بلساني "
وصلت المطار وقبل ادخل الصالة ماما توصي فيني في الاخر بابا قال ليها كلها فترة وترجع.. مسكني من اكتافي وقال لي بس اتمنى الفترة لمن تعدي تكوني رميتي اي شيءٍ وراك..ما حبيت أتكلم واخرب الجو و اخليه زعلان وراي هزيت رأسي و قلت ليهو ان شاء الله 💙ودعت شهد وجودي و دخلت على الصالة.. مسافة أعمل إجراءاتي و خلاص باقي أدخل صالة الانتظار
وقفني صوت قال
" يا شابة شنو يعني ولا حتى مع السلامة ، ولا مكالمة طيب او رسالة ها ؟!♥️ "
أتلفت عليه قلت ليهو .. عاوزاك تشتاق لي ♥️ كنت حكلمك أسي بس شايفه الشوق جابك ♥️
_احم أحم ما هو شنو قلت اجي عشان إنتي عارفة... ضحكت وقلت ليهو بس بس بسيطة حتى انا لو مكانك حعمل كدا وأنا مشتاقة لك من أسي لو تعلم ♥️..
مسك يديني وقال لي : عارف انه ما صح أمسكها و ابوسها بس ما عارف ليه حاسي ان دي أخر مره نتلاقى فيها وعش#قاطعتوا ...
حنتلاقى أكيد انت كل ما اسافر لمن أكون في الطيارة بتقول كدا .. قال لي: حاسي المره دي غير كدا.. قلت ليهو حمشي واجي أقل من شهر واحد بس ... وإذا ربي آراد ووفقك وبابا رضى حتكون اخر مره اسافر...
_حيلك أخر مره شنو ؟ و شهر كامل للعسل نسيته! نسافر ده ولو ماعاوزة بعدها تسافري راحتك.. أها عندك كلام ؟!
قلت ليهو قلت لي شهر العسل وين يا عسل... قال لي انا شايف تقومي تتجهي للبوابة حتقفل.. قمت و ودعته واتجهت على البوابة بس جيتو راجعه ..♥️
بلسان عزام "
لمن شفتها متحركة على الباب لآول مره كان نفسي ما تمشي لآول مرة أمنيتي بأنها تكون في عصمتي كانت اكبر بي عشر مرات بس عشان أمنعها وتفضل معاي... احساسي القلتو ليها اني ما حشوفها تاني كان مسيطر علي... صح كتير جدا بتسافر و عادي بس المره دي غير... و لمن أتلفت وجات راجعه و قالت لي بحبك ♥️ كان نفسي اخدها في حضني ...
شالت ساعتي و قالت لي :!عشان اعرف الدقيقه في بعدك تساوي كم؟!.. قلت ليها عندي تساوي سنة... مسكت يدي وقالت خلي بالك من نفسك ومن هنا البيت وكان بتعاين لوحده مركزه معانا وأنا ماشايف غيرها ♥️ قلت ليها بس كدا...
جات تسحب يدها مسكتها وشديت عليها و بوستها في رأسها وقلت ليها يحفظك ربي وبحبك شديد.. كانت مستغربة جدا لآن دي ما عوايدي بس إحساسي كان غالب♥️
في بيت بدر الدين
"ظهرًا "
مش عندك دوام الليلة جيتي بدري!... طلعت الطرحة و قلت ليها ايوة يا ماما أصلًا العيادة شبه فاضية و ما قدرت أركز بدل أضيع زول مسكت شغلي ل نوري .. قالت لي: لو شربتي شاييك الصباح وامس اكلتي ما بحصل فيك كدا.. الزعل ما عندو علاقة بالبطن... ضحكت و قلت ليها :- دا قولي لي ننوس انا كان أكلت ولا لا ياني انا ... اسي حنوم انا... أمجد كلمك صح ؟! .. اتسمرت و هزيت رأسي بي ايوة💙... قالت لي تاني رجعتي لنفس النقطة ؟ ما حرام يعني البتسويهو دا.. لو رضيتي بي ود عمتك مالو ؟ قلت ليها :- امي لو عز الدين بقى أخر واحد و ادوني ليهو مغلف في هديه ما عاوزاهو.. انا قلبي مربوط بي أمجد .. امجد وبس ...
قالت لي:- عنادك دا ضيع زمنك و ياهو القدرك أولادهم مشوا.. قلت ليها: و الكان سبب منو في كوني ابقى كدا ؟! .. جانا صوت بيقول: اسي انت ما عارفه شي لمن تكبري ما حتلقي لا سعيد ولا بخيته معاك ، الأطفال نعمة و بتحسيها بعدين بعد تكبري.. افهمي أنو انت وهو نصيبكم مقطوع منها.. قلت ليهو طيب تمام و العرس كمان رفعت يدي منو... بابا قال:- عرستي قعدتي كدا لنفسك بلاش كلام فارغ ثريا انا طالع المكتب عاوزه شيء... قالت ليهو لا سلامتك 💙
...
مدينة دبي
السادسة مساءً ...
ياخ يا نوجة شوق شوق كتير.. قالت لي حبيبتي احضني براحة في أمانه شايلاها وليد بيوريك ليهو💙.. قلت ليها كلبة وريتك.. قالت لي: لسانك فالت لاحظي.. كدي تعالي مشتاقة ليك جايه تنومي .. ناس أمي كيف و جودي و تومتك شهودة و بابا... قلت ليها: حبيبتي وحده وحده شايفه الشنطة ديك فيها شوق أمك و دلع من جود وشهد.. اما بابا مشتاق يشوفك وقال تنزلي السودان بس..
_سودان شنو الانزلو وكرشي لسه ما اتمدت جاياكم زولة بعد ولادتها 💙 دا كان راجلي وافق طبعًا 😌 .. كدي احكي لي عزام كيف ؟ و الساعة كم اسي ؟! .. ضحكت قلت ليها :- كويس حنني ياه قربت ما أسافر وأرجع ونعقد والله شاهد.. قالت لي:- أفهم انوا لاقاك قبل تجي هنا ولا وصلك ولا شنو.. قلت ليها:- لا جاء فاجائني فالصالة ما كان عندي علم.. قال لقى نفسه هنا بس.. يالله لو بابا يوافق بس ياخ
_بس ما تبكي أرجوك... بكرة تترتب و تقولي ما حصل لي الا خير أسي هاك دي شريحتك الجديدة ديك ضاعت في الرحول كلمي ماما انا وريتها إنك وصلتي بالسلامة 💙
...
الخرطوم
الساعة 4 عصرًا ...
الشركة..
بلسان عزام "
جات السكرتيرة داخله وقالت لي اتفضل .. دخلت و بدعي أنو يكون هادي.. آول ما قلت ليهو السلام عليكم .. عاين لي بعد مسافة قال
= وعليكم السلام ورحمة الله.. انا مشبه عليك ولا غلطان ؟!
_ لا لا ما غلطان
= طيب و سبب الزيارة أتمنى يكون في حدود العمل اتفضل احكي
_للاسف ياعم بدر ما عندي موضوع غيرو و انا جاي كلي أمل إنك توافق وتغير رايك
= يا ود الناس انا كلمتي وحده قلتها قبل كدا واسي بقول لك لا.. واتفضل من دون مطرود اسي انت معطلني ودا مكان شغل زي ما شايف
_ أنت كدا دمرت احلام ليها سنين وانا ما حوافق على كدا بس عشان لون يقيف في طريقي و إذا انت ما وافقت اسي حدعي كل يوم لمن توافق ماهو انا من غيرها ما ببقى أرجوك 💙
_ وأنت حتشوف بعينك كيف أنها ما ليك.. و حتجي هي وتقيف قدامك وتنهي المهزلة دي
= انا استخرت فيها ومالقيت غير القبول ... و الله معاي وحتكون لي برضاك او أنت حتجي وتصلح الخراب دا و حتشوف ... إذا أنت بتحميها حسب اعتقاد غلط فانا حبي أكبر منك ليها 💙
_ إطلع برا اطلع من هنا بكل وقاحة كمان نجوم السماء أقرب لك
نادية " السكرتيره "
أستاذ بدر العصبية لا مدام ثريا منبهه علي و يا أستاذ اتفضل معاي..
بعد طلعت وجيت راجعه لقيت الأستاذ تعبان جدا و النفس شايلو بصعوبة
.. أستاذ أستاذ أنت كويس
......
أستاذ رد علي
....................
في جانب تاني
كلمتي ماما يا نينا.. ايوة يا نجوان بس بابا ما برد عندو حبه مفترض ياخدها اسي الزمن جا.. قالت لي:- بيكون في أجتماع اضربي لي نادية و ذكريها كمان.. قلت ليها:- اي صح دقيقة...
ألو السلام عليكم... نادية ؟!
-لالا انا زميلتها نادية دي بعيده أوصل ليها رسالتك لو حابه !
_ ايوة أرجوك.. انا تسنيم بت بدر الدين طيب كلمي نادية تنبه بابا ياخد ادويتو
-تسنيم بتو طيب اسفة بس أستاذ بدر معاه الإسعاف حاليًا و نادية معاه لو أنت قريبه تعالي سرعه
_ نعم! بابا مالو يا أستاذه في شنو
_ عايني الإسعاف جوة معاه أدعوا ليهو لان وضعه صعب وحاولي تعالي هنا آو المستشفى لأنو غاب عن وعيه...
نجوان نجوان الحقي على بابا .. بابا بموت
شنو!!
عذرًا عزيزتي كل ما فعلته كان لأجلك 🌸🍂
يتبع...
#نبض_العزام6
