على لسان ثريا ....
قلت ليهو يا بدر الدين كلمتك قلت ليك بتي تجي ولا يكون حاصل فيها شيء من ورا عرسها الجبرتها عليهو دا .... أعرف انه لا بيني ولا بينك... ما تعاين لي كدا.... بس اتذكر اني جيت وفتحت معاك موضوع عزام آلف مره... بس انت عملت شنو! .... مثلت.... وآنا حتمها ليك إذا بس شفتها متألمة !
_بابا بعدما قعد في الكرسي المقابل ليها مصنوع من الخشب وبيتارجح .... رفع يدينو فوق رأسوا وأتنفس مسافة و قال ليها.... مع انه كلامك زعلني منك بس ما حيحصل .... عارفه ليه... لفيت وشي بالجنيه و دنقرت رأسي وبقيت اهبش طرف المرتبة والملايا.... استعدل في قعدتو مسك يديني و قال لي يوم الجيت واتزوجتك و جبتي لي آول بت قلت ليك شنو! .... ضحكت قلت ليهو: قلت لي آول بناتنا و نهاية خلافتنا خلاص... وبدل البت اتنين و لسه راجينا الباقيات و ولد نختم بيه ... وأكون خير اب و صديق و حبيب و حامي .... قال لي بس ❣️.... باس بطن كفيني 💙.... قال لي تسنيم منعت عزام عنها لسبب واضح.... عزام أسمو منو ؟!
_عزام أحمد!
قال لي: اي بس منو اسم عيلته ؟!
_ بدر الدين قول طوالي شغل الاسئله والاستخبارات دا خليهو لي ناسه.... قال لي طيب!... تتذكري أمينة حسن الإمام.... دي تبقى لي عزام احمد دا خالتو!
_ الله أكبر... الله اكبر .... هي حيه ما ارتحنا ماتت جزورها فينا... أستغفر الله....
قال لي: عشان تعرفي اني بحميهم جد .... قلت ليهو: أنت عرفت كيف منو الوراك الكلام دا ؟! .... قال لي: ياسر هو الرسلتو عشان يعرف عن عزام كل شيءٍ بس سمعتوا بتكلم مرة عن أمينة حسن لمن واجهتو بالاسم قال دي خاله عزام اسي جاني خبر وقلت أكلمك بس انت سبقتني وبس.
_ قلبي بعدا دا ما مرتاح انا عاوزه أسمع صوت بتي! ... قال لي: أسمع صوت بتي شنو .... بطلي قلق أرجوك... هي مبسوطة حتكون و مع مرور الايام حتنبسط اكتر .... قلت ليهو: الله يكضب الشينة و ربعت يديني و دخلتهم حجري و نزلت رأسي... جاء وقعد جنبي و لماني عليهو قال لي: طول ما انا حي ما حخلي شي يصيبكم بإذن واحد احد... و باس راسي... وقال لي: لولا أنها ما شينه كان اتصلت ليك بيها بس هي ما بتكون فاضية لينا.... ضحكت وضربتو في صدروا على خفيف قلت ليهو عيب عليك اخجل.... ضماني عليهو شديد وقال لي: نعرس لي جودي و نطلع شهر عسل جديد و تلبسي الأبيض و الأحمر و الأسود ♥️ .... خجلت و دسيت وشي بين يدي قلت ليهو كبرنا يابا على الألوان دي حاجات شبابا .... قال لي: انا الكبرت بس أنتِ شباب ♥️ .... و لسه منتظر تلبسي الأصفر.... ضحكت و ختيت يدي على يدو .... رفعها باسها و قال لي بريدك حيل 💙
حوار بين عزام و امه "
_ أنت أسمع مني و قابلها... خسران شنو!
= أمي! ... أرجوك لا ... انا ما عاوز لا أتعرف ولا يعرفوني... جيت البلد دي مخصوص عشان كدا... انا كدا مرتاح!
_ مرتاح كيف هوى يا ولد أحمد.... ما تخليني أجبرك على شي... أحسن تعمل بمزاجك ورضاك
= أمي انا مزاجي معاها هي.... و رضاي ببقى لمن الله يطيب بخاطري... نقفل القصة دي عشان ما تزعلي مني
