وردتى الجميله

الفصل الثانى والعشرون

فى الجنينه حيث انضم الشباب الى عبدالرحيم و رضا و احمد ، بينما الفتيات كانوا عند البحيره عند كلا من خلود و نوال و نجوى

عند الرجال

سمير : حج عبد الرحيم , ادم كان عاوز يكلمك فى حاجه

عبد الرحيم : خير يا ابنى ، عاوز ايه

ادم : هو انا عارف انو مش وقته يعنى ، بس انا طالب القرب من حضرتك فى حفيدتك ورد

عبد الرحيم : والله يا بنى انت راجل و من اهل كرم ، بس الاصول يا بنى ان اشاورها و اخد رائ امها ، لكن انا عن نفسي ، انت نسبك يشرف اى حد يا ابنى

ادم وهو يقبل يد الحج: ربنا يبارك فى عمر حضرتك

مازن: طب انا بقول يعنى ، يبقى الفرح فرحتين يعنى ، ثم اتجه الى الحج ، طب يا حج عبد الرحيم ، انا كمان طالب القرب من حفيدتك نيرمين

عبدالرحيم بضحك : والله يا ابنى ، ابوها واخوها قدامك اهو ، قولهم

رضا : البركه فيك انت يا حج ، انا عن نفسي موافق ، وانت يا سمير

سمير : والله الكلمه الاخيره لنيرمين ، لو وافقت يبقى نعمل خطوبتهم مع خطوبه ورد وادم سوا ،
(ثم اكمل بضحك) ,  بس انا بقولك شاور عقلك تانى

مازن : من الناحيه دى انا شاورته و انتهى الموضوع

ادم : طب ما تخليك حلو كده يا سمير و تروح تسئلهم يعنى

سمير بصوت منخفض: على اساس انك مش عارف يعنى

عبدالرحيم : روح يا سمير ، باينه ادم مستعجل اووى
و ضحك جميع الجالسين

ذهب سمير الى مجلس الحريم

نوال : ايه يا سمير هى مش سجى كانت لسه معاك

سمير : مقدرش استغنى عنها يا عمتى ، بس انا جاى ليكى انتى

نوال : خير يا ابنى

سمير : ادم طلب ايد بنتك ورد

نجوى وهى تزغرط : الف مليووون مبرووك ، اخيراا نطق

ضحك كلا من خلود وسجى و نيرمين

اما ورد فكان وجها يزاد من احمراره ، و قامت نجوى بضم ورد اليها

نوال بابتسامه : ايه ردك يا ورد

ورد بخجل : اللى جدى يشوفه

سمير : يبقى ع خيره الله ، بس فى حاجه كمان

نوال : ايه تانى

سمير : مازن هو كمان طلب ايد نيرمين ، ومصمم يعرف رد نيرمين دلوقتى

نجوى : انت بتقول مازن ابنى انا ، اخير اللوح نطق ، ثم قامت بالزغاريد مرة اخرى

نيرمين ولم يكن حالها يقل عن حال ورد ، كما قامت نجوى باحتضها و ضمها مع ورد

سمير : ها يا نيرمين

نيرمين :  اللى بابا عوزه

سمير: يبقى باذن الله خطوبتكم فى يوم واحد ان شاء الله بس بعد فرحى انا و سجى ثم غمز ل سجى ،

نوال : امشى يا واد من هنا ،وبعدين احترم نفسك ان امها موجوده ماشى

سمير بضحك : خلاص انا ماشي اهو. ،

واتجه الى مكان جده و بلغه بموافقه كلا من ورد و نيرمين ، وقاموا بقراءه الفاتحه بعد ان جاءوا الفتيات بصحبه نوال و خلود و نجوى ، كما جاءت سعاد الغاضبه التى ذهب رضا ليخبرها و حظرها من ان تتحدث ، كما جاءت صباح التى كانت تنظر لفرحه ورد و نيرمين بغصب

صباح بصوت منخفض : وقعتوا واقفين، كل واحده فيكوا واخده واحد مركز ، وفلوس

ميار : بتقولى حاجه يا ماما

صباح : مبقولش يا عين امك

وانتهى اليوم ، وبدوءا فى الاستعداد وتحضر  ل حفل كتب الكتاب ليكون. جاهز فى الغد

و قام سمير بتوصيل كلا من ادم و مازن إلى غرفة لهم ، كما  قام بتوصيل خلود و زوجها احمد الى

غرفه لهم ، و ورد التى اصرت ان تنام معها سجى و نيرمين ، كما قام بأيصال  نجوى الى غرفه نيرمين  التى تركتها لها لكى تنام فيها براحه

__________________________________

فى غرفه ادم ومازن

مازن: ايوا يا عم مين قدك

ادم: لا مين اللى قدك انت ، ده انت طلعت نمس يا جدع ، طب قوللى

مازن : الصراحه من اول لما شوفتها ف المستشفى و حصل الخناقه ما بينا. وهى مش عاوزه تروح عن بالى

ادم : يا سيدى يا سيدى ,لا بس حلوه الصدفه دى انها تطلع قريبه ورد

مازن بابتسامه : نصيب ، بس نصيب حلو اووى يا ادم

كاد ان يتحدث ادم لكن وجد اسامه يتصل عليه

ادم : الووو يا اوس اوس

اسامه : انت خليت فيها اوس اوس ، ما اه طبعا نسيتى ، حقك يا عم

ادم: يا ساتر يارب عليك ، اخلص عاوز ايه

اسامه : انا بس بتصل بيك علشان اقول متطولش هناك كتير

ادم : فى حاجه ولا ايه

اسامه : اه فى اخر الاسبوع خطوبتى انا و هند

ادم : احلف والنبى

اسامه بضحك : اه والله

ادم : الف مبروك ، وانا كمان عندى خبر ليك

اسامه : اشجينى

ادم: النهارده قريت فتحتى على ورد

اسامه : يا ابن اللذينه من اول يوم كده

ادم: لما اجى هبقي احكيلك ، واه صحيح مازن كمان

اسامه : يا ابن اللذينه , دول انتوا مش سهلين ، و مازن قراء فاتحته على مين بقي

ادم : على نيرمين اخت سمير.

اسامه : اااه ، الف مبروك ليكوا انا فرحت ليكوا بجد ، طب كده الخطوبه امتى

ادم: والله هتبقي اكيد بعد فرح سمير

اسامه : هو مش كان كتب كتاب

ادم : اه ياسيدى ، بس اقنع بقي سجى ، انهم يتجوزا بعد اسبوعين ، وسمير مستحلف ليك لو مجتيش ، حتى الفرح  هيبقي ف القاهرة.

اسامه : ربنا يسهل اكيد هاجى ، ثم اكمل بضحك بس ايه الرحله الغريبه دى يا عم ، تروحوا سناجل ترجعوا مرتبطين

ادم:  بطل نق بس انت فيها و باذن الله انا مستنيك هنا ، انا هروح بقي اتقتل نوم ، تصبح على خير يا اوس اوس

اسامه بضحك : وانت من اهله يا نمس

فى غرفه الفتيات

ورد : مش مصدقه يعنى انا خلاص بقيت خطيبته ، الله

سجى : اهدى يا ماما، دى قرايه فاتحه ، اهدى شويه، وانتى يا ست السرحانه ، فوقى شويه

نيرمين : هاا بتكلمينى

سجى : لا ده انتى فى الطراوه

ورد: سيبك منها دى مش هنا خلاص

وبعد لحظات رن تليفون ورد

ورد بتوتر : ده اادم بيتصل

سجى : ما تردى

ورد : الوو

ادم : انتى لسه منمتيش

ورد : لا لسه ، اصل انا والبنات سهرانين

ادم : يا بختيهم

ورد : هما مين

ادم : البنات ، انهم سهرانين معاكى يعنى ، ايه روحتى فين

ورد وهى تكتم التليفون و تنظر لكلا من سجى و نيرمين ،

ورد  : ابعدوا شويه لازقين فيا كده ليه

ورد: لا لا انا معاك اهو

ادم : ماشي يا حبيبتى ، انا حبيبت بس اسمع صوتك ، انتى مبسوطه يا ورد

ورد بخجل : انت ع فكره بتوترنى

ادم بضحك : خلاص يا ستى ، تصبحى على خير

ورد: تلاقى الخير ، ثم انقطع الخط

سجى : قال ايه

نيرمين : وكان بيوترك ليه

سجى : الانكار مش هيفيدك

نرمين : اعترفى

ورد : ااااايه انتى و هى ، ثم قالت بخبث ، دى خصوصيات

سجى وهى تشير الى نرمين  وفى اقل من ثوانى  انقضوا على ورد

ورد بصراخ : اااه يا عضاضه منك ليهااا

سجى : تستاهلى

و بعد لحظات رن هاتف نرمين برقم غريب

نرمين : الوو، مين معايا

مازن : طب بتردى على رقم غريب ليه

نرمين بصدمه : ممازن

وفى ثوانى كانت تجلس كلا من ورد و سجى بجانب نرمين

مازن بضحك :  انتى هتقلبى معزة ولا ايه ، بس تصدقى انا اول مرة اعرف انى اسمى حلو كده

نيرمين : انا معزة ، انت انت ،  انت جبت رقمى منين

مازن : انتى علقتى ولا ايه ، وبعدين يا ستى انا جبت رقمك من سمير

نيرمين : انت يعنى كنت عاوز حاجه

مازن : والله حبيبت اسمع صوت خطيبتى قبل ما انام ، فيه مانع

نيرمين بصدمه : هااا

مازن بضحك : تصبحى على خير يا حبيبتى، الو الو ، قفلت السكه المجنونه

سجى : انتى يا بت مالك

ورد : نيرمين ، ايه اللى حصل ، وقفلتى السكه ليه

نيرمين بشرود : قالى حبيبتى

سجى برفعه حاجه : قالك ايه

نيرمين ببراءه : قالى تصبحى ع خير يا حبيبتى

سجى : وهى حبيبتى ، تخليكى تعملى كده صبرنى يارب , غورى يا بت منك ليها انا هروح انام

ولكن تليفون سجى اعلان عن اتصال سمير بها
سجى والفتيات حولها : الو يا حبيبى

سمير : يا قلب حبيبك ، ايه صاحيه لحد دلوقتى. ليه ، اكيد الاتنين اللى عندك مش مخلينك تعرفى تنامى

سجى : لا عادى يا حبيبي ، انا كنت مستنيه اسمع صوتك قبل ما انام

ذهب كلا من ورد و نيرمين واحضروا ورق واقلام ، واخذوا يدونوا ما تقوله سجى

سجى باستغراب : سمير يا حبيبى استنى كده
(ثم كتمت الصوت) ، انتوا بتعملوا ايه

ورد و نيرمين : بنسجل المعلومات اللى انتى بتقولها

سجى بغيظ : غور يا بت منك ليها ، ثم اكملت حديثها مع سمير

سمير : خلاص يا حبيبتى روحى بقي نامى شويه

سجى : تصبح ع خير يا سمسم

سمير : وانتى من اهلى يا قلب سمسم

سجى بعد انتهاء المكالمه : تعالوا بقى انتوا الاتنين والله لهوريكم

يتبع .......