وردتى الجميله

الفصل الخامس و العشرون

وجاءت اللحظه الحاسمه حيث كانت العرائس تنزل خلف بعضها، حيث كانت سجى ترتدى فستان بلون السما يليق على لون  عيونها ، اما ورد فكانت ترتدى فستان باللونى العنابى ، اما فستان نيرمين كان بالون الفيروزى ، كان اجمل بكثير من ذلك الفستان الذى كان سمير قد احضروه لها سابقا

اماالشباب فكانوا فى ابهى صوره ، اتجه كل امير الى اميرته و وبدءت الاغانى و الفرحه

البس ادم شبكته ل ورد كمان البسته هى الدبله التى كان احضرها ادم مع الشبكه ،

كما فعل مازن هكذا ايضا ، ثم قام سمير باعطاء هديه ل ورد و نيرمين ، فكان نصيب ورد الخاتم والاسوره ، وكان نصيب نيرمين ، السلسله و الخاتم
وبعد قليل اعلن الماذون ان سجى اصبحت زوجه سمير وسط الزغاريد و الاغانى والابتسامه

____________________________________

فى الجنيه حيث

كان يضم سمير سجى له ، اخيرا يا حبيبتى بقيتى على اسمى ،

سجى: مبروك يا سمسم.

سمير وهو يقبل وجنتى سجى : ربنا يخليكى ليا .... يا قلب سمسم

فى الناحيه الاخرى

ورد : ما تخليك كمان يوم يا ادم

ادم : يا حبيبتى كلها اسبوعين و هتكونى معايا على طول

ورد : انا فرحت اووى ، لما جدو قال انو حدد فرحنا مع سمير و سجى

ادم وهو يقبل يد ورد : ربنا يفرحك دايما يا حبيبتى

كما كان الحال عند مازن و نيرمين

مازن : خلاص بقي متتعصبيش يا نيرمين

نيرمين بضيق : انا اللى متعصبه برضو ،مش انت اللى مختار الفستان ، انا مالى بقي. ذنبى ايه

مازن وهو يقترب من نيرمين: ذنبك انك طالعه زى القمر فيه ، ملاك

نيرمين وهى تنظر الى عيونه: بجد يا مازن ، انا حلوه

مازن: ملاك ، حور من حوريات الجنه يا نيرمين

نيرمين بخجل : وانت كمان جميل

مازن بضحك: جميل ازاى يعنى

نيرمين بتوتر : حلو يعنى

مازن وهو يقترب اكتر حتى انصدم ظهر نيرمين بشجرة خلفها : ازاى برضو حلو

نيرمين  بتوتر : مازن مينفعش كده

مازن وهو مستمتع بخجلها ثم طبع قبله على جبين نرمين ثم اكمل : اهدى يا حبيبتى ، انا امرى  لله هستحمل الاسبوعين دول وخلاص

نيرمين : انا نتيجتى ظهرت على فكره

مازن : بجد ، وعملتى ايه

نيرمين : امتياز

مازن بانبهار: لا ده احنا شاطرين اوووى

نيرمين وهى تضع يديها فى خصرها: امال انت فاكر ايه

مازن: اممم ، ماشي يا ستى ، انا هكلم سمير انو يخليكى تيجى بكرا علشان تقدملك فى الدراسات اللى انتى عوزاها ،

نيرمين : بجد يا مازن

مازن بضحك : بجد. يا عيون مازن

نيرمين وهى تتعلق برقبه مازن : ربنا يخليك ليا يا حبيبى ، ثم تتدركت الامر ، وابتعدت منحرجه

مازن بابتسامه : طب يلا نروح ليهم ، بدل ما وشك قلب شبه الطماطم كده

___________________________________

وبعد فتره

حيث كان احمد يركب فى سيارته و بجواره خلود
وكما كان سمير فى سيارته وبجوار سجى و كما كان مازن فى سيارته وبجانبه ادم و فى الخلف نجوى ، ثم سياره اسامه
وقاموا بتوديع الجميع و اتجهوا الى القاهرة 

وبعد عدة ساعات وصلت السيارت الى موقعها المحدد ، وبعد توديع سمير الى زوجته
اتجه الى المنصوره مرة اخرى

____________________________________

صباح يوم جديد

فى المنصوره ، وتحديدا فى غرفه رضا و سعاد

سعاد  بندم : وده كل اللى حصل يا رضا

رضا بابتسامه : انا مبسوط انك عرفت غلطتك ، وصلحتى من نفسك

سعاد بابتسامه ودموع: يعنى انت مسامحنى يا ابو سمير

رضا: انا عمرى ما زعلت منك يا سعاد ، يلا فين الفطار بقي

سعاد : ثوانى و يكون عندك

______________________________

فى غرفه سمير

نيرمين وهى تدق على باب سمير

نيرمين : يااا سمير افتح بقى

سمير : خلاص يا زنانه انا صحيت اهو

نيرمين بصدمه: انت لسه ملبستيش

سمير : خلاص اهدى شويه ، انا هلاقيها منك ولا من الزنان مازن ، داخل البس اهو

وبعد لحظات اتجه كلا من سمير و نيرمين الى السياره وانطلقوا الى جامعه القاهره

وبعد لحظات من وصولهم

سمير : خد بالك من نيرمين

مازن : متقلقش يا سمير ، انت مش واثق فيا ولا ايه
سمير انا لو مش واثق فيك مكنتيش وافقت عليك زوج لاختى ، يلا انا هروح بقي عند مراتى سلام

مازن: الله يسهلو

ثم اتجه سمير الى سجى

واتجه مازن الى داخل الجامعه مع سجى

______________________________________

فى المستشفى

ادم : انت يا بنى ايه اللى جابك مش المفروض شبكتك بكرا

اسامه : اعمل ايه فى ابويا الحج، قالى الاجازة دى لهند بس ، غالبا بيطلع عليا القديم والجديد

ادم بسخريه : ياعينى عليك

ثم رن هاتف ادم برقم ورد

ادم : لا انا هطير بقى

اسامه : ماشي يا سيدى

ادم وهو يرد على ورد بعد ان اتصلت للمرة الثانية

ادم :  الو

ورد : ايه يا ادم قلقتنى عليك

ادم : معلش يا حبيبتى كنت بكلم اسامه

ورد بغضب مصطنع: يعنى هو اهم منى

ادم وقد فهمها : انتى يا قلبي مفيش اهم منك ، ده انا ابيع الدنيا كلها علشان كلمه منك

ورد بضحكه: اهو انت دايما كده بتخلينى معرفش اتكلم

ادم بضحك شديد: والله انا بلاقى الكلام بيطلع منى كده ، اه صحيح شبكه اسامه و هند بكرا

ورد :  اه ما انا عرفت ما اسامه لما كان هنا قالى و اخدت منه رقم هند

ادم بغيره : وانتى تكلمى اسامه بتاع ايه

ورد : ادم حبيبى ، انا كلمته قدام سمير و خالى رضا , يعنى مش لوحدنا ، ممكن تتحكم فى غيرتك يا حبيبى

ادم بابتسامه : ربنا يخليكى ليا ، بتعرفى تمتصى غضبى

ورد : ويخليك ليا يا حبيبى

___________________________________

فى الجامعه

حيث كانت نسرين تذهب لأخذ نتيجه امتحانتها وجدت مازن بصحبته فتاه ، اتجهت اليهم

نسرين : دكتور مازن ، كنت عاوزه اتكلم مع حضرتك

نيرمين برفعه حاجب : اؤمرى عاوزه حاجه

نسرين وهى تتطلع الى نيرمين من اسفلها لاعلى: انا مش بكلمك انتى

مازن بغضب : نسرين احترمى نفسك ، و ملكيش كلام معايا ولا مع خطيبتى ، انتى فاهمه

نسرين بصدمه : خطييبتك

نيرمين بنظره نصر: اه يا روحى ، خطيبته و كلها اسبوعين وهبقي مراته ، عقبالك يا روحى ، يلا يا حبيبى

يتبع ....