أحرقنـي عشقـه

الفصل الثاني و العشرون.

تس تس.. قبل الفصل..

اكتر اللي بيقرأ الرواية كره قصي و انا معاكم اللي عمله كان مدمر لحورية و قاسي جداً  .. قصي واحد عاش طفولته بمدرسة داخلية في ألمانيا من غير لا أب و كمان اتحرم من حنية الأم سنين عمره.. والمفروض في الوقت ده كان يلاقي العيلة جمبه بس كان وحيد ابوه كان بيسافر مسافات عشان يشوفه ساعتين يشبع منه قبل ما يرجع تاني.. الجد حرمه من رجوع مصر حتي في العطلات فالولد زادت عقدته كل ما يكبر و لما رجع مصر بالفرمان اللي اصدره جده شاف حورية و كان اول لقاء بينهم دمار و ضربته بالقلم وهو ميعرفش هي مين؟!. لما اكتشف انها بنت عمه و لقي الفرق في تعامل جده معاها و إزاي بيدلعها حس بغيرة هي انحرمت من الأم و هو كمان محروم بس عوضها بمرات أب حنينة و عيلة كبيرة بس معاه كان قاسي.. كره جده اكتر ساعتها علي السنين اللي عاشها وحيد، كان مقرر ينتقم من جده عن طريق حورية بس مع الوقت حبها و قلبه اتعلق بيها لحد ما جده قرر يعوضه بعد ما حس بالندم علي اللي عمله فيه.. كان التعويض حورية و اتجوز قصي حوريه.. قصي حبها بجد منقدرش ننكر ده غيرته عليها و تعامله معاها. لحد ما في يوم انبعتله ظرف كان فيه صور لحورية مع شاب و هو فكر انها بتخونه فنحبش يتسرع وقال يكتشف ده بنفسه و لما بقت مراته و اكتشف براءتها و عاش معاها طول الشهر بسعادة لحد ما اللي بعتله الظرف هدده إنه يسيبها عشان يعرف طريق (الست المجهولة) هنعرفها مع الأحداث الجاية. عمل اللي قاله عليه و حورية انطردت.  هو كان بيلعب عليهم لحد ما يعرف مكانها بس حورية عملت حادثة و ماتت.. عاش سبع سنين قهر و ندم علي اللي عمله و لسه بيدور ورا اللي بعت الظرف و شاكك انه حد من العيلة.. لحد ما ظهرت حورية بشخصية ريحانة السباعي و هنا تبدأ حكايتنا.

اللي عايزه اقوله ان قصي عشق مش حب بس حورية دا عشقها بس الظروف كانت اقوي.. حورية راجعة تنتقم منه و مش معرفاه انه عند ابنه بمعني اصح كدبت في فقدان الذاكرة و إنها مش فكراه بس فهم العكس انها نسخة من حورية و عايز يثبت ده  .

قصي غلط و غلطه كبير و انا همرمطه عشان في بنات كتير شتمته و كرهته و انا معاكم دي ضربة قاضية قضت علي حورية..

تنبيــــه: الأبطال هما ريحانة و قصي و أيان.
الأبطال الثانوية: إياد و تاليا-نديم و رؤي-شمس و عاصي..

دول ثنائيات الرواية و حورية مستحيل تسامح قصي بسهولة و انا معاكم بس قصي انظلم و اتجبر علي اللي عمله.. اما بخصوص مها و روفيدة محضرالهم نهاية هتعجبكم انشاءلله.

لا تنسوا الفوت قبل القراءة ☆★. "نبدأ الفصل".

******************

بسم الله الرحمن الرحيم

في المول..

سارت ريحانة (حورية)  بجوار تاليا التي اجبرتها علي القدوم و التسوق من أجل الحفلة المدرسية التي ستقام بعد يومين بـ مدرسة الصغير "أيـان" وعليهم شراء هدايا و ملابس جديدة من اجل الحفل.. رفضت ريحانة الفكرة رفضا تاما لا ترغب بالخروج من المنزل متعللة بانها تريد الراحة بيوم العطلة.