بلساني "
أول ما اتحركنا بالعربية الخوف و القلق و التوتر اتملكوني... الجاي شنو يا تسنيم بقيتي متزوجة حاجات كتيرة حتتغير ... بس انا لازم اوضح ليهو كل حاجة وزي ما هو عارف اني مجبورة لازم يعرف انه ما بيقدر يقرب مني #قطع شرودي و قال لي : شاردة وين حبيبي ولا بتفكري فيني و انا جنبك!! ... قلت ليهو: هه هه هه طريف يعني... أنت في نومي ما ححلم بيك خلي افكر فيك! ... مسك يدي وجراني ناحيتو و قال لي: والله... ليه شايلاها معاي كاتل ليك زول انا ؟!.... و بعدين يديك حاولي تسترخي ما حفكها و انتي خايفة مني ولا ايه ؟!.... قلت ليهو: أول فك يدي أرجوك!.... ما كتلت زول انت موت أحلامي... ممكن تفك يدي لو سمحت 🥺
_ دقيقة أوقف جنب... شوفي انا ما حا أجبرك على شيء ما عاوزاهو إنتي ... باس يدي و فكاها... شفتي كيف.. شويه لمن تتعودي بس ... انا ابدا ما موت أحلامك بالعكس حكون حاجة غير و الايام حتثبت ليك طيب.... هزيت راسي و قبلت وشي على الزجاج و نزلت دموعي ومسحتها وأتحرك تاني... ما مرت كم دقيقة الا ومسك يدي ... قلت ليهو: فكها أحسن... قال لي أسف دون قصد... قلت ليهو أنتبه المره الجاية... ضحك و واصل : انا بحبك فما شايف غيرك.... و حاليًا عقلي مرتاح وقلبي هو البيملي على اتصرف كيف ... في قلبي قلت هو يستاهل أحسن مني.... ما شايفه نفسي غير مع عزام يارب هو كيف ؟!... وناس البيت .... وقفت العربية وقال لي وصلنا... دخلت البيت رمل أبيض في النص و الجوانب فيها سيراميك و جزء نجيلة و في الطرف زهور شكل مشتل صغير الحوش كبير و حلو صراحة بعد مسافة جاني قريب قال حتدخلي ولا حابة تقيفي قبلك.... قلت ليهو الحوش حلو بس محتاج ترتيب ... ضحك وقال لي قدامك العمر كله رتبيني انا زاتي وكان جاي علي ثبته و دخلت قدامه ... عاوز يقرب قلت ليهو انا جعانه ونعسانه... حك رأسه وقال امري لله تعالى في عشاء
في بيتنا صباح اليوم التاني
بعد الفطور نجوان قالت أنها راجعه بعد دا عنها فحوصات و مقابلة... جودي قالت ليها بس قولي وليد انت الفحص هنا يتم ... ماما قالت: حيخليك تنزلي للولادة ولا انا آجي.... بابا جا وقعد قلت ليها ما اظن اني آجي لكن برسل لك ولي تسنيم تجوني... بابا قال لي: تسنيم لا... ما بقت حياتها براها ويدابهم اتزوجوا كح كح كح ... جودي قالت ليهو بسم الله بابا شكله الحبوب عاملة حساسية... أتوتر وقال لا لا شكله تغيير جو كح كح قام على حيله وقالوا ليه وين ماشي
_ عاوز أجيب حبوبي حقت الحساسية!
لا خلي جودي تجيب لك... بعد جودي طلعت جاها إتصال نادت لنجوان قالت ليها في العلبة دي جاتني مكالمة من المشفى... نجوان بقت تفتش لمن لقتها ما قفلت العلبة كويس ف زاغت من يدها وجات واقعه بعدها أنتبهت في كم حبه على الارض واقعه طلعت من كل شريط حبه مع آني متأكدة انها هي بس عاوزه حاجة تنفي لي جودي جات لقتني متمحنه قالت لي مالك ؟!.... مديت يدي وفتحتها حكاية سته حبات... شكلها فهمتني قعدت طرف السرير نزلت رأسها وقالت لي في غيرها تاني بابا كويس ما عندو شي اكتشفت قبل أسبوع لقيت حبوب تحت الشباك
_ وليه ما اتكلمتي ؟! ليه احتفظتي بالسر العظيم دا يادكتورة ها! أختك بسببك و سبب أبوك هناك مع غريب بسسب محافظة على صحة أصلًا كويسه من الإساس
