لِقَاءٌ هَالِك

Part 17 || أوَّلَ حُبّ

البارت هذا كامل خاص بباسل ورائد وتقدرون تعتبرونه نوعًا ما ون شوت خاص فيهم .. اللي ناسّي أول لقاء بين باسل ورائد موجود بنهاية بارت ( ١١ )

مالي وقت من حدثت البارت اللي قبل لكن بما إن الأغلب بدأت إجازتهم فهالبارت بمناسبة الإجازة بعد كرف الإختبارات .. ومبروك نجاحكم 🥳

البارت طوويييييل جداً وإذا وصل 300 كومنت و 70 ڤوت بنزل اللي بعده .. ويلا وروني حماسكم🔥

*ملاحظة : جميع أسماء الشخصيات المذكورة بهالبارت أو بالكتاب بشكل عام هي من وحي الخيال ولا تمد للواقع بصلة.

م راجعت البارت فتجاهلوا الأخطاء لطفًا ..

هالبارت مختلف شوي .. اسّتمتعوا 🤍

___

"ألفّ حُزن وألفّ ذِكَرى وألفّ ضِيق .. وقلبٌ واحِد"

..

قبل أسابيع من الوقت الحالي.. وقبل عملية إستئصال ورم آدم.. وبأول لقاء بين باسل ورائد

بعد م حصلت بينهم المحادثة البسيطة وتمثيل باسل في إنه ناسي مين هو رائد، وبعد م مشى تجاه أله القهوة وأخذ قهوة لسلطان وعطاه ياها وطلع من المستشفى بكبره ويدينه تنتفض بخفة وعيونه لا تلقائي حمّرت وصارت فيها لمعّة تدل ع بداية إنهيار نفسي

غمض عيونه وقبض ع يده بقوة وهو يحاول يوقف ذكرياته وكل العواصف اللي تفجرت بداخله بسبب صوت رائد.. بسبب نظرته.. بسبب ريحته اللي للحين تأثر بكل خليه بجسمه وتسبب له الرعشة وكأن أول لقاء بينهم كان أمس

ركب سيارته ودعس البنزين وحرك من غير وجهة محددة 

ما حس بنفسه إلا وهو واقف بمكان خلاه ينتفض بشكل أكبر .. ومشاعره تتضاعف بشكل أكبر وأقوى .. دموعه نزلت وما قدرت تكمل تتخبى ع أطراف رمشه .. وجسمه م قدر يتحمل هو الثاني وقوته أختفت ..

طاح ع ركبته وهو يحس بأنقباض بقلبه وكأن فيه شخص قاعد يدخل بكل ثانية وبكل نبض ينبضه سكين حادة بقلبه ويرجع يطلعها ويدخلها من جديد

حس بإن كل قناعه بالقوة والبرود والنسيان أختفى بمجرد م قادته رجله لهالمكان

طالع بالسماء ودموعه تنزل : ليه .. ليه بعد كل هالسنين تثبت لي إني باقي ضعيف عند أي شيء يخصك .. ليه م قدرت أتخطاك حتى بعد م مر بيننا ٩ سنين! ليييييه شذنبي أرجع أعاني بعد م ظنيت إني تخطيتك!