وردتى الجميله

الفصل السابع عشر

في المستشفى وتحديدا في غرفه ادم، حيث كان يجلس حزينا يفكر بهذه الورده التي دخلت حياته، وكما  كانت تحس به، حيث وجد منها رساله على تطبيق الواتس اب

من ورد الى ادم : صباح الخير

من ادم الى ورد : صباح الورد

من ورد الى ادم: انا قولت اشوفك  لو غيرت رايك

من ادم الى ورد : فى ايه بالظبط ؟

من ورد الى ادم: انت بتهزر يا ادم

من ادم الى ورد : مش فاهمك ، طب هتصل عليكى

من ورد الى ادم: تمام

وبعد لحظات

ورد بعصبيه: هو ايه بقى اللى انت مش فاهمه

ادم وهو يصطنع عدم الفهم : فى ايه بس يا ورد متعصبه ليه

ورد: هو ايه اللى متعصبه ليه ، مش انت قولت انك جاى ، بتغير كلامك ليه بقي

ادم : مين قال انى غيرت كلامى

ورد بفرحه فى صوتها : يعنى انت جاى بجد، احم قصددى يعنى هتيجى انت و مامتك وكده يعنى

ادم بضحكه: اه يا ورد ، بس انا مامتى توفت من فتره و هاجى انا و خالتى و ابنها و دول عيلتى كلهم

ورد : انا اسفه ، انا مكنتيش اعرف

ادم بابتسامه على برائتها : لالا مفيش حاجه

ورد : انا هستناك ، اقصد يعنى هنستناكم  بكرا يعنى

ادم بضحكه : باذن الله ، بس سلميلى عليه

ورد : هو مين

ادم بصوت رقيق : اللى واحشنى

ورد وضربات قلبها متسارع : الللىى وااحشك مين

ادم وهو يكتم ضحكته: سمير ، اصله واحشنى اووى

ورد بغضب : سمير ، سمير هو اللى واحشك

ادم: وحد كمان

ورد : مين

ادم : الحج عبد الرحيم ، الوو ، الووو ، يا بنت اللذينه قفلت الخط

ولكن فى الناحيه الاخرى

فى المنصوره

ورد بعصبيه : انسان بارد و معندهوش دم ولا بيحس

نيرمين : اهدى يا ورد بقي و اقعدى جبتيلى حول يا شيخه

ورد: انا يقولى سمير اللى واحشه انا ، ماشي يا ادم

نيرمين : اقعدى بقي فى ايه ، فهمينى قالك ايه خلاكى شايطه كده

ورد : وكده سردت الى نيرمين ما حدث

نيرمين بضحك: هههههه مش قادره ياربى هههههه ، ده بيعمل كل ده علشان يشوف رد فعلك يا غبيه

ورد: يعنى ايه

نيرمين : يعنى انتوا دلوقتى فى فتره الاستهبال الاستعباط حاجه كده يعنى

ورد بعدم فهم : استهبال ايه واستعباط أيه ، بقولك ده انسان معدوم الاحساس

نيرمين : بس يا ستى ، انتى معجبه بيه صح

ورد : صح

نيرمين : وانتى حاسه انو معجب بيكى صح

ورد : صح بس مش متاكده

نيرمين : يبقى لازم نتاكد الاول

ورد : ازاى يا ناصحه

نيرمين : والله هما جايبن عندنا بكرا ، وانتى عارفه جدك انو هيمسك فيهم يقعدوا كام يوم معانا ، ف انتى و شاطرتك بقي

ورد بحيره : ربنا يستر

___________________________________

فى المستشفى

وخاصه فى الكافيتريا ، حيث كان يجلس اسامه بصحبه هند

هند : كنت عاوزنى ليه يا اسامه

اسامه : هند انا مش عارف اقولك ايه ولا ابدء ازاى

هند : فى ايه انت قلقتنى

اسامه : انا هحكى ليكى حكايه و اسمعيها منى و بعد كده ابقي قوللى اللى انت عوزاه

هند : حاضر ، فى ايه بقي

اسامه وهو ياخذ نفس : انا طول عمري معنديش صحاب لوحدى اتربيت مع بابا من صغرى ، والدتى اتوفت وهى بتولدينى و بابا هو اللى ربانى و رفض انو يتجوز غيرها ، ثم اخذ نفس عميق ، واكمل
ولما بدءت اثبت نفسي فى الشغل و ابقي دكتور معروف ، بابا كان عاوزنى اخطب بنت صاحبه ، بس انا مكنتيش شوفتها قبل كده ولا هى شافتنى ، وبدون اى مقدمات رفضت اصلا المبدا ، علشان مكنتيش عاوز فكرة الجواز التقليدى ده كنت عاوز شريكه حياتى انا اللى اختارها ، وطبعا ده كان مجرد اقتراح من بابا ، البنت دى و باباها مكنوش يعرفوا ولا بابا فتح معاهم الموضوع ده ، بعد كده تعدى شهور و اشوف بنت واتعلق بيها و افضل اراقبها من بعيد لبعيد و بعد فتره لقتها اختفت و عرفت بعدها انها اتخطبت كنت حاسس انى اتخبطت على دماغى معقوله البنت الوحيده اللى لفت نظرى تضيع من ايدى بس كان عندى احساس انى دى مش النهايه و فضلت اراقبها ، لحد ما عرفت انها فشكلت خطوبتها ، حسيت بفرحه وامل ، وحسيت بغضب برضو انها تكون مثلا بتحب خطيبها ده او عاوزه ترجعله ، قولت الحل الوحيد انى اتقرب ليها افهم طبعها و تفهم طباعى و اتاكد من مشاعرى نحيتها. و اتاكد من مشاعرها برضو ، لحد ما خلاص مقدرتيش اسكت اكتر من كده وقررت انى اصراحها و اقولها اللى فى قلبي كله

هند وهى تنظر له بدموع وفرحه :  وبعدين

اسامه وهو يمسك يد هند : وبعدين طلبت انى اقبلها و قررت انى اقولها كل اللى فى قلبى ، ثم طبع قبله على ظهر يديها الاثنين , واقولها تقبلى تشاركينى حياتى كلها ، تنجوزينى يا هند

هند بفرحه دموع و هو تشير براسها: موافقه اكيد

اسامه بفرحه  : احلفى انك وافقتى ، بجد ، انااا ، مش عارف عاوز احضنك بس مش عارف

هند بضحكه : احمم  ، الاول قول لبابا

اسامه وهو يمسك يديها : لا الموضوع ده بقي على الحج ابويا  تعالى معايا ، ثم اتجهوا الى غرفه دكتور عبد المجيد

اسامه بعد ان دخل : باباااا

عبد المجيد : قدام قولت بابا ف الشغل يبقى فيه حاجه

اسامه وهو يشير الى هند : انا عاوز اتجوز

عبد المجيد بفرحه : خليك عندك اوعى تتحرك  هتصل ب ابوها ، واجيلك   ، ثم تركهم و خرج

نظر كلا من هند واسامه الى وجه بعض ثم ضحكوا بشده
يتبع ....