بما إن كتاب رُوح انحذف بسبب سياسية الواتباد والبلاغات اللي جت عليه هالشيء قاعد يخليني أحس بسلبيه لكن م حبيت اسحب ع هالكتاب لذا تعليقاتكم اللطيفة بين الفقرات والفوت فعلاً بيساعدون حتى لو شوي..
اسّتمتعوا 🤍
___
"سخرية الحياة!"
..
آدم*
راقبت سلطان من نافذتي إلين ركب السيارة ومشى ابتسمت بخفة ومشيت بحماس وبشوية فضول
بعد نقاشنا وكلامنا أمس قررت أعطيه فرصة يثبت لي فيها إنه معاي مو ضدي
وبكل الأحوال أنا حياتي خرا في خرا لذا م بيضر لو أعطيه هالفرصة صح؟
طردته بالبداية وأخذت ثلاث أيام منعزل فيها ومو راضي أشوفه
بس بعدها حسيت إنها مبالغة وقررت أسامحه بس يعني زي م تعرفون طلع وما أمداني أكلمه وكذا يعني..
اوكي هو أنا عارف إني أنا اللي تجاهلته بس أولاً بشبع فضولي ناحية كل شيء بهالبيت وبعدها بكلمه
شفيكم؟
ترا هو قايل لي أنه البيت بيتي لا أحد يحكم علي
فتحت الخزانة وكانت مليانة ملابس
م أمزح..
مليانه من البداية لين النهاية وكانت كبييره جدًا .. تتكون من ١٠ أبواب، ثلاث سحب و٧ تنفتح
وبكل فضول فتحت كل درج منهم وزي م قلت كانت ملييييانة
ملابس من كل الأنواع شورتات وبنطايل طويلة تيشرتات وأقمصة وحتى ثياب وبدل رسمية، شوزات من كل نوع وحجم ولون وقسم كامل مخصص لبجايم النوم وفيه درج ينسحب مليان عطور واللي جنبه ساعات
سحبت ساعة ولبستها من باب التجربة بس اللي م توقعته إنها بتكون بالضبط ع مقاسي!
وأنا متأكد ١٠٠٪ إنه يده أكبر من يدي بمليون مره
لحظة يعني.. كل هالأشياء لي؟؟
بتوتر سحبت جزمة عشوائية ولبستها ونفس اللي صار بالساعة صار بالجزمة، جت بالضبط ع مقاسي
قفلت الخزانة وأنا للحين مبهور ومصدوم بنفس الوقت وأخذت نظرة سريعة ع المكان
لفت نظري المكتب وتقدمت له وجلست
م بكذب قعدت أدور نفسي بالكرسي الدوار تقريبًا نص ساعة وصوت ضحكاتي قتل الهدوء اللي كان بالغرفة بس والله ممتع إذا م جربتوه من قبل لا تحكمون
أنت تقرأ
لِقَاءٌ هَالِك
Aléatoire"ورَائِحَةُ الشوقِ عنّدَ اللِقَاءِ؛ كرَائِحةِ الأرضِ بعّد المَطَرِ" - مثلية، ١٨+ - عامّية - مكتملة *جميع الحقوق محفوظة لي وأي تشابه بالأحداث أو الأفكار أو السرد مجرد صدفة لا غير. Started : 9 September 2021 Ended :18 December 2021
