بلساني..."
قال لي:
يا شابة شنو يعني ماف ولا ابتسامة 😊.... ابتسمي حتى لو مضره ... أول ما قال لي كدا رفعت رأسي و قلت ليهو: أنت !! ... أكيد هظار صح.. بابا لا يمكن يكون جادي فيك.... رجع قرب على و قال: لا أبشرك جادي... عرفتي ليه اتاخرت يومها ؟ .... و ليه قلت ليك طمعان في اكتر من كدا!!! .... حقيقي طلبت و ربنا اداني... جمال و حسب ونسب.... أمي دعت لي صح.... اكتفيت بابتسامة لآن بابا ركز معاي و في سري قلت وآنا داعين علي أستغفر واتوب اليك يارب.... فجأة بدا صوت الأغاني يتلاشى و أصوات المباركات.... حسيت بخنقه و ضيقه... الألوان بقت مهتزة في عيني...أول ما سبق عطره خطواته.... أول ما شفته من بعيد قلت لي شهد: شهد أمشي خلي يروح أرجوك قبل بابا ينتبه... مشت شهد و عاين لي مسافة... هو بيحفظ ملامحي ولا انا !!! .... حولت نظري منه و بيدي اليسرى مسحت دمعي الكان بادي ينزل ... عاين لي و همس براحة بحبك 💙 .... قلبي وجعني ... بعدها عمل بي يدو إشارة ابتسمي و مشى....مشى و خلى قلبي فاضي .... حسيت ببرودة سرت فيني
كيف و لا و هو الأمان و الغطاء لي من بعد ربنا و بابا... يداب حسيت بالخوف الخوف من المصير و من ياسر اللي ما عندي اي خلفية عنه!
بلسان عزام...
أول ما إتصلت فيها وما ردت و قفلت التلفون بعدها... عرفت ان خلاص.... طلعت من البيت كيف و لقيت روحي واقف قدام الحديقة و الناس داخله مارقة.... أخدت زاوية حيث مافي اي واحد يلمحني و اتسبب بي مشكلة تاني.... و اللحظة اللي جات داخله هي ومعاها بت أهلها و قعدت جنبه.... ما فاضل غير أمسكه واخنقه و أرتاح.... و لمن همس ليها و ما ضحكت ولا حتى ابتسمت... حسيت قلبي بيصفق .... طرت فرح أكذب عليكم!.... فجأة جات بت أهلها و قالت لي: امشي قالت ليك و عاينت ليها و لحظتها مسحت دمعها بي يدها اليسار و شفت خاتمنا مزين أصبعها 💙.... بعد شفتها و اتاكدت أنها لغيري وماباقي شي تاني هنا و مشيت و مقرر أنو ما أرجع تاني لا للوطن ولا للحبيبة 💙
وأنا طالع جاني صوت قال لي
" أنت!! استنى .... جاي هنا لي
_ ضحكت بين الدموع و قلت ليهو: جيت أبارك لك خسارتك و خسارتي
" أنت مريض... عارف كدا !!
_ بحُبها و بَحبها و بيها و يداب المرض مسكني و إنتهى.... لكن أنت... حتعيش بيهو طول عمرك و تتذكره لمن تشوفها بتبكي منو... لمن تجي تشكي ليك عنه .... لمن ما يكون في وقت عشان تصلح غلطك أنت.... و لمن تلقاها وحيدة مكتئبة لكن بتبتسم زي ما عملت قبل شوية عشان ترضيك و لمن و لمن ما حتلقاها زي ما سلمتها أسي.... ساعتها المرض حيمسك قلبك جد المرة دي.... ما هظار
" يعني بكلامك دا ح أحن ؟! حقول لك تعال عرسها أنت.... لا و ألف لا .... أنت ابعد عننا و فكنا من شرك و اه# قاطعوا
_ المرة دي الم جد ولا عشان تمشيني... اطمنك انا ماشي بس أحب أقولك أنت بنفسك حترجعها و تمسكني يدها.. و أتذكر كلامي دا.... سلام و مبارك عليك نجاحك
بابا بعد أستأذن و جانا راجع ما كان على طبيعته متوتر خفت قلت يمكن تعبان جيت جنبه قلت ليهو : أنت كويس!!! أجيب لك موية... قبيل أخدت علاجك !! قبل يرد.... جات ماما قالت: بدر الدين الناس دي ماشين قالوا كدي تعال !! ... قلت ليها: بابا أخد ادويتو اليوم ولا لا ؟! قالت لي: ما متذكره # قاطعها و قال ليها: أخدت آنا.... أسي أرح مشينا و عاين لي قلت ليهم: بحصلكم!
ما اتكلم مد لي يدو... شلت نفس و مشيت معاه و كان ماسكني عليهو شبه حاضني... كان حيكون احلى حضن و وقفة أعتز بيها لو كان عزام هو العريس... الحمدلله... قدر الله ماشاء فعل
خالتو للعريس قالت لي: عروستنا المجيهة دي هدية 🎁 بسيطة من أم ياسر بتعتذر منك لإنها برا السودان و الشاب دا ومسكت ياسر من كوعه و ربتت يدها على يدو ... واصلت كلامها.. مستعجل سريع على العرس.... ما أداني فرصه زاتو و لمن قال لي لمن تشوفيها حتعرفي ليه الاستعجال !..... شفت و عرفت... فكت زغرودة تاتي منها
" قلت دا شنو الدراما الحاصلة دي ياخ الله يتم اليوم دا بخير قلتها في نفسي وبقيت بحرك رجولي لقدام و ورا و اتبسم مره و أضحك على المهرجان دا"
صحيت من شردتي لمن نجوان قالت لي: دي ضحكة رضا ولا شنو الحكاية!!! .... بعدها اتفقعت ضحك .... قلت ليهم بعتذر ههه دون قصد بس ماقادرة ههههه ... ماما حمرت لي... وجود و نجوان قرصوني لحظة وحده... بابا و ياسر في آن واحد قالوا: يديمها عليك ضحكه وفرح... بابا باسني في رأسي💙... ياسر عاين لي و قال قدامهم : بعد نعقد عندك وحده تحت الحساب.... بقيت اقح كح كح كح و همست ليهو: أحترم نفسك و القدامك ديل فهمت
_ وإذا أبيت!
لمن ما رديت قال : احم أحم.. الكل اتلفت عليه ... يا جماعة عاوز العقد يكون بعد أسبوعين بس لو ممكن.. خالتو اتدخلت قالت لا ي ولدي كدا ضايقتهم ولا شنو يا ثريا... ماما قالت صح ما بنلحق... بدر الدين زاتو يلحق يشم عافية خلوها شهر مناسب... خالتو قالت لي: شهر كويس معاك صح !!۔۔۔
کنت حقول لا انا زاتي ما عاوزاهو و فيك خير تذكرتيني و أن رأيي مهم و قبل أرد قالت ليهم: السكوت رضى و تاني زغردت .... قلت ياربي لمتين حتحمل دا
_يوم الجمعة الجاي عازماك غداء لازم تجي طيب
قلت ليها حاضر و ابتسمت مع ابتسامتي دي بابا عاين لي و قال لي عم ياسر و ابوه و أحنا موافقين العقد بعد أسبوعين
خلعنا كلنا و الرجال بقوا يبشروا و يهللوا على البركة على البركة 💙
#نبض_العزام11
