أحرقنـي عشقـه

الفصـل الثاني عشر

تيبس جسده بدهشة عندما أرتمت شمس بأحضانه..تلاشي حنقه و ضيقة فإبتسم يضمها إلي أحضانه صغيرته كبرت من يرآها بمثابة شقيقة له.. لم يحمل يوماً بقلبه ضغينة أو كره نحوها فيكفي حنوها و نقاء قلبها..

ابتعدت عنه تبتسم بإشتياق مردفة:
-وحشتني يا أبيـه.

مسح علي خصلاتها البُنيـة بإبتسامة حانية قائلاً:
- و أنتي كمـان يا شمس.

جلس علي الأريكـة مقابلاً لجده يتبادلان النظرات النارية و الغاضبة.. تعمد الجلوس بأريحية بإبتسامة سخية مغمغماً:
-أهـلاً بيكم في إسكندريـة  ،  بعد السنين دي كُلهـا جايين ليه.

هتـف الجد فـاروق بغضب سافر لحفيده الغير مبالي بأحد:
- لما تكلم فـاروق الراوي جـدك تتكلم بإحتـرام.

هـز رأسه بسخرية و لامبالاة فـ إشتعل فاروق غضباً و ضرب بعكازه الأرض أنتفض منها الجميـع عداه صامد و لم يهتـز لها.. نطق فـريد بتوتر يُصلـح ما أفسده إبنه:
- معلش يا بابا هو ميقصدش.. و أنتَ يا قُصي أعتذر لجدك.

رمق قُصـي والده نظرات حـادة، وقـــــال:
-فريـد بيـه لما أغلط أو أتجاوز حدودي أبقي أعتذرله و دا من سابع المستحيـلات إني أتأسف لحد..

صر فـاروق علي أسنانه كاملة بغضب يغمغم بإهتياج من عنـاد حفيده يُصر علي إيساع الفجوة بينهم أكثـر و أكثـر من قبل:
- شكلك عايـز تتربي من جديد و الظـاهر إن درس زمـان متعلمتش منـه؟؟؟؟

أحتقنت الدماء بوجهه يكـور قبضته بغـل مما حدث بالماضي جعله قاسي هكذا، أردف ببـرود:
-الدرس ده عمـل قُصـي الـراوي اللي إسمـه بيرعب أي حـد.. أنتَ مطلبتنيش عشـان تكلمنـي عن التربيـة و الأخلاق و تفكرني بزمـان..

تنهـد فـاروق بيأس من عقله اليابس.. قُصي حفيده الذي لم يستطع فرض قوته و سيطرته عليه مثـل الجميع بل تمـرد علي قوانينه.. بنبـرة ذات مغـزي قـــــال:
- إحنـا هنعمـل فرح نديـم و رؤي في القصـر هنــــا مع خطوبة شمس و عاصـي.

إبتسم ببرود مهنئاً:
-ألف مبروك.

أغتـاظ فـاروق من بروده.. الجزاء من جنس العمـل.. ما زرعه به صغيراً يحصده الآن.. هتف بـ شراسة:
-أنـا مش بقولك عشان أسمع ألـف مبروك.. أنتَ لازم تتجـوز تـاني مش هتفضل بقية عمرك من غير جـواز عايز أشيـل أحفادي قبـل ما أموت.

لم يكترث يغمغم مصطنعاً عدم فهـم مغزي حديثه:
-مأنت شيلتنـا يا فـاروق بيـه من سنين.. و إلا انت عايـز حد من ولادك يتجوز تاني عشان يخلف.

رد مشيراً بسبابته عليـه بقوة:
-لاء عايزك أنت اللي تتجـوز يا قُصي و تشـوف حياتك.