Unicode
ရှောင်းကျန့်က ၀မ်ရိပေါ်ကို အကြိမ်ပေါင်းများစွာ အကြောင်းအမျိုးမျိုးနဲ့စိတ်ဆိုးနေဖူးတယ်။ ဒါပေမဲ့ နောက်ကျမနေနိုင်တဲ့ သူကပဲ ပြန်သွားခေါ်ရတာပါပဲ။ တခါတလေဆိုသူစိတ်ဆိုးနေခဲ့မှန်းတောင် ၀မ်ရိပေါ်ကမသိလိုက်ပါဘူး ။ ရှောင်းကျန့်ကအမှတ်မကြီးတတ်တော့ ခဏနဲ့စိတ်ပြေတတ်လို့ ...ဒါပေမယ့် သူ့ရင်ထဲမှာတော့ အစိုင်အခဲသေးသေးလေးတွေက ဆူးတွေလိုတဖြည်းဖြည်းနဲ့စိုက်၀င်လာခဲ့တာ သူ့နှလုံးသားလေးက အဖာအထေးတွေနဲ့ပေါ့ ....
တစ်ခါတလေတော့လဲ ၀မ်ရိပေါ်ကသူ့ကိုချော့တတ်ပါသေးတယ်။
"ရှောင်းကျန့် မင်း Disneyland သွားချင်လား "
"သွားချင်တာပေါ့ "
"ငါလိုက်ပို့မယ်လေ "
"မင်းတကယ်ပြောနေတာလား"
မျက်မှန်အဝိုင်းလေးအောက်က မျက်လုံးကြည်ကြည်လေးတွေက ပျော်ရွှင်မှု့နဲ့ အရောင်ပိုတောက်လာတယ်။
"အင်း တကယ် "
"တိုကျိုကိုသွားရမှာပေါ့ "
"ဒီမှာ လေယာဉ်လက်မှတ်
မနက်ဖန်အတွက်ဖြတ်ထားတာ "
"ဟာ တကယ်ကြီး ...ဝိုး
မင်းကလဲကြိုလဲမပြောဘူး "
"ကြိုပြောစရာလား သွားမှာလားမသွားဘူးလားပြော "
"အင်း သွားမယ် သွားချင်တယ်
ညကျ ပါးပါးတို့ကိုပြောထားမယ် "
ရှောင်းကျန့်က ခုန်ပေါက်ပြီးပြောတယ်။ သူပျော်နေရင်နည်းနည်း ခုန်ဆွခုန်ဆွဖြစ်တယ်။ ရိပေါ်က ပြုံးပီးကြည့်နေတယ်။ ပြောပါတယ် ၀မ်ရိပေါ်က သိပ်အဆိုးကြီးမဟုတ်ပါဘူးဆို ။ အနာပေးလိုက် ဆေးပေးလိုက်နဲ့ ဒီဝဲဂယက်လေးထဲမှာ ရှောင်းကျန့်ကပျော်မွေ့နေတာပါပဲ။
သူတို့ရဲ့ ဂျပန်ခရီးစဉ်လေးက အရမ်းပျော်ဖို့ကောင်းခဲ့ပါတယ်။ အမှတ်တရတွေအပြည့်နဲ့ပေါ့ ။ဓာတ်ပုံတွေလဲ အများကြီးရိုက်ခဲ့တယ်။ အထူးအဆန်းမုန့်တွေလဲစားခဲ့တယ်။နှင်းလျောလဲအတူစီးခဲ့တယ်။ နေရာစုံလဲလည်ခဲ့တယ်။၀မ်ရိပေါ်ကြီးက အရမ်းကိုသဘောကောင်းနေတာပဲ။
YOU ARE READING
Just Friend : After 10 years(Completed)
Fanfiction၀မ်ရိပေါ် ငါမေးပါရစေ...ငါကမင်းအတွက်ဘာလဲ ... ၀မ္ရိေပၚ ငါေမးပါရေစ...ငါကမင္းအတြက္ဘာလဲ ... Start Date -20.6.2021 End Date - 12.7.2021 #YiZhan
