap. "Panis, behlat, Fiona."

"Getsness ko din, Lola. Behlat ka din." Nagpagalingan lang sila kesyo si Lola daw ang unang makagets. Si Fiona naman, sabi niya kaya daw nagets ni Lola kasi nagpaturo, siya hindi. Ewan ko, para lang silang bata. Nakapangalumbaba lang ako habang nakatingin sa kanilang dalawa.

Bakit sa kanila ang big deal kapag nakukuha nila ang sagot? Sa akin kasi, parang na-normalize ko na siya. Hindi ako masaya kapag nakukuha ko ang tamang sagot kasi dapat naman na makuha ko 'yon.

"Tigilan niyo na nga 'yang kakaaway niyo. Para kayong bata." Napatingin ako kay Reese nang dumating ito. Pinitik niya pa ang noo nila Fiona at Lola. "Si Xia na lang ba ang matino sa inyong tatlo?"

"Matino kaya ako!"

"Hoy, sinong nagsabing hindi ako matino?"

Reese just scoffed with there reaction. He fixed his hair and his bag before sitting next to Lola.

"Ay, wow! Si Lola magtitino na. Nag-aaral na ng mabuti." Unang ambag mula kay Reese.

"Bobo." Hinawi lang ni Lola ang kamay ni Reese nang akma nitong kukunin ang aklat niya. "Huwag mong hawakan! Malas ka pa naman."

"Tinitingnan lang kung tama." Depensa ni Reese at muling sumubok na kuhanin.

"Tama 'yan. Chineck na ni Xia." Nakapanood lang ako sa kanila na mag-agawan. Ganon din naman si Fiona, kaso siya, nakangisi na animong ineenjoy ang view.

"Siya nga pala Reese, nasa'n si Blake?" Tanong ko nang mapansing wala siya. Napatingin naman ito sa akin.

"Ah, nando'n kasama ni Vina. Ewan. Kakain daw sila ba 'yun? Ewan. Wala naman akong pake sa gunggong na 'yun." Tawa niya saka binitawan ang aklat dahilan ng pagkahulog ni Lola.

"Aray ko, pakshet." Reklamo niya. Tumawa ulit si Reese at pinanood bumangon si Lola. "'Wag kang lumapit sa akin please, at masasapak kita."

"Bakit mo nga pala hinahanap si Blake, Xi?" Tanong ni Reese at hindi na lang pinansin si Lola. Tinulungan niya rin namang makabangon kanina. "Miss mo 'no?" Nakangisi na siya.

"Hindi. May itatanong lang ako sa kanya. Though, hindi naman siya importante." Depensa ko nang makita ang pang-aasar sa tingin niya. Tumango lang siya at nagpatuloy sa pakikipag-asaran kay Lola, hindi nawala ang ngisi.

"Oh, Blake. Hinahanap ka ni Xia. May itatanong daw." Napatingin ako sa tiningnan ni Lola pero wala naman akong nakitang Blake. "Hindi naman halatang hinihintay mo nga, 'no?"

"May itatanong nga kasi siya, ano ba kayo." Tatlo na silang nakangisi sa akin ngayon. Nakaramdam tuloy ako ng pagkapahiya kasi masyadong obvious na hinahanap ko ang presensya niya.