أهلاً أهلاً
إذا وصل هالبارت ١٢٠ كومنت، و ٥٠ ڤوت بحدث اللي بعده ع طول🥰
يلا نبدأ
اسّتمتعوا 🤍
__
"أشعر أنَّني دائمًا أبدو مثل كلمة.. وداعًا"
..
مر الأسبوع بهدوء وبدون أي أعراض جانبية لعملية آدم والكل فرحان بهالنتيجة ومن المقرر إنه اليوم بيكون أخر يوم له بالمستشفى بعد م يسوي آخر فحص أشعة فقط للتأكيد
سلطان تأمل بوجه آدم وكيف تغير ١٨٠ درجة عن أول مره شافه فيها .. صاير حيوي ووجهه بشوش وبرزت ملامحه وصار فيه لحم مو بس عظم وفعلاً كل اللي يقدر يقوله إن آدم تغَير تغيُر جذري
أبتسم وهو يحس بكمية مشاعر شوق لصوت آدم وضحكاته.. حس وأخيراً إن الحياة أبتسمت له وكأن وأخيراً روحه رَدتّ له
آدم ألتفت بأبتسامة كبيرة لسلطان : سمعت شقال! خلاص أنا رسميًا ١٠٠٪ بخير وأقدر أطلعع
سلطان وعى ع نفسه وأستوعب أن الدكتور قدامه بأبتسامة مع زياد وآصف اللي كان موجود بس عشان سلطان
تحمحم وتقدم لآدم وحضنه بقوة وباس جبينه : الحمدالله ع سلامتك يا نظر عيني
آدم بنفس إبتسامته الواسعة : الله يسلمممك
سلطان مد الكيس اللي فيه ملابس لآدم عشان يطلعون
آدم أخذ الكيس وطالع فيه وشاف بلوفر وبنطلون قطني وعقد حواجبه : بس إحنا ببدايات الصيف ليه ملابسي ثقيلة؟
سلطان رد بهدوء : م أنتبهت من الحماس سحبت أول شيء طاحت عليه عيوني
آدم أبتسم له وم فكر فيها كثير وهز راسه ومشى للحمام يغير ملابسه
..
في السيارة
آدم كان ع جواله يراسل زياد بعد م أخذ رقمه وهو مبتسم بحماس
سلطان أبتسم من إبتسامة آدم وسأله بفضول : من تكلم؟
آدم قفل الجوال وألتفت لسلطان : زياد يكلمني يقول يبي يحتفل معاي بطلوعي من المستشفى..
قطع كلامه وعض شفايفه بخفه
سلطان تأمل فيه لثواني ورجع طالع بالطريق : أيوه كمل
أنت تقرأ
لِقَاءٌ هَالِك
Losowe"ورَائِحَةُ الشوقِ عنّدَ اللِقَاءِ؛ كرَائِحةِ الأرضِ بعّد المَطَرِ" - مثلية، ١٨+ - عامّية - مكتملة *جميع الحقوق محفوظة لي وأي تشابه بالأحداث أو الأفكار أو السرد مجرد صدفة لا غير. Started : 9 September 2021 Ended :18 December 2021
