الفصل الثلاثون _ مرات أخُويا.
_____
اتسعت حدقتي عينيها بدهشه ولم تستطيع أن تتحدث، لكِنهُ مازال يتأملها ويتأمل ملامحها ورد فعلها، فقالت بحيرة
=إنتَ بتقُول إيهِ؟
=زي ما سمعتي، كلامي غريب صح...
=انا مش قادرة أصدق اللي بسمعهُ ده ، انا حاسة إني في حلم! ياسين احنا طول عمرنا أخوات و..
=انا كُنت فاكر إنك أُختي فعلًا.. لكن فيه شوية مشاعر ليكي في قلبي، ما تدُلش إننا إخوات .
=لاء يا ياسين غلط، انت مش بتحبني خالص مهما قولت ده مش حُب ولا عمره هيكون حُب، انت في فترة تلخبط مشاعر كبيرة وحيرة خناق مع أهلك، إنفصال عن مريم، وتشتت كبير ، وانا جنبك ف حسيت إنك اتعلقت بيا، لكنك مش بتحبني.
تنهد دون ان يتحدث ف تابعت قائله
=ياسين انا مش عاوزة اخسر صداقتي معاك ابدًا، انت شخص غالي عليّا أوي، بلاش نتسرع، إحنا مُتخبطين في مشاعرنا أوي حقيقي، ومش عارفة إيه الخطوة اللي ناخدها.. لازم نفكر الاول ونهدي، والاهم نتخلص من عبيء مشاعر قديمة .
=إنتِ لسه عاوزة خطيبك القديم ؟
=اللي مشي مالوش امان، مش هقولك محبتوش، لا حبيته وإتعلقت بيه، بس صعب أرجعله، وصعب أبقي معاك.
=رفضتي يعني...؟
=انا لازم أمشي علشان اتأخرت، ولازم ندي وقت لكُل واحد فينا يفكر بعقلانية الاول، ويتخلص من مشاعر قديمة، علشان يبدء مشاعر جديدة.
التفتت مُغادرة وهي تشعر بإضطراب ومشاعر كثيرة، ولكن ثمة شعور بالسعادة بداخِلها، بينما وقف ياسين يُفكر في ما حدث، وكلامها صحيح بالفعل، يجب أن يتخلص من عدة اشياء بداخله تمامًا، حتي يستطيع أن يبدء من جديد وألا يتسرع في شيءٍ .
_______
وقفت مريم في المساء أمام المرآة وفتحت كيسًا أسود ثم نظرت للنُقاب التي أشترته أمس ، وهي تبكي وترتعش بخوف قائله بصدقٍ
=يارب قويني، أنا قررت هلبسهُ بقي، قويني وثبتني علي القرار دة يارب...
بدأت تجربه مرارًا وتكرارًا حتي نجحت في ارتدائه، سفقت بيديها في سعادة غامرة، ثم توقفت وهي تتأمل نفسها قائله في دموع
=ياريت طه كان هنا، كان هيفرح ب النُقاب أوي، كان هيتبسط!
امسكت هاتفها في يدٍ مُرتعشة، ثم وبدون ما تشعر قامت بالإتصال عليهِ ف أجاب في لهفةٍ
=ألو...
لم تتحدث وبقت دموعها تسقط دون جدوي، فقال برجاء
=سمعيني صوتك بالله، صوتك وحشني أوي.. ردي عليا يا مريم، إتكلمي كفاية عذاب ليا ولقلبي، أرجوكي.
تنهد في يأسٍ ثُم قال بحُب
=يا مَنْ هواهُ أعزهُ وأذلني، أين السبيلُ إلي وِصالك دُلّني!
أنت تقرأ
~مِرات أخويا~ "مُكِتملة".
General Fictionيتغير مسار حياتنا فجأة وينجرف نحو أشياء لا نُريدها إطلاقاً .. لتصبح هي من زوجه أخيه لزوجته في يوم وليلة . تمت بحمدالله في 2021/11/5. بقلم/سامية صابر.
