Taehyung မောင်းလာသည့်ကားလေး ဆေးရုံဝင်ပေါက်ရှေ့ရပ်သည်နှင့် ချက်ချင်းဆင်းသွားသူက ချစ်တတ်လွန်းသူ Jungkook....Reception မှာအရင်ရောက်နှင့်နေသော Jin hyung တို့နှင့် ဆုံတော့ မျှော်လင့်ချက်လေးပျက်ဆီးခဲ့ရသည်....နေရာမှာပင် အော်ငိုချင်မိသည်အထိ အားပျက်သွားခဲ့သည်....
" ဘယ်လိုလုပ်ရမှာလဲဗျာ...ကျနော် စိတ်ပူလွန်းလို့ ရူးတော့မယ်...တွေ့အောင်ရှာပေးကြပါဗျာ..."
Jungkook ဘယ်သူတွေကြည့်နေလို့ကြည့်နေမှန်းမသိတော့...လတ်တလော ကိုယ့်ပုံရိပ်ကိုယ်တောင် မထိန်းနိုင်လောက်အောင် ငိုနေမိသည်....
သူတို့နှစ်ယောက်တိုင်ပင်ထားသည့် ဇာတ်ရှုပ်တွေပီးလျှင် ကမ္ဘာငယ်လေးနားမှာပဲ ကပ်နေတော့မည်....ကမ္ဘာငယ်လေးကြိုက်တတ်တာလေးတွေ ချက်ကျွေးမည်....ကလိထိုးတိုင်း ယားတတ်လွန်းသော ကမ္ဘာငယ်လေးကို အသက်ရှူမဝအောင် နမ်းပစ်လိုက်မည်....စိတ်ကူးထားသမျှ အကုန်ရေစုန်မျောတော့မှာလား.....
တစ်သက်မှာဒီကမ္ဘာငယ်လေးကိုပဲ ရူးရူးမိုက်မိုက် စူးစူးနစ်နစ်ချစ်ခဲ့ဖူးတာ....ပထမဆုံးနဲ့ နောက်ဆုံးအချစ်နဲ့ မြတ်မြတ်နိုးနိုးချစ်ခဲ့ရတာကို ဒီလိုခွဲခံရတာ လုံးဝမတရားဘူးလေ....ခုလိုခွဲရမယ်မှန်း ကြိုသိနိုင်တဲ့ စွမ်းအားများရခဲ့ရင် ကမ္ဘာငယ်လေးအနားက တစ်ဖဝါးခွာမိမည်မဟုတ်....
ဘယ်ကစပီး ဘယ်လိုချစ်မိသွားလဲ မသိခဲ့ပေမယ့် ကျနော်သတိထားမိချိန်မှာ အသည်းနင့်အောင် ချစ်မိခဲ့ပီးပီ....ကျနော့မနက်တိုင်းက ကိုကိုနဲ့စပီး ညနက်နက်ချိန်တိုင်းမှာ ကိုကို့ရဲ့ ရယ်သံချိုချိုလေးတွေနဲ့ အိပ်စက်ချင်တာ ကျနော့အတ္တပါးပါးသာ.....
--------------------
Na အရေးကြီးဖုန်းကောလ်အတွက် သီးသန့်ထားသော Ringtone မြည်လာတာကြောင့် အံ့ဩမိသည်...တိုက်တိုက်ဆိုင်ဆိုင် ဒီလိုအချိန်မှ ဝင်လာတာက ပိုထူးဆန်းသည်....
" Hello....Daddy...သားလောလောဆယ် မအားသေးလို့ပါ....နောက်တစ်ပတ်ဆို သားအင်္ဂလန်ပြန်လာတော့မှာလေ...ဘာ...ဘာလို့ဆက်တာလဲ Daddy....."
" သား....Daddy လေဆိပ်ရောက်နေပီ...သားလာကြိုလို့ ရမလား....သားမာမီရော ပါလာတယ်...."
YOU ARE READING
JOURNEY TO LOVE
Romanceအချစ်ဆိုတာ အမြဲမချိုမြိန်နိုင်ပေမယ့် ခါးသက်သက်အရသာကို တကယ်ချစ်တတ်သူတိုင်း ရူးသွပ်စွဲလမ်းကြတာ လောကနိယာမတစ်ခုလို့ပြောရင် ယုံကြမလား
