وقفني صوت بابا العالي وما استبشرت خير ابداً لحد ما قال : بتي انا!! .. أنت عاوز بتي انا.. انا بدرالدين الشامي!
عزام " خلعه و تردد " : ايوة يا عمي.. انا جاي و كلي أمل.. أرجوك ما تكسر بخاطري كدا !
بدر: " بعدم صبر " للآسف اذا ما عندي بت للعرس ليك.. و يستحسن آنك تتغاضى عن القصة دي.. البت دي مافي قسمتك و#قاطعتو.. " عيون باكية " بس يا بابا : بعتذر عن تدخلي.. لكن هو مافيهو شيء يتعاب..
بدر: أنتِ حسابي معاك بعدين.. و يا ثريا ثريااا تعالي سوقي البت دي من هنا.. و أنتِ عارفه عيبه شنو.. و ظاهر هدا اقيفي معاه ولاحظي الفرق !
عزام: ما فاهم أنا ش#قاطعتو..
تسنيم: بابا #بمسح دموعي.. هو أنت أخترت تكون كدا.. ولا دا خيار ربنا!
بدر: لا الظاهر ما عرفت اربيك.. عاوزه تعلمني بتي انا كيف نختار.. القسمة من الله.. لكن القبول مني.. و انا ما موافق.. وعن ازنك شرفتنا!
عزام بيحكي:
أحنا في ياتو قرن .. لسه اللون او الجنس هو بيحدد مكانتك و مصيرك.. آنا كيف ما أنتبهت للنقطة دي! .. تسنيم و هي بتبكي و كيف بتترجى أبوها وأمها..كان اصعب موقف أختها فيه قبل نفسي.. دا كله عشان فرق درجة لون.. هم بشرتهم فاتحه وأنا #اسمر مايل للأصفر و دا ما شفع لي ! بشرتك تكون هي الحاجز بينك و بين رغبتك و أمنيتك و حلمك و حب عمره #خمس سنوات..لله أمري..مافي يدي الا ارسل ليها رسالة و قت تهدأ تقرأها وتطمن ♥️ً
...
صوت تكسير.. و حاجات تترمي على الأرض.. وباب الغرفة يدق من برا .. صوت شهد و ثريا:
تسنيم.. افتحي الباب.. تسنيم مهما كان الحصل دي ما النهاية افتحي!
شهد : خليها بحاول معاها أنا خالتو..
ثريا: لا خلينا ما حتحرك من هنا الا تفتح.. افتحي يا بت حتزعليني منك يعني.. افتحي و ححاول أتكلم مع أبوك #قاطعتها شهد ..
شهد : خالتو!!! " بصوت هامس"
ثريا: افتحي حبيبتي.. عارفاني إذا زعلت بحصل شنو.. تهتموا بي ولا أهتم بيكم #فتحت الباب و اترميت في حضنها و بكيت...ماما : عايني هنا.. امسحي دموعك دي.. اسي أبوك يلقاك تبكي كدا.. روقي قلنا.. وحا احاول أفتح معاه الموضوع دا تا#قاطعهم
بدر: شوفوا هنا.. لو الشمس شرقت من هنا و اشر على الناحية الغربية.. ما بديهو ليها و #طاخ قفل الباب وطلع..
تسنيم: ماما !
ثريا: يعني زاتو ااخ.. غلبني الاقولو .. بكرة بيهدا ونحاول طيب.. اسي اسمو منو هو ! .. قلت ليها: عزام💙 " باستني ومسحت على شعري "
ثريا: كبرنا و جونا عرسان... اخدتني في حضنها.. لاقيتيهو وين زاتو.. والله أنت !...و ليكم كم بتعرفي ؟ .. اسي الولد يكون اتحسس ..
شهد : كلمتها من البداية يا خالتو .. وما ورتو طلعت من النقطة دي !
تسنيم: ياخ! اقول ليهو عاين بابا ما بحب اللون دا يعني.. غيرو وتعال! الله ياخ.. ماما قالت لي : بتعرفي من وين !... قلت ليها : طيب ححكي ليك! الحصل أنو
#قبل #ستة_سنوات :
كنت قاعدة وبراجع أنا وشهد في مكتبة (....).. كان في جوطة شديدة.. لمن صدعت حكيت مع شهد قلت ليها: عايني انا نازلة ستاربكس و حغشى الصيدلية... قالت لي: الصداع تاني! الضرس دا أخير تقلعيه تمام...قلت ليها تمام ما تكتري طيب.. وصلت الصيدلية أخدت مسكنات لألم الضرس.. دخلت المقهى كان مزدحم من دون الأيام.. كان في طاولة وحدة فاضية قعدت وطلبت..طلعت الحبوب ختيتها قدامي و رقدت في الطاولة.. بعد دقايق حسيت بزول واقف افتكرت دا الويتر.. رفعت رأسي لقيتو شاب في نهاية العشرين ..قال لي: ممكن اقعد بس خمس دقايق💙... عاينت ليهو هزيت رأسي ورقدت تاني..الويتر جاب لي القهوة و الموية.. أخدت الحبوب عاوزه ابلغها وقفني... عندك التهاب واشر على خدي.. وإذا بطنك فاضية ما ينفع تاخديها فهمتي! ... قلت ليهو: لا انا مصدعه و الآلم ما مخليني اتحمل.. قال طيب عايني: في عيادة اسنان هنا قريبة تمشي! و كويسين ما حتحسي بي شيء.. ما كنت قادرة أجادل قلت ليهو : مكانها وين ؟ .. وصف لي و إتصلت بي شهد وريتها اني طالعة للعيادة تجيني هناك ولا تمشي...وانا طالعة أتلفت عليه وشكرتو وطلعت💙..
في العيادة...
انتظرت قرابة نص ساعه.. سألت التسجيل و الدور متين... قالت لي: يا انسه الدكتور ياداب وصل وأنتي الأولى و ااا اتفضلي اسي...
دخلت و الدكتور مركز مع صوره.. قلت السلام عليكم..أتلفت... قلت ليهو: أنت! ... قال لي وهو مبتسم: الوصف قريب صح.. اتفضلي عشان أشوف يا تسنيم صح... هو عرفني متخوفه..قال لي شوفي اذا حسيتي مجرد احساس اني وجعتك وقفيني تمام.. هزيت راسي..و بعد فحص قال ما بطال لكن ترجعي بعد تلاته أيام أصلًا الورم خفيف و ما عامل شيء.. واصلي في العلاج اللي اخدتيه قبيل يا تسنيم طيب و اشوفك بعد تلاته ايام و نشيلو ليك وبطلي اكل حاجات حلوة.. قلت ليه: شكرًا يا دكتور..قال لي: عزام.. قلت ليه دكتور عزام 💙
عدت علينا سنة معرفتنا ببعض زادت لحد ما جاني في يوم و قال لي: تسنيم بدرالدين .. لو قلت اني بحبك أكون أجرمت.. آنا بحبك جدا.. لقيت فيك كل الاستثناءات اللي الاتخيلتها في شريكة حياتي... عاوز يكون عندي الحق في آني أكون معاك في ترحك قبل فرحك 💙.. و أمسك يدك في الضوء و قدام الناس كلها... أكون محط امانك ما خوفك.. صح فرق عمرنا شوية كبير لكن عاوزك تكوني معاي تحضري شيبي و عجزي وتكوني أنتي لسه في شبابك .. عاوزك تكمليني و تتمي لي نص ديني 💙 حاليًا ما عندي صلاحية أمسح دمعك الشوية وينزل ولا أمسك يدك ! .. تسنيم تقبلي تكوني رفيقة و شريكة عزام أحمد الخالدي 💙
_ لحظتها كنت مخلوعة يعني هو ببادلني نفس الشعور و كمان عاوز يتزوجني 💙💙 .. مسحت دمعي و اتذكرت بابا و بصوت مبحوح قلت ليه: عزام انا.. ما موافقة!
.________
القلوب تألفت و أتحدت عزيزتي فما بال عقلك تائه متعجب 💙
نتلاقى ...
#tennana🌸
