جاتني مكالمة من أمجد... رديت : حبيبي ♥️ ... قال لي وين يومين ما شغالة بي نهائي 💔... قلت ليهو : مع بابا في المستشفى والله.. قال لي: يا ستار مالو خير ؟! ... قلت ليهو: أتعرض لي نوبة الله شافو والله.... قال لي: سلامات والله أسي كيف بقى ؟ ... لو عندي طريقة كان جيت السودان... قلت ليهو: ولا تفكر تجي أساسا انت فاكر مرض ساي كدا دا كله من ورا تسنيم و عزام 💔... قال لي الحصل شنو ؟... قلت ليهو:- عزام مشى لبابا عشان يقنعه... ما عارفه حصل شنو بالظبط المهم صوت بابا عِلا عليه و طرده برا و بعداك ياهو جبناهو هنا ... أسي كويس بس باقي فحوصات تطلع و نرجع البيت... قال لي:- الف سلامة وما يشوف شر تاني... قلت ليهو آمين 🙏... قال لي بعيدًا عن التوتر و الجو المشحون و النفسيات اللي حتكون واقعه ... أنا اشتقت ليك ♥️
....
دبي
بلساني "
صحيت من النوم و آنا شايلة هم كيف حقدر أرفع عيني في بابا... صح غلط عزام لكن اللوم فيني.. جات نجوان قالت لي: خلاص رتبتي كل شيءٍ ؟! .... قلت ليها : آي بس بابا... قعدت جنبي و قالت لي: بابا كويس و دا الأهم 💛 ... ما ذنبك طيب... كله مقدر و مكتوب لك... وهدي آنا ماشه معاك حكون غطاء عليك... من يشوفني بينساك.... بعدين أنتي ما بيزعل منك 💛 .... و عزام كلمتيه ولا لا ؟! ... قلت ليها :- صراحة كدا ما لي خلقه ولا نفس اكلمه تاني بعد الحصل... و اتكلمت وقتي معاه و انا معصبة فما عارفة قلت شنو زاتو😢... قالت لي: كلمتك ألف مرة لم تزعلي ما تمسكي تلفونك تتصلي بزول... قلت ليها: حصل و خلاص.. و هو ما زعلان لإنه بيتصل في اليوم ميه مره لمن قفلت التلفون... و الرسايل كمان...
قالت لي : افتحي تلفونك عادي طيب.. الولد ما عندو ذنب قلنا... ما تحسسيهو بالذنب اللي ما دخله فيه... أي نعم مشى الشركة بس غرضه كان إنتوا تكونوا سوا ♥️ بس الأمور فلتت من يدو أو إختار وقت ما مناسب بس ... قلت ليها: فعلا الوقت ما كان مناسب💔... انا كلمته بس ما أنتظر و خايفه بابا يعقد زي ما قال لي 😢💔... قالت لي: الكلام دا القالوا منو أوعى بابا بس ؟!.... هزيت رأسي و دموعي ما وقفوا بعدها.... قالت لي: ما تبكي ... حتتحل انا هنا ♥️... ضميتها و قلت ليها : بابا لو جد أتخذ خطوة كبيرة زي دي صدقيني ما أتحمل... ممكن أموت قهر 😢 انا من غير عزام ما ببقى... 💔😢
السودان
المستشفى "
حوار بين بدر الدين و واحد تاني ..
_ زي ما شايف وضعي كيف.. وأنت فاتحتني قبل كدا صح ؟!
= ايوة يا عم بدر و آنا لسه شاري !!
_و أسي بقول ليك الجمعة الجاية منتظرك و أسرتك !
= بس أنت صحتك لسه!
_ لا لا أنا كويس 😌... بس اتم الموضوع دا و أقفل الباب دا و أرتاح من سكة نهايتها عطش!
= أبشر إذًا.. يوم الجمعة معاك ان شاء الله 💙
" بعد نقاشهم طلع و دخلوا عليه ثريا و أخته... اما الشاب لقدام حتعرفو هو منو ..."
_ فحوصاتك طلعت و قالوا نقدر نطلعك وإذا حابي تقعد للتأكيد ما عندهم مشكلة... قال ليها: ثريا ما حابي أقعد كتير نمشي احسن... أخته قالت ليهو: طيب أنتظر الممرضة تجيب الكرسي عشان قالوا الفترة دي الحركة ممنوعه... قال ليها: لا بمشي برجولي دام القوة و القدرة في !... ثريا مالك ساكته ؟! ... قالت ليهو ولا شيء... أسمع كلام أختك... قال ليها: معاكم حق .... الوقفة خليتها لي يوم الجمعة... اخته قالت:: الكرامة ولا شنو ؟! ... عاين لثريا و قال: لا تسنيم حيتقدم ليها واحد الجمعة .... تلبيس دبل و بعدها بي اسبوعين العقد و العرس مره وحده... ثريا قولك شنو ؟! .... قالت ليهو : دايماً ما عندي كلمة فوق كلمتك 💙... لكن الموضوع دا انت عارف حساسيته عند بتك و يتم كدا دون شورتها... نطت العمة : شورة شنو فوق كلام الرجال ؟!... كلنا عرسنا كدا ... ما عندنا بت بيشاوروها.... قالت ليها: دي بتي انا طيب... بتك لمن اتقدمو ليها نضمت ولا فتحت خشمي في شيء؟؟! ... يبقى تسكتي و تعايني!! ... و يا بدر القرار البيتاخد وقت زعل بيهدم حاجات كتيرة... و نقع في لوم و ندم 💔 ... قال ليها : - كلامي واحد وأنا حذرت قبل كدا جاء دوري آنا .. كلمي بتك وإذا عاوزه تنزل كان كويس ما عاوزه تجي بعقد ليها و أنتهينا... جات جود داخله و قالت: بابا عندو حق وأنا معاهو... عاين ليها و قال: لو لقيت واحد ليك يبقى أموت مرتاح 💙 ... قالت ليهو : بعد عمر طويل... آنا قاعدة معاك بس 😂♥️...
في وقت متأخر من اليوم
-بلسان عزام :
جاتني مكالمة منها... رديت : حبيبتي ♥️ ... كانت ساكته قلت ليها : الزعلانة مني... كيفك ؟! ... قالت لي: اسفة أنى عصبت عليك و رفعت صوتي ... بس انت ما متخيل خوفي على بابا... خت نفسك مكاني لو كنت مكاني بس... قلت ليها: ما تعتذري... أنا الغلطان و أنا الأسف 💙... كل شيء ح يتصلح ما تشيلي هم طيب... قالت لي: انا جايه الخرطوم كمان ساعتين 🌍💙 ... قلت ليها : بجد!؟ ... قالت لي:- لا حبوبة 😅 ... جايه مع نجوان ما حنطمن ألا نشوفه كويس بعيونا... قلت ليها : و هو كويس جدا... و حيبقى أحسن بعد يشوف نجوان ... قالت لي: آنا ما عارفه كيف حشوفه بعد الحصل ياخي... قلت ليها : أسف مره تانية ما كنت عارف دا ممكن يحصل... سكتت مسافة و قالت لي : حبيبي💙 ... الحصل حصل... و نوجه قالت كل شيء لخير يعلمه الله... قال لي:- ونعم بالله... طيب ما حاسه اني مشتاق ليك 🌍💙....
...
قالت له:
كفّاكَ
رغم السنين، مازال آثر دفئها
على كفيَّ يكفيني!
قال لها:
كفَاكِ
عبثًا بقلبٍ
يهوى تقبيلَ كفّاكِ
البعدُ عنكِ أشقاه
كفاهُ عذاب الهجر، ونحول كفّاه
الشوقُ إليكِ، كافٍ ليهزمه، فكفى يا أنثى حُبها أكفاه!🖤
#علاءالدين_عبداللطيف
#نبض_العزام8
