Unicode
------------
Mrs . Kim နဲ့ သူ့အမျိုးသားက
မနက်စာစားနေကြတုန်း ခြံအရှေ့မှာ
သမီးဖြစ်သူပြန်လာတာကိုလှမ်းတွေ့လိုက်တယ်
နောက်ပြီးတော့ ကားပေါ်ကဆင်းလာတဲ့မိန်းကလေးတစ်ဦး
Jennieရဲ့နှဖူးကို ခပ်ဖွဖွနမ်းပြီး ပြန်သွားတဲ့သူကြောင့်
တစ်ယောက်နဲ့တစ်ယောက် အဓိပ္ပါယ်ရှိစွာကြည့်လိုက်ကြသည်
" ပြန်လာပါပြီ ~ မနက်စာစားနေကြတာလား ? "
Jennie က သူ့အမေရဲ့ပါးကို ခပ်ဖွဖွလေးနမ်းပြီး
သူမ ထိုင်နေကျနေရာမှာ ဝင်ထိုင်ရင်းမေးလိုက်တယ်
ဘာစကားမှ ပြန်မပြောလာသေးတဲ့ အမေကြောင့်
ဘေးမှာထိုင်နေတဲ့ ဦးလေးကိုတစ်ချက်ကြည့်လိုက်တော့
သူက မသိဘူးလေ ဆိုတဲ့ပုံစံမျိုး ပုခုံးတွန့်ပြသည်
" အစောက အိမ်ရှေ့မှာမြင်လိုက်ရတဲ့ မိန်းကလေးက
ဘယ်သူလဲ ~ Mommy သူ့ကိုတစ်ခါမှမမြင်ဖူးပါဘူး "
Jennie ခြေမကိုင်မိလက်မကိုင်မိဖြစ်သွားတယ်
ထမင်းစားခန်းထဲကနေ အိမ်အပြင်ဖက်ကိုလှမ်းမြင်နိုင်အောင်
မှန်နံရံ နဲ့ ဆောက်လုပ်ဖို့ စိတ်ကူးရခဲ့တဲ့ အင်ဂျင်နီယာတွေကိုသာ
စိတ်ထဲမှာ ရစရာမရှိအောင်လို့ အမျိုးမျိုးကျိန်ဆဲနေမိသည်
အစောက Lisa နမ်းသွားတာကို မြင်သွားပြီပေါ့ ?
" Mommy မေးတာ ဒီလောက်စဥ်းစားစရာလိုလို့လား ? "
လက်ကိုလာကိုင်ပြီး မျက်မှောင်ကျုံ့ရင်း
မေးလာတဲ့ အမေဖြစ်သူကို Jennie ခေါင်းခါပြလိုက်တယ်
" Chaeyoung ရဲ့ အမ ပါ
သူက သမီး ကို ညီမလေးအရင်းလိုပဲသိပ်ချစ်တာလေ
နောက်ကျတော့မှ Mommy တို့နဲ့ မိတ်ဆက်ပေးရမယ် "
Jennie ပြောလိုက်တော့ Mommy နဲ့
ဦးလေးက တစ်ယောက်မျက်နှာတစ်ယောက်ကြည့်ပြီး
အချင်းချင်းခေါင်းညိမ့်ပြရင်း ပြုံးကြတယ်
သူတို့ဘာလို့ ဒီလိုမျိုးပြုမူနေကြသလဲဆိုတာ
လုံးဝနားမလည်တာကြောင့် လိုက်ကြည့်နေမိသည်
ŞİMDİ OKUDUĞUN
Yellow Is The Warmest Colour💛(Ongoing)
Romantizmဒေစီပန်းတွေက နေရောင်ခြည်ကိုအများဆုံးမှီခိုအားပြုပြီး ရှင်သန်ကြရတာကြောင့် Day's Eye လို့ လူတွေက တင်စားခေါ်ဝေါ်ကြတယ် ။ ဒီဇာတ်လမ်းလေးထဲမှာလည်း ဒေစီပန်းတွေကိုချစ်မြတ်နိုးတဲ့ကောင်မလေးတစ်ယောက်အတွက် တစ်စုံတစ်ယောက်က အနွေးထွေးဆုံးသောန...
