لوحة بيضاء.. عليها أوراق مثبته بعدم إهتمام.. حشد من الطلاب والطالبات يترقبون رؤية أساميهم الا فتاة تجلس بهدوء .. ترتشف عصيرها المفضل المانجا.. حتى وقفت أمامها
شهد : نفسي نفسي يكون عندي نص برودك دا .. ما شايفه الناس واقفه و تدافر كيف يا تسنيم!..قاعدة كأنك حتجي الأولى!
تسنيم: " بعدم مبالاة " .. الله اكبر.. دي مرحله صعب تصليها حبيباه ! .. غير أنو بالي معاه الليلة جاي البيت.. وأخيرًا .
شهد " بحماس و فرح ": احلفي و أخيرًا أخيرًا الحمدلله .. دقيقة أبوك عارف أنو #قاطعتها ..
تسنيم: عايني ما تخربي علي فرحتي عليك الله.. و ماتديني أفكار سلبية.. ممكن !
شهد " جات وحضنتها " : عارفة.. كلامي حار بس بس كمان عمي و عارفاهو.. فا جهزي كل الاحتمالات.. اسي كدي أشوف النتيجة دي !
....
بلسان تسنيم:
انا البت المتوسطة خريجة إدارة .. أكبرنا جودي و بعدها نجوان حتى انا و بعدي رامي و عمرو اصغر البيت .. أقربهم لي نجوان بس مسافرة مع زوجها.. آما جودي اتخطبت وفركشت لأسباب حنعرفها لقدام.. الليلة يومي آنا ..
حبيبي حيتقدم لي 💙 ...
وما أعتقد انه في حرف ممكن يترجم سعادتي و فرحتي الليلة..
هو عاوزه شنو غير البحبه حيكون معاي و للأبد! ...
كل البتمناهو ان بابا يوافق او ماما تتدخل و تقنعوا..
..
شهد " بفرح ": قومي قومي خليني احضنك و أبارك لك..
تسنيم "بعدم صبر " : هااا بشري!! وا#قاطعتني بحضن و زغردت
شهد: فخرنا ياخ ألف مبروك.. جبتي... كعادتك يعني.. عقبال موضوعك التاني حبيبتي.. " باستها في خدها "
تسنيم: الحمد لله.. الحمدلله.. شفتي ربنا كريم كيف.. أها و انتِ !
شهد " بصوره أقرب للضحك و التريقة " : حبيبتي انا .. آنا وجودي في الجامعة دي من جانب المشاركة و ليس المنافسة حبيبااه زي ما بتقولي " و ضربت رأسي بطقتين خفيفات " المهم معدلي جيدجداً .. و السيد عماد حيديني درس طويل .. بت عمك و ما أدراك.. اسي يا نينا غالبك تشاركي زي آنا!!
ولا لازم كل سنه تجيبي لي الهواء ؟!.
تسنيم " بضحكة و استهزاء " : تحمدي ربك آنهم بشغلوها ليك بي .. مش قالوا ليك العمرك ربو عيالهم ههه
شهد : ههه أقسم بالله دي الحسنه هنا. يحليلك إنتي... كل ما يشوفوك يقولو ليك عرسي ههه
تسنيم " بفرح وحب ": ابن حلال... هدا العريس أتصل علي.. يلا يلا
شهد : اللقى أحبابه.. يخس عليك هه
تسنيم: ما شغاله بيك
..
تسنيم: وعليكم السلام..
_اطلعي منتظرك برا
تسنيم: طيب ثواني اكلم شهد دي.. واجيك
_اديها المفتاح حقك.. حرجعك انا!
تسنيم: كيف كيف! ما فاهمة انا
_يا ماما روقي اطلعي بس.. ممكن! حفهمك بعد تجي تمام
تسنيم: حاضر دقايق.. #قفلت الخط و بقيت انادي شهد يا شهوده حبيبتي..
شهد : عايني لمي أسنانك ديل.. والفي راسك لا ولا تحلمي .. تمام!
تسنيم : يخس عليك.. أخر مره أطلب منك.. شيلي مفتاحي وارجعي حباب ؟! .. قلتي شنو !
شهد : أمرنا لله غايتو.. الله يعقد ليكم و اتفك أنا وأرتاح.. بعدين هو مفترض يجهز نفسه مش عارف بعدين بدرالدين راجيهو!..
تسنيم: أشتاق و جاء يشوفني.. رزق والله رسله.. نجدعه و لا ناخدو!
شهد : لا ماعرفتك.. شوق قال.. الله يورينا نهايتكم.. امشي يلا المشتاق منتظر.. احضنيهو بالله طيب
تسنيم: تو تو لم نتلم في بيتنا.. الحلال سمح.. سلام..
....
تسنيم: اتاخرت عليك!
_ لا حبيبي.. و ألف مبروك نجاحك يا حبيبة ..
تسنيم " نظره مليانه حب و فرح " : الله يبارك فيك يارب.. متين شفتها وان#قاطعها
_حبيبتي انتي .. متأكد من نجاحك اولاً.. و العصفورة قالت لي ثاني حاجة.. و بعدين مالك قاعدة براكِ كنتِ ! بتفكري فيني صح !
تسنيم: الله! ... ههه طيب عصفورتك دي انا لي تلاته يوم ما شفتها كويسة هي! وينها اسي صحي مش#قاطعني
_اتنين ماشين يختاروا دبلهم هي البوديها شنو ! .. بعدين باستي هي حتمشي قدامي البيت تجهز لي حاجات طالبها منها فهمتي..
تسنيم: عزام!! دبل.. ااا ههه ماشين نختار دبل .. يالله.. انا مبسوطة جداً ياخ.. لكن مش مفترض #قاطعني
عزام: أنو أقعد مع ابوك اول صح ! .. حقعدفي النهاية ما إنتي لي.. عارفة صح !
تسنيم: عارفه بس بابا..
عزام: بابا مالو ؟ حيرفض مثلاً
تسنيم: آنا خايفة والله ..
عزام: شوفي انا هنا ،، حتى لو رفض لا قدر الله.. مع اني ما شايف سبب يمنع.. ححاول معاه مره و تلاتة و ألف.. ما هو ما لقيتك بسهولة عشان اتخلى عنك.. اسي انزلي اختاري عشان نلحق..
..
في وقت متأخر من اليوم
بيت بدرالدين ( والد تسنيم) :
صالون كبير.. بعض النقوش على جانب الحائط من الجهة اليسرى .. و ساعه ذهبية فخمة.. ستاىر مزدوجة باللونين الذهبي و الأبيض.. عطر العود يملآ المكان.. كراسي جلوس أشبه للنظام الملكي.. يجلس الأب شامخًا مخاطبًا للابن الأصغر:
بدر: عمرو أمشي غرفتك و نادي رامي.. امشي أدرس.. وكلم أخواتك ما يجو بجاي!
_حاضر حاضر..
..
شهد: العروس شعورك كيف .. وراجلك تحت مع أبوك!
تسنيم: متوترة.. في حاجة حتحصل غلط.. احساسي يارب يطلع غلط
شهد : دا توتر بس.. بعدين مش عارف هو بي رأي أبوك!
تسنيم " هزت رأسها بالنفي "
شهد : الله اكبر يا نينا.. الله يجيب العواقب سليمة!
تسنيم : ما ناقصة هسسس..
بعدين دا مالو ما برد..
شهد : عايني حمشي وأشوف واجيك..
تسنيم: لا .. جايه معاك
...
تسنيم : كنت ماشه و قلبي في يدي و بردد يا رب يارب.. اللهم لطفك يارب لحد ما وقفت جنب الباب.. و صوت بابا العالي هز الصالة
..
بدر: بتي انا !
نتلاقى...
#نبض_العزام1
رمضان مبارك عليكم و ربنا يتقبل منا ومنكم صالح الاعمال ان شاء الله 💙
#tennana🌸
