The Gangster's Boss is my Teacher and my Lover

Chapter Twenty Eight

The Gangster's Boss is my Teacher and my Lover
by: HanaIchiOne

"Alam nyo bang dito nagtatrabaho ang tatay nitong babaeng ito?" Sigaw ng lalaking may hawak ng bag ko.

Kakapasok ko pa lang ng gate ng school ay ito na kaagad ang bumungad sa akin. Hinarangan ako ng dalawang lalaki at sapilitan na kinuha ang dala kong sling bag. Nag- simula naman kaagad na mag- umpukan ang mga estudyante sa paligid namin. Nagbasbas na naman ng lagim ang dyosa ng mga tsismosa at mapang- husga.

"Ibalik mo yan sa akin, ano ba?!" Sigaw ko.

Dahil matangkad ang mga ito ay hindi ko maabot ang bag ko. Pilit nila itong itinataas.

"Nagtatrabaho bilang manggagawa ang tatay ng malanding ito dito sa GU. At nandoon sya sa likod sa ginagawang bagong building." Dagdag naman ng kasama nyang lalaki.

"Kaya pala ang lakas makakapit sa mayaman." Natatawa namang segunda ng lalaking may hawak ng bag ko.

Umugong naman ang tawanan mula sa mga naka- palibot sa aming mga estudyante. Pagkatapos ay sabay- sabay nila akong binato ng papel na nilamukos habang sinasabi ang mga katagang "Gold digger" at "Bitch". Isinangga ko naman ang mga kamay ko sa ulo at mukha ko. Baka kasi hindi lang papel ang ibato nila sa akin. Mahabaging mga dyosa, kailan nyo ba ako lulubayan?

Tumigil lang ang mga ito ng tumunog na ang bell, hugyat na magsisimula na ang klase. Isa- isa nila akong iniwan sa gitna ng malawak na daan. Dito lang tumulo ang mga luha ko na kanina ko pa pinipigilan. Bakit pa ba ako pumapasok? Wala din naman akong natututunan dahil hindi naman nagtuturo ang mga guro namin. Busy sila sa pag- aayos ng issue tungkol kay Jem, Mrs. Himala, Shellarina at Edson. Nagsampa na ng kaso ang mga magulang ng kaibigan ko dito sa school at sa balyena. Patuloy namang hinahanap ng pulisya si caterpillar at nalugi na ang negosyo ng mga De Torres. Pero heto pa din ako miserable. Nagdadalawang isip ako kung papasok pa ba ako o hindi na. Gusto man ng utak ko na um- attend ng klase pero ayaw naman humakbang ng mga paa ko. Hindi din tumitigil ang mga luha ko sa pag- agos.

"Hey, current girlfriend!" Boses mula sa may likudan ko.

Kilala ko kung kanino nagmula iyon. Dadagdag pa din ba sya sa mga pasakit ko ngayon? Pinunasan ko ng palad ko ang mukha ko at pinilit na humarap sa may gate. Nakita ko naman ang super model na naka sandal sa magara nyang kotse.

"I guess you're having a hard time. Wanna go somewhere?" Sabi nya.

"H- hindi na. Salamat." Sagot ko naman.

"Hindi ako tumatanggap ng hindi. Tara na. I'll help you to wash your stress away." Naka- ngiti nyang saad.