الفصل الاول_ مرات أخويا.
____
في إحدي عُمارات مدينة الزمالك وتحديدًا شقِة العالم الكيميائي ياسين التُهامّي، في المطبخ كانت مَريم تعد الافطار لزوجها ثم وضعته في البوكس وهي تذرف الدموع بقهر شديد..
اقترب منها يُقبل جبهتها قائلا
=لسه بتعيطي؟
=ايوا انت وعدتني تبقي جنبي ليه بقي بتمشي؟
ضحك بخفة على صغيرته قائلا
=يابنتي هُو انا بطلقك لسمح الله
=طب جرب كنت قتلتك والله.
=ما اقدرش اجرب انفصل عن رُوحَي ابدًا والله الفكرة كلها شغلي بيحتم عليا اسافر كل شوية والا مكونتيش سيبتك.
تنهدت بضيق قائلة
=مقدرة انك عند شُغل بإستمرار بس والله بتوحشني أعمل إيه ونيمت تالا بالعافية دي عمالة بتعيط على سفرك.
=ان شاء الله كلها يومين وأرجع وأخدك ونسافر في اي حته ماشي؟
هزت رأسها قائلة بهدوء
=ماشي .. تروح وترجع بالسلامة.. هتوحشني جدًا.
=وانتِ كمان يا حبيبتي خلي بالك من روحك في رعاية الله.
عانقها بحب شديد ثم غادر من الشقة سريعاً لتشعر بوغزة في قلبها كعادة كل مرة ثم جلست تبكي ف وجوده بالنسبة لها آمان خصوصا بعد فقدان عائلتها، لكن غيابه بالنسبة لها جحيم أبدي لا تستطيع العيش فيه مُطلقًا...
مريم فتاة بسيطة ليست خارقة الجمال بشرة عادية بها بعض الندوب وهالات سوداء تحت عينيها ، كأي فتاة بسيطة لكنها تتميز بقلبها ورقتها .
غادر ياسين الشقة ثم دلف الى سياراته يقودها حتي رن هاتفه برقم الحاج طلعت وهو الخبير الكيميائي الاكبر فى هذا المجال نطق بقلق
=فينك يا ياسين اوعي تكون رايح مؤتمر لبنان تكشف كل حاجة...!
=لازم اكشف كل حاجة مش هقف ساكت حاطط ايدي على خدي من غير ما اعمل حاجة وأتصرف .
=السكوت راحة للكل يا بني ، اديني عارف بلاويهم من زمان وساكت انت عندك اهل وعيال واحتمال كبير يحصلهم حاجة لو موقفتش اللى في دماغك.
=متخفش مش هيحصل حاجة ربنا كبير بس اللى في دماغي هنفذه وعلى ربنا كل حاجة... سلام .
أغلق الهاتف بإصرار فهو مُصر على كشف حقيقة إحدي المستشفيات تقوم بعمليات إجراميه داخلها لا يعلم عنها أحدًا ...
فجأةً تابعته سيارة بالجنب تطلق عليه النار ما ان لمحها انحني بقلق وهو يقود وسط زحمه كبيرة واخرج مسدسه من تابلوه السيارة بصعوبة وظل يضرب عليهم ويهاجمهم في حركة عشوائية بين العربيات ،ولكنه لم يستطيع الصمود كثيرًا فبعد دقيقتين انحدرت سياراته لتقع من أعلي لأسفل البُحيرة وهربوا هم سريعًا، مرت عدة دقائق ثم انفجرت السيارة في البُحيرّة ، ويبدو أننا خسرنا ياسين.. للابد.
_____
وقف طه أمام المرآه يربط الجرافته الخاصة ببدلته، فهُو يعمل ك رجل أعمال عكس أخيه هم اولاد الحاج حرب التهامي ...
طه شاب بسيط ليس خارق الجمال وإنما بسيط للغاية نحيف بعص الشيء ، طيب وحنون لكنه جدي جدًا في الامور الخاصة بالعمل، عندما يغضب عندما تنقلب الدُنيا رأسًا على عقب ...
دلفت أميرة زوجته اليه بوجهة غاضب قائلة
=رايح فين يا طه؟
التفت لها ببطيء قائلا بجدية
=انتِ عارفة مبحبش حد يسألني رايح فين وجاي منين .. انتِ عاوزة ايه بقي؟
=عاوزة أخلف يا طه، اشمعنا مريم؟
=مالنا ومالها دلوقتي مريم متجوزة بقالها ٧ سنين ف طبيعي تكون مخلفة، انا وانتِ لسه سنه وكله بمشيئة ربنا.
=لاء نروح نعمل عملية او نشوف دكتور مهو هخلف يعني هخلف واتنين مش واحد كمان ..
=ي الله خفي غيرة وحبي الخير لغيرك وسيبها على ربنا انا ماشي..
خرج من الغرفة بوجهة ممتعض، تزوجها فقط لانها أبنه عمه لا يحبها حاول تقبلها ولكن صعب، احياناً نُجبّر على اشياء لا نريدها لإسعاد الاخرين .. ولكن إياك تختار شريك حياتك الا بإرادتك الكاملة.
دلف الى سياراته ثم قادها الى شقة أخيه ياسين، هبط من السيارة امام سوبر ماركت اشتري بعض الاشياء الحلوي ثم صعد للعمارة حيثُ شقة مريم فتحت له بعيون متورمة دلف برفق ليجلسوا معاً قال بهدوء
=احم انتِ كويسة؟
=آه زعلانه بس على سفر ياسين.
=متخافيش هيرجع كالعادة ده واد بسبع أرواح.
ضحكت بخفة ليستكمل
=دي حلويات ل تالا هي لسه مصحيتش!
=بس يا طه ما صدقت انها نامت اصلًا.
ضحك بهدوء قائلا
=طيب جبتلك حلويات معاها على فكرا.
=بجد.. الله كان نفسي فيهم أوي.. ياسين مش بتردي يجيب ليا.
=ده ليه؟
=علشان ما أتخنش.
=مع إنك مش تخينة، إنتِ حِلُوة كده.
توردت وجنتيها خجلًا مطرئه برأسها ف نهض هو بحرج قائلًا
=همشي أنا بقي.
كادت ترُد لولا رن هاتفها ف أجابت قائلة
=ايوا مين .. آه انا .. ايه!!
صمتت لبعض الوقت تتجمد فيها يديها بل توقفت فيها حياتها بأكملها ليقع الهاتف ارضًا وتقع صريعة بين يدي طه الذي التقطها على الفور بصدمة .
_____
يُتبَّع.
رأيكم مهم علشان أكمل.♥️
https://www.facebook.com/profile.php?id=100074844124338
أكونت الفيس الشخصي هنزل عليه كُل حاجة.. أرجو المتابعة 🦋
أنت تقرأ
~مِرات أخويا~ "مُكِتملة".
General Fictionيتغير مسار حياتنا فجأة وينجرف نحو أشياء لا نُريدها إطلاقاً .. لتصبح هي من زوجه أخيه لزوجته في يوم وليلة . تمت بحمدالله في 2021/11/5. بقلم/سامية صابر.
