-Unicode-
နာဖျားချင်လာတဲ့စိတ်ကလေးက ခဗျားဆိုတဲ့ဝပ်ကျင်းလေးကို ရှာသတဲ့။
ရနံ့မပါတဲ့ပန်းတွေ ဘာအတွက်ဝေပါသလဲ။
ကျွန်တော်ကတော့ ခဗျားကိုပဲ အလိုရှိပါတယ်။
ဒီလိုပါပဲ တစ်ယောက်တည်းလို့ ထင်လာတဲ့အခါ
အံ့အားသင့်စွာ တစ်ကယ်လည်း တစ်ယောက်တည်းပါပဲ။
ခဗျားဆီမှာ တိမ်တွေပြိုသလား။
ဒီကောင်ကတော့ စိတ်မှန်းနဲ့ ငိုတယ်။
ဝပ်ကျင်းလေးက ဝေးတယ်။
နာဖျားချင်တဲ့စိတ်ကလေး ဒဏ်ရာမရအောင်
နှာခေါင်းစည်းလေးတပ်မယ်။
လူများတဲ့နေရာရှောင်မယ်။
ပြီးတော့ ...
ခဗျားကိုလည်း ရှောင်မယ်။
➿➿➿➿➿➿➿➿➿➿➿➿➿
နားမလည်မှုများစွာနဲ့ ကျန်ရစ်ခဲ့တဲ့ Felix ကတော့ စိတ်ထင်ရာလျောက်လုပ်ပစ်သည်။ ထိုးဖွမယ့်သူမရှိတော့တဲ့ ရွှေအိုရောင်ဆံပင်တွေကို အတိုညှပ်ပြီး ခပ်ညိုညိုအရောင်တွေပြောင်းခဲ့သည်။ Studio မှာ သူ့အငွေ့အသက်တွေလွှမ်းနေတဲ့ Decoration ကို အစအဆုံး အသစ်ပြန်ပြင်ခဲ့သည်။ သွားနေကျဖြတ်လမ်းလေးကို အသုံးမပြုတော့သလို ရောက်နေကျ ကျောင်းရှေ့ကိုလည်း ခြေဦးတောင် မသမ်းတော့ပေ။ သူကြိုက်တဲ့ Iced Americano အစ သူသုံးနေကျ ရေမွှေးအဆုံး အကုန်မေ့ပစ်ချင်သည်။
ဒါပေမယ့် မနာကျဉ်းတတ်တဲ့စိတ်တို့ကြောင့် ခုလည်း ထိုင်နေကျကော်ဖီဆိုင်လေးရဲ့ချောင်ကျကျနေရာလေးမှာ Iced Americano နှစ်ခွက်နဲ့ တစ်ယောက်တည်း ဆွေးဆွေးမြေ့မြေ့လေးထိုင်နေမိပြန်သည်။ Iced Americano ကတော့ နွေနွေ ဆောင်းဆောင်း ခါးသက်မြဲ ခါးသက်ဆဲ။
***မနာကျဉ်းတာတော့ ဘယ်ဟုတ်ပါ့မလဲ မင်းဖြစ်နေလို့ နာကျင်တာတောင် မေ့မပစ်ချင်တော့တာ။ သတိရတောင် အဆင်ပြေနေချင်တော့တာ။ မင်းနဲ့မှ ငါလည်း ရူးခါနေပါပြီ Sam ရယ်***
➿➿➿➿➿➿➿➿➿➿➿➿➿
အရင်ကမှုံကုပ်ကုပ်နေနေကျပေမယ့် မျက်ဝန်းအရည်လေးတွေ တောက်ပနေသလောက် Hyunjin ထွက်သွားပြီး နောက်ပိုင်း အပြုံးအရယ်က နည်းသည်ထက်နည်းလာတာမို့ Felix မေမေ စိတ်ပူသည်။ ခုလည်း အပြင်က ပြန်လာတာ အားမရှိတဲ့ပုံနဲ့။
"သားငယ် Lix မေမေတို့ စကားပြောဖို့ လိုပြီထင်တယ် သားရော ပြောချင်စိတ်ရှိလား သောက်ရင်းပြောကြမလား သားစိတ်ပါရင် Mommy ပြင်ထားလိုက်မယ် အဝတ်အစားလဲပြီး ဆင်းလာခဲ့"
