بلسان جودي:
كنا قاعدين مع بابا و متلمين حوله.... سمعنا صوت بيقول:- السلام عليكم... ما اشتقتوا لينا 💙 ... اتفاجئنا بي تسنيم و نجوان سوا... رامي و عمرو جرو حضنوهم و ماما دموعها سبقت سلامها لنجوان... سلمت عليها بالاحضان و الدموع شاقة و بللت وشهم .... أربعه سنين ما شفناها .... بابا قام على حيله بس نجوان جرت عليه و قعدته و حضنو بعض مسافة و تقول ليهو : - اعفي لي الغيبة الطويلة دي 💔.... قال ليها: عافي عليك و مشتاق ليك كتير 💙 ... تقريبًا أخدت نص ساعة تتكلم معاه.... لحد ما جانا صوتها : و أنا نسيتوني ولا شنو يعني ؟! .... أرجع!! ... ماما كانت حاضناها عليها و تقول ليها: سافرتي تغيري جو ولا تزيدي هالات في وشك.... أما قالت كدا كلنا ركزنا عيونها مرهقة 😰 و وشها شاحب... بابا فتح يدو و قال ليها: حبيبه أبوها تعالي... كأنها منتظرة كلمة و تبكي... بكت لغاية ما وصلته .... بكاها بكانا كلنا سوا.... بكت لدرجة بقت تتشهق و تقول ليهو: سامحوني انا اسفة.... ماما قالت ليها: عويرة دي غلطك شنو الا كان سفرتك دي هههه .... بتك حساسه بقت يا بدر وقعدت تضحك.... بابا عاين ليها مسافة و قال ليها عملتي شنو يطلب السماح... أنت بتي عمري ما حزعل منك 💙 .... عشان ألم الموضوع قلت ليها ننوس تعالي.... مسكتها على جنب و دخلت المطبخ قلت ليها: مافي اي زول غيرنا عارف انه عزام جاء لبابا... امي ما عارفه طيب... يعني تقفلي الموضوع ده فهمتي ؟! .... أسي أرح برا و شيلي معاي الموية و الشاي.....
صباح الأربعاء
بلساني "
كنت قاعدة اتكلم مع بابا بخصوص الشغل و إني حنزل مكانو الفترة دي و قال لي حتمشي المكتب ياسر حيكون معاك خطوة بخطوة .... جات عمتو داخله... سلمت على نجوان و بابا لمن وصلتني قالت لي: العروس... ان شاء الله طيبة... بركة الجيتي على الأقل تكوني في وقت يخطبوك.... عاينت ليها مستغربة !! و مستنكرة.... ضحكت قلت ليها: عمتو شكلك ملخبطة انا لا عروس لا شيءٍ.... ولا شنو يا بابا و عاينت ليهو..... قبل ترد علي بابا قال ليها: أمشي لثريا في المطبخ انا و تسنيم عندنا باقي شغل..... لحد هنا ارتحت قلت عمتي لافحة كلام ساي..... بابا بعدها قال لي: زي ما قلت ليك ياسر حيكون معاك و اي صعوبة تواجهك ارجعي ليهو طيب.... هزيت رأسي و كنت متحركه قال لي لسه في باقي كلام.... قلت ليهو في شنو ؟! .... قال لي: يوم الولد اللي أسمو عزام جا و طلبك مني و انا رفضت و تاني جاء و رفضت.... اترفض اكتر من مره.... قلت ليك شنو لو فكر يجيني تاني حيحصل شنو ؟! .... بلعت ريقي و طقطقت اصابعي و قلت ليهو: أقرب واحد حا أعقد ليك عليه.... قال لي: اسي قدامك خيارين عزام و حبك بي جهه.... و انا و صحتي بي جهه... أظنك عارفه اني قاصد شنو ؟! .... و الوصلني لهنا شنو صح..... إذا وافقتي خطوبتك الجمعة القدامنا دي..... إذا عزام لسه عاوزاهو يبقى الفاتحة ما تشيليها على... و الخيار في يدك... أسي تقدري تمشي لشغلك.... قرارك أعرفه بعد تجي....
طلعت و أنا ماسكة دموعي... قعدت ربع ساعه بتذكر كل كلمة قال بابا و دموعي ما راضيه تقيف.... كيف أقدر اخد قرار زي دا.... بكيت اي .... بكاء موجوع..... أحلامي قدامي بتروح... لا بقدر أسيب عزام ولا بقدر أرضي بابا... كيف اتزوج واحد وأنا بنيت بيت و حياة مع زول تاني.... يارب يا بابا تحصل حاجة تخليك تغير رأيك .... إذا وافقت هو حيفرح لكن انا ... يارب انصفني... أختر لي ولا تخيرني يارب.
