Just Friend : After 10 years(Completed)

Part(11)

Unicode

"ရော့ ဒါက အသေးအမွှား ငါလိုတဲ့စာရင်းတွေ
မင်းသွား၀ယ်လိုက် "

၀မ်ရိပေါ်က ကြောင်ခြစ်သလိုခြစ်ထားတဲ့လက်ရေးနဲ့ စာရွက်လေးတစ်ရွက်ကိုရှောင်းကျန့်ကိုပေးတယ်။

"ခရီးဆောင်အိတ်က အဆင်သင့်ဖြစ်ပြီလား
၆လတောင်နေရမှာနော် ဘာမှမကျန်ခဲ့စေနဲ့
ဟိုရောက်မှ ဟိုဟာကျန် ဒီဟာကျန်ဆို မင်းငါနဲ့တွေ့ပြီမှတ်"

"ငါထည့်ထားပါပြီကွာ "

မနက်ဖြန်ဆိုသူတို့ ကိုရီးယားကိုသွားကြရမယ်။ အဲ့မှာရိပေါ်က ဇာတ်ကားရိုက်ရမှာ။ ၆လတောင်နေရမှာမို့ လိုအပ်တာတွေသေချာထည့်ရတယ်။ ဒီဇာတ်ကားက ၀မ်ရိပေါ်ကို ဆုကြီးကြီးယူပေးနိုင်မဲ့ကား။ ၀မ်ရိပေါ်က ဆိုဖာမှာပျင်းရိစွာထိုင်နေရင်း ဇာတ်ညွှန်းကိုဖတ်နေတယ်။ ရှောင်းကျန့်က ပိုက်ဆံအိတ်လေးကို အိတ်ထောင်ထဲထည့်လိုက်တယ်။ ရိပေါ်လိုတာလေး‌တွေ သွား၀ယ်ရမယ်။

ပစ္စည်းတွေ၀ယ်ပြီး ပြန်ထွက်လာတော့ လမ်းမ‌ဘေးက ကိတ်ဆိုင်လေးကိုကြည့်မိ့သွားတယ်။ သူဖုန်းလေးထုပ်ပြီး Date ကြည့်လိုက်တယ်။ အားး ဒီနေ့က သူ့မွေးနေ့ပဲ ။ ရှောင်းကျန့်က မေ့နေခဲ့တာ ...ဘယ်သူမှလဲသူ့မွေးနေ့ကိုအဖက်မလုပ်တာကြောင့် သူပါမေ့သွားတယ်။ ဘယ်လိုဖြစ်ဖြစ် ကိတ်လေးတစ်လုံးတော့ ၀ယ်လိုက်မယ်။ ရိပေါ်လဲ အိမ်မှာအားနေတာပဲ ကိတ်လေးအတူခွဲကြတာပေါ့ ။ ၀မ်ရိပေါ်က မွေးနေ့တိုင်းအတူရှိပေးမယ်လို့ သူ့ကိုကတိပေးထားဖူးတယ်။ မွေးနေ့လက်ဆောင်လား မလိုပါဘူး။ သူ့အနားမှာ၀မ်ရိပေါ်ရှိနေတာပဲလေ ..ဒါကအကောင်းဆုံးလက်ဆောင်ပဲပေါ့ ။

ကိတ်ဘူးတစ်ဖက် ၀ယ်လာတဲ့ပစ္စည်းတွေတစ်ဖက်နဲ့ ယုန်လေးက ခုန်ပေါက်လို့ .....

********************************

တံခါးဘဲလ်သံကြောင့် ရိပေါ်က ထထိုင်လိုက်တယ်။ နာရီကြည့်တော့ညနေ ၄နာရီခွဲ ။

ဘယ်သူပါလိမ့်...

"ကိုကို "

ပစ်ချွဲတဲ့အသံနဲ့အတူ သူ့ကိုလာဖက်တဲ့ မိန်းကလေး။ သူလက်ရှိတွဲနေတဲ့ ရည်းစားတွေထဲက တစ်ယောက်။ သူမက နာမည်ကြီးမင်းသမီး၊  အသက်ငယ်ပေမဲ့ အနုပညာသက်တမ်းကြာပြီမို့ သူ့ထက်ကိုဝါရင့်တယ်။