أحرقنـي عشقـه

الفصـل الحـادي عشـر

وقفت ريحانة ممسكة بحقيبة أيـان طفلها الصغير المتكئ علي ركبتيه يعدل من رباط حذاءه حتي انتهي ثم نهض متناولاً حقيبته المدرسية و وضعها علي كتفه..

تطلع تجاه غرفة والدته فعندما استيقظ تفاجئ بوجود تاليـا بالمنزل و أنها نامت معهم.. اقترب من والدته يهمس بتساؤل:
-ماما.. تاليـا بتعمل إيـه هناا.. غريبة إنها نايمة معانا.

قرصته والدته من وجنته تغمغم باستنكار من سؤاله:
- بطل تحشر مناخيرك الصغيرة في اللي ملكش فيـه.

تذمر بضيق فـ هو يكره من يقرصه من وجنته يبعد يدها بضيق:
-يووه يا ماما قولتلك مية مرة مبحبش حد يمسكني من خدودي.. أنا كنت بطمن الا يكون حد مزعلها.

نطقت بهدوء و صوت خفيض:
-اطمن هي حبت تغير جو فـ جات تنام هنا أصلها خايفة من العفريتة اللي بتطلعها من الكوابيس.. أنـا قولتلك كلام سر بينا عشان متزعلش.

أومأ أيـان رأسه و قال:
-حاضر يا ماما.

قبلته من وجنته بحب قائلة:
-حبيب قلب مامي يلا عشان متتأخرش علي الباص.

قَبلها من وجنتها مودعاً إياهـا ثم غادر.. اغلقت ريحـانة باب الشقة فـ استدارت لتجد تاليـا استيقظت تخرج من غرفتها تتثائب بنعاس تردف بصوت ناعس:
- صبـاح الخيـر.

أجابت ريحانـة بابتسامة هادئة: صبـاح النـور.. كل ده نـوم يا كسلانة.

ضحكت تاليا بسخرية و قالت تسير بكسل: أنتي ناسيـة إننا نمنا الساعة اتنين الصُبـح..

أستأنفت وهي تدور بعيناها بالمکان بحثاً عن شئ مـا: أيـان لسـه نايم؟!

ردت بتهكم و هي تتجه نحو المطبخ: أيـان مشي علي الـ school من بدري الساعـة تمانية و اتأخرنـا يا استـاذة.

تأففت تاليا بملل تشيح بيدها: مش مشكله جات من يوم اتأخر فيه، مـرة من نفسي بقي.

نطقت ريحانة بهدوء: ادخلي اغسلي وشك و غيري هدومك أنـا سبتلك هدوم علي الكومود البسيهم عشان نمشي.. أكون أنـا جهزتلنـا الفطار.

ابدلت تاليا ملابسها بـ قميص أبيض و بنطال جينز أزرق و حذاء رياضي و صففت شعرها بـ سنبلة رقيقة تركتها علي كتفها.. خرجت من الغرفة ووجدت ريحـانة جهزت الفطور لتسحب كرسي و تجلس عليـه..

تفوهت ريحانة و هي تاخذ قضمة من قطعة الخبز: طالعة زي القمـر يا تاليا.

ابتسمت لها و ردت: ميرسي يا ريحـانة.

نهضت ريحـانة وهي تردف بهدوء و ابتسامة سمجة: أنـا هغير هدومي تكوني أنتِ شيلتي الأطباق.

صرخت تاليا بغضب و اهتيـاج: و حيـاة أُمك أنتِ بتذليني يا ريحانة عشان نمت هنـا أنـا ضيفتك مفروض معملش حاجة.