عدت فترة أسبوعين..
عند تسنيم بتحكي
" الامور ما كانت ماشه كويس.. علاقتنا في البيت مع بابا متوترة.. اما ماما الله يديها العافية كانت معاي..
_قلت ليها : ماما بابا لسه زعلان صح... ماما قالت: هو ما زعلان منك.. لكن افضل نمشي الموضوع بس... إنتوا فتحتوا #سكتت
_تمي يا ماما.. فتحنا شنو!! وقصدك منو بالظبط!!! ...ماما مالك اتوترتي كدا!!!
ماما قالت: ااا لا لا ولأ شي ولا شي... مافي حاجة لخبطة بين موضوعين.. اسي انا ماشه أعمل لأبوك شاي تعالي طالعة طيب..
_ماما انا بعملوا ليكم أمشي بس..
..
طلعت حضرت الشاي.. و عملت معاه زلابية بالعسل و رشيت فيها قرفه بدرة من فوقها.. وجيت طالعة وأنا متوترة من بابا ... آول ما جيت داخله ..وختيت الصينية :
دفعت ليك كم أمك.. عشان تعملي الكلام دا ههه ... حضنتو و قلت ليهو: ولا شي والله بس حنان هه ... ماما قالت: اجي يا بدر من متين بتك بتاعه كلام زي دا بري تربيتي انا من صغيره وانا مانعاها تمد يدها لحق غيرها و ان كان ليها " رفعت حاجبها و رفعت ضهرها وكملت
بتي انا من أعمامه وخيلانها هدايا مابخليها تشيلها تجي على شاي ...الله!! قول كلام غير دا !!
بابا قال ليها: اسي انت مالك قومتي كدا دا نقاش عادي بسم الله بتي عارفه انا
قلت ليهم احم احم انا هنا الموضوع دا ماخطير.. بابا انا عاوزه امشي عند نجوان بعد ٣ أسابيع قالت كلمتك
..اي كلمتني وأختك حتمشي بدلك انت
_بابا!
انا كل سنه بمشي الجد شنو ؟؟
..عندك شغل ولا ناسية حتنزلي معاي!!
_طيب اديني أجازه مبدئيًا ههه ..و جودي ما حتمشي أنت عارف
..امري لله.. على الأقل فرصه تسافري تنسي موضوعك و عقلك يرجع ليك..
_بابا هو ما فستان ولا طرحة عجبتني ومالقيت مقاسها لاخليها و أعذرني للحقوله بس دا موضوع بتعلق بالقلب يعني هو بحبني وانا كذلك وأسفه مره تانية أنت عودتني وربيتني على الوضوح و الصراحة
..قومي الله يهديك بس وشيلي الموضوع دا خالص وان كترتي كتير بكرة القريبة دي بعقد ليك و اشوف تاني تفكري فيه كيف.. و والله و الله أسمع اسمه في البيت بس الا تلومي نفسك ..
_ بس يا بابا #... تسنيم!!! " بصجة سنونو أمشي من قدامي يستحسن ليك .
_ طيب
...
بدر الدين اسمعني .. أسمع شنو يا ثريا وريني؟!.. إنتي عارفه الحصل لي زمان و اكتر وحده قريبة وعاشت معاي صح ولا لا
....
ما تسكتي صح ولا لا ... قالت ليهو: صح بس أسمع كلامي دا للأخر
أول حاجة ما تقارن بينهم .. عُقَد إخوانك خليها على جنب بس المرة دي و شوف سعادة بتك.. ما تطفيها بسبب أعتقاد غالبًا انه ما يكون صح.. و إن جينًا للطمع و حب القروش و الجاه و الفخشرة فينا و مننا و اللون واحد والله أحد صمد .. ما تخليني أتكلم وراء الناس .. أسمع مني و اديهو فرصة و اعرفه ما تأخذ ذنبه بي سوء ظنك أسمعها مني
غير كدا الولد دكتور اسنان يعني حكاية يفكر في قروشها دي امسحها من رأسك .. كان جاك و اتكلم معاك أسمع منه بس.. ما ترفض ساي كدا!!
انا برفض ساي أنا !!! .. بعدين أهلي ديل ما ياهم أهلك الجد شنو! وريني ؟
_عارف وانا عارفة.. من يومي وانا ما بتفق معاهم كان في كلام كان في تصرفات.. و يوم العرسوني ليك وافقت لآني بريدك 💙 و وقت عرفت بالحصل ليك قلت ابقى جنبك.. ودي الحسنة الوحيدة العملوها أهلنا فيني...
وأنت عارف أختك مابياني لأني حركاتهم و تصرفاتهم ما بتعجبني.. لكن رضت عني سكتوها كباراتنا ... الله دا خلقنا من طين كلنا كدا.. و يوم النموت بنندفن تحت التراب.. الميزه فوق كم و العنصريه لي شنو!!! اللون بتغير بس المعدن ياهو الثابت ولو قسى عليه الزمن والزمان... و الولد دا شاريها ورايدها ما تقطع نصيبهم واجمعهم وبارك فيهم.. قبل تندم زي ما حصل مع جودي
...أنا غلطان اني بحمي بناتي وريني.. و موضوع تسنيم دا اتقفل ما عاوز نقاش فيه تاني انا أدرى و عارف مصلحتها زي ما عرفت مصلحة جودي.. وأنا مخصوص منزلها الشركة لي حاجة في رأسي.. لكن شكلكم حتخلوني أنفذها بدري بدري ..
_ما عارف ماعارف يابدري انت حمايتك الشديدة دي بتاذيهم انت و ما جايب خبر.. ياخ قول عزام خطر على تسنيم... جودي حميتها من أمجد كيف.. البت الفي عمرها بي اولادها.. خلي الفي عمرها نجوى الأصغر منها بي طفلها الله ! أمجد عيبه شنو وريني ؟!
... ما تذكريني.. اكتر إنسان اناني لاقاني و عرفتوا في حياتي و جود تحمد الله على أنها ما اتزوجتو ولا كان زمنها تبكي جنبك ولا داخله في نفسيات لا ليها آول ولا أخر.. انا بشوف الصح و بعملوا زي ما قراري صح في جود في تسنيم حيكون صح .. تتوجع اسي ولا عمرها كلو و جود زاتها بكره بجي نصيبها و المرة دي إختياري انا مش واحد يطلع اي كلام و نافخ صدرو ساي كدا
_وريني أمجد مالو عيبه شنو ماتلف و تدور على!
ما حيقدر يسعدها #..
_ اسي هي سعيدة يعني!! أنت ناسي أيام خطوبتها كيف كانت زي الوردة وضاحكة لمن خفت عليها من العين تقول لي سعادة.. السعادة مشت منها من يوم فسخت خطوبتها
...انا عارف .. بس السبب الأساسي للزواج شنو في نظرك ؟!
_ألقى راجل يحبني يحترمني ويقدرني و نتشارك الحياة الحِلوة قبل المُرة و نكون روح واحدة في جسدين و نكبر سوا وندعم بعض و نشوف أولادنا يكبروا قدامنا وأحفادنا #...
...بس بس دي الحاجة الماحيقدر يقدمها ليها
المشاركة قصدك ؟!
.. لا.، غيرها !
_الله أكبر الله أكبر... أنت بتقول في شنو سجمي قصدك أنو ما بجيب اطفال
الله المستعان .. للأسف ايوة ايوة ياثريا عرفت صدفه والحمد لله لحقت بتي.. عرفتي ليه اسي و ياريت ماتفتحي معاي موضوع البنات ده تاني وخلي تسنيم تنسى الفكرة دي لان كل ما نست كل ما الأمور اتسهلت علينا
_الله اعلم يا بدر الدين الله كريم يارب .
" جاهم صوت من ورا:
ليه كدا ليه.. هو الأولاد كل شيء في الدنيا.. كلها قسم من الله وارزاق الله ليه يا بابا عملت كدا!!
_ لا حول ولا قوة الا بالله... اقيفي اقيغي .. شايف يا بدر شايف لاحول ولا قوةً الا بالله...
يتبع...
