وردتى الجميله

الفصل الرابع

بعد ان ترك مكتب مديره اتجه الى غرفه ورد حيث  كان ينظر الى هذة النائمه امامه ع الفراش و كان من داخله يشعر بضيق وحزن على تركها حيث منذ تلك السنه و كان قد تعود على محادثتها ليلا  كانه يشعر انها تسمعه

اسامه : دلوقتى يا ورد هسيبك ، ثم اكمل بحسره وحزن فى صوته ، مش هضيقك بكلامى ولا هفضل احكى معاكى بليل زى كل يوم
ثم القى نظره اخيره عليها و اتجه الى الخارج ، اما تلك المسكينه فكانت تسارع فى اللاوعى الخاص بيها

ورد بحزن : حتى انت كمان هتمشي

____________________________________

فى الصباح فى فيلا الشيخ زايد حيث يسكن دكتور ادم بصحبه خالته و ابن خالته و كانوا يتناولوا الافطار

نجوى : يعنى كان لازم يا بنى تروح النهارده المستشفى

ادم: انت عارفه بقي يا نوجا الحاله صعبه ازاى ، وبعدين انا هروح بس اشوف دكتور عبد المجيد و اتابع مع الدكتور اللى كان متابعها و اشوف التقارير بتاعتها علشان احدد ليها علاجها ايه

نجوى: ربنا معاك يا بنى , ثم نظرت الى مازن , وانت يا مازن هتروح الجامعه برضو النهارده

مازن: انتى عارفه بقي يا حبيبتى الامتحانات على الابواب و الفترة دى مهمه للطلاب ف بحاول اكتر ليهم المراجعات بقي

نجوى : ربنا معاك و معاهم يا بنى

_____________________________________

فى المنصوره

عبدالرحيم : امال ابنك فين يا رضا

رضا : راح يوصل نرمين الجامعه يا حج

عبدالرحيم : و مراتك فين امال

رضا بتوتر : راحت عند اختها تزورها

عبدالرحيم. بضيق: افضل دلع فى مراتك كده لحد ما تخرج من طوعك

رضا : متقلقش يا حج هى راحت بس تزورها علشان بعافيه شويه و سمير اخر النهار هيروح يجبها

عبدالرحيم : و ناويين تروحوا امتى تشوفوا ورد

رضا : نرمين بس تخلص الامتحانات بتاعتها و نروح ، ما احنا مش هنقدر نروح من غيرها ،ثم اكمل ضاحكا ، دى اخدت الاذن منك انت يا حج يعنى بموتنا

عبدالرحيم بضحك: نرمين دى تؤمر وانا انفذ غلاوتها عندى ملهاش وصف

رضا : يبقى باذن الله اول الاسبوع الجاى هنكون عند ورد يا حج

عبدالرحيم وهو يربط على كتف ابنه: ماشي يا بنى انا هروح انا بقي اشوف حال المصنع قدام سمير مش موجود وانت تخلص فطارك و تروح الشركه

رضا : اؤامرك يا حج
__________________________________

فى المستشفى

حيث كان يجلس امام مكتب دكتور عبد المجيد

عبدالمجيد  بابتسامه بشوشه: حمدالله على السلامه يا دكتور

ادم بعمليه : الله يسلمك يا فندم

عبد المجيد : باين عليك انك دكتور شاطر زى ما سمعت عنك

ادم: والله يا دكتور انا بحاول ابذل مجهودى اللى براعى بيه ربنا

عبد المجيد: ربنا يوفقك يا بنى

ادم بابتسامه : شكرا لحضرتك , ثم اكمل كلامه , بعد اذن حضرتك يا دكتور اقدر استلم التقرير تبع الحاله اللى جاى علشانها

عبدالمجيد : مش بقولك باين عليك شاطر و شكلك مش بتحب تضيع وقت ، على العموم انا بعت اجيب دكتور اسامه علشان يبلغك بالامور كلها

وبعد لحظات دخل دكتور اسامه

اسامه : حضرتك طلبتنى يا دكتور

عبد المجيد : تعالى يا دكتور اسامه ، احب اعرفك بدكتور ادم. المسئول عن حاله ورد

اسامه بضيق : اه ، حمدالله على سلامتك يا دكتور

ادم : الله يسلمك ، ثم وجه نظره الى دكتور عبد المجيد ، اقدر ابدء امتى يا دكتور

عبد المجيد : ياريت من دلوقتى ، احنا املنا فيك كبير يا ادم ، البنت دى مامتها هتجنن عليها علشان تفوق

اسامه : اتفضل حضرتك معايا علشان اعرفك اوضه المريضه

ادم بخبث ل اسامه: ياريت يا دكتور ، وبعد اذنك انا هحتاج حضرتك الفتره الجايه من علاج الانسه ورد ,ثم اكمل بضحكه , مش اسمها كده برضو 

اسامه و هو يتك على اسنانه بغيظ : مفيش مشكله يا دكتور ، ثم اكمل بخباثه مماثله لنبره ادم,  ع العموم انا هحاول اساعدك اصل انا مع ورد بقالى سنه و اعرف كل اللى هى اتعرضت ليه من نوبات مفاجاءة ليها

ادم : اكيد طبعا ، و مع احترامى ليك و لمجهودك  بس للاسف مجبيش نتيجه مع الانسه ورد

اسامه بسخط : وحضرتك بقي اللى علاجه هيجيب نتيجه

ادم بابتسامه لم يفهما اسامه : اكيد والا ،
(ثم وجه نظره لدكتور عبدالمجيد الذى كان منتبه لحديثم من البدايه  واكمل كلامه ) والا دكتور عبد المجيد مكنش طالبنى انى اجاى اتابع الحاله بنفسي

عبدالمجيد مقاطعا لهذا الجدال : اظن كفايه تعارف ، يلا يا دكتور اسامه ياريت توصل دكتور ادم للحاله
(ثم اكمل كلامه و هو موجه نظره الى اسامه ) وياريت تبقى تجيلى تانى بعد ما تعرف دكتور اسامه حاله المريضه

اسامه بضيق : حاضر يا دكتور

يتبع ....