مكالمة بين ياسر و أمه "
_ ما صحت للآن ؟!
= آي... خايف تكون حصلت معاها مصيبة! ... ليها ساعات ولسه
_ رش موية عليها ولا شممها بصله.... انت الوداك تفنها شنو بي ورا
= جات كدا! ..... لسانها طويل عاوز قص..... كان ما فاقت اوديها المشفى!؟
_ اي وديها المستشفى و بالمرة اتحبس.... جنيت أنت.... رسلت لك الدكتورة تجي تشوف البلوة دي.... ما تتصرف من عندك فاهم
= طيب طيب... منتظرين الصباح اللي من اوله مليان هم.... كان مالي آنا ؟!
_ صحي الجمرة ما بتحرق الا الواطيها.... مالت عليك
= صباح يا عليم .... خليك معاي الباب بدق
_ دي الدكتورة بعد تطلع أرجع لي
على لساني "
فتحت عيوني شايفه بس ما واضح .... إحساس إنك لابس نظارة ومن غيرها ما بتشوف شي .... طشاش رأسي لافي .... شوية كدا قدرت أقعد واسند نفسي .... قعدت رأسي لف زيادة و الصداع كان أقوى
كل البتذكرو نقاشي معاه و انا كنت راجعه غرفتي! ..... حصل شنو بعدها ما متذكره و ليه رقبتي واجعاني بالشكل ده! ..:. نزلت من السرير وانا ما متوازنة فجأة احس بدوخه أكبر ثبت طرف الكرسي .... ياسر جاني داخل و معاه وحده ..... قال لي:- حبيبي .... كويسه انتي!؟ .... خوفتيني عليك..... اتخلعت من الأسلوب اللي بتكلم بيه قلت دا عندو انفصام ولا مالو ؟! .... البت اللي معاه قالت لي:- انا دكتورة مها.... انتي كيفك اسي يا مدام ؟! .... قلت ليها:- احسن الحمدلله... رأسي بس واجعني و لافي و رقبتي مؤلماني شويتين.... قالت لي طيب انا حا افحصك .... اتلفت لياسر قالت ليهو:- لو سمحت ممكن تطلع برا عشان اعرف أشتغل ؟! .... قال ليها:- انا و هي واحد 💙 .... جا و قعد جنبي ومسك يدي.... واصل كلامه شوفي شغلك ..... عاينت لي هزيت راسي و حاولت أفك يدي منه بس ماسكني قوي .... سألتني أسئلة كتيرة جاوبت عليها... أخر سؤال قالت لي:- ليكم كم متزوجين ؟!؟..... قلت ليها :- ياداب الاسبوع الأول .... ضحكت وقالت لينا:- حلوين مع بعض.... الله يحفظكم لبعض ان شاء الله يارب.... بس أنتِ لازمك راحة وما ترهقي نفسك شكل الوقعه تاعباك جامد.... قلت ليها:- وقعه ؟! .... وقعه شنو انا ما وقعت !
_ لا إنتي ما متذكره شكلك.... أمس وأنتِ راجعه الغرفة وقفتي فجأة.... ختيتي يدك على رأسك ندهت عليك كم مره ما أتلفتِ ف قبل احصلك جيتي واقعه و رأسك من ورا ضرب طرف الفاصل من الصالة للمطبخ
قلت ليهو:- بسم الله! .... ما متذكره شيء بس الحمدلله جات خفيفة
الدكتورة قالت لي:- لازم تاكلي كويس طيب.... عن اذنك.... طلعوا سوا وأنا بحاول أتذكر بس ما قدرت قطع شرودي ياسر جاني داخل شايل صينية في يدو وانا مستنكرة و متعجبه..... قلت ليهو:- في شنو بالظبط.... الطيبة اللي نازلة دي.... قال لي:- مرتي عيانة لازم أهتم بيها ولا شنو! .... قلت ليهو :- ههه مرتك!! .... مرتك الاديتها كف أمس و في حياتها لا سمعت بيهو ولا شافت حد بيضرب.... تضربني انا!! ....
شيل صينيتك دي وأمشي من قدامي أفضل.... وتاني يدك ما تجي فيني في اي موضع في جسمي فاهم..
_ انا اسف جدا.... يا يريتها اتقطعت قبل تتمد عليك.... ما كان قصدي انا اسف قلنا.... ممكن تاكلي عشان الدواء! .... آسف حبيبتي بس أنتِ استفزيتيني والله وأنا ما قدرت اتحكم في نفسي.... معليش بالجد..... قلت ليهو |:- شوف طالما حنعيش سوا يبقى نحترم بعض مديت يدك المرة دي بس صدقني المرة الجاية لو في خيالك فكرت فيها ما حيحصل خير
_ و آنا اسف قلت ليك.... ابداً ما حيحصل تاني يلا ممكن تاكلي 💙
