نيران قلبه

البارت الخامس عشر

بعد مرور أسبوع.
في غرفة سليم ومليكة.
كانت تجلس مليكة في أحضان سليم على الفراش يشاهدون التلفاز.
فأردفت مليكة بقلق:سليم هو أنا خلاص هعمل العملية بعد بكرة.

قبل سليم وأسها بحنان ثم أردف بطمئانيه:أيوة ياحبيبتي، متقلقيش يامليكتي أديكي سمعتي كلام الدكتور وهو بيقولك إن كل حاجة كويسة.

أومأت مليكة برأسها ثم أردفت بتساؤل:قولي ياسليم جدي عمل إيه لما عرف إن عندي كانسر؟

هتف سليم بهدوء:أول ماعرف إتصدم وكان هيقع بس أنا مسكته بسرعة وطمنته وقولتله الكلام إلي الدكتور قاله، حتى هو مصدقنيش راح مِكلم الدكتور وفهمه.
فأومأت مليكة رأسها بقلق.
**************************
في مكان آخر.
مجهول1:خلاص كل حاجة جاهزة وهنبتدي بعد بكره.

أردف مجهول2بإبتسامة:أيوه كده هو ده الكلام إلي يفرح.
^^^^^^^^^^^^^^^^^^^^^^^^^^^^^^^^^
اليوم التالي.
في المساء.
كان يجلس الجميع معًا في غرفة المعيشة يتحدثون.
أردف الجد لسليم بقلق:كلمت الدكتور ياسليم أكدت معاه الميعاد.

فأردف سليم بهدوء مصطنع:أيوه ياجدي كل حاجة تمام متقلقش، وإن شاءالله مليكة هتقوم بالسلامه.
نظر سليم لمليكة وجدها تجلس بأحضان خالد، وخالد يحتضنها بشدة كأنه يخشى أن تضيع منه.

فأردف يزيد بمرح:وحدوه.

الجميع:لا إله إلا الله.

أردف يزيد بمرح:إيه ياجماعة الجو الكئيب ده، البت داخلة العمليات المفروض تبقا مفرفشة مينفعش كده والله.

هتفت مليكة بمرح:قولهم يايزيد قولهم، وقول لخالد الي ماسكني زي اكنه ماسك حرامي غسيل مش حضن ده ياحبيبي والله.

أردف خالد بهدوء:أنا كده مستريح ملكيش دعوه إنتي.

صاح فارس بمرح:بسسس خلاص أنا لقيتها.

أردف يزيد بمرح:قول يا ابو الفوارس، عايزكوا بقا تسمعوا الأفكار بتاعت أبو الفوارس محدش في الدنيا ديه كلها بيعرف يفكر زيه.

هتفت سجى بمرح:مش عارفة ليه حاسيتك الأم إلي بتقعد تشكر في بنتها وهيا في الأخر مبتعرفش تعمل حاجة.

أردف فارس بسخرية:نينيني، اضحكوها ياجماعة اضحكوله.

صاحت سجى بغيظ:ولااا هقوملك.

أردف فارس بخوف مصطنع:لأ خلاص يارجوله قلبك أبيض.

هتف سليم بعدم تصديق:هو مين الي المفروض يقوم لمين هو مين الراجل فيكوا؟

أردف يزيد بفخر:ما أنتَ متعرفش إيد سجى عامله إزاي ولا إيد الشحات مبروك والله، ثم تابع بمرح:المهم أقولك بقا نكته يابت يامليكة.

هتفت مليكة سريعًا:لأ الله يخليك إنتَ كدة مش هتفرفشني إنتَ هتجلطني.

صاح فارس بحده مصطنعة:مليكة مسمحلكيش تقولي على زوز حبيب قلبي كدة، قولي أنا يازوز متضايقش نفسك ياحبيبي بس قولهالي في ودني خليهم يتغاظوا لما يسمعوا صوت ضحكتي.