-Unicode-
မင်းနဲ့အတူ
ပုံဖော်ချင်တဲ့ ခေါက်ရိုးအသစ်ကလေးက ခုဆို လှချင်တိုင်းလှနေတော့တာ။
➿➿➿➿➿➿➿➿➿➿➿➿➿
Hokkaido ရဲ့ ခပ်ကြမ်းကြမ်းဆောင်းရာသီနဲ့မလိုက်ဖက်စွာ ပျော်ရွှင်မြူးတူးနေတဲ့ ကြက်ပေါက်လေးက Sayonara Hot Spring မှာ မြောက်ကြွ မြောက်ကြွဖြစ်နေသည်။ အကြောင်းအရင်းကတော့ Hyunjin နဲ့အတူ ရေပူစမ်းအရသာကို အတူခံစားကြမှာမို့ပင်။ ညက ခြေထောက်စိမ်ပြီးကတည်းက တက်ကြွတဲ့ကြက်ဖလေးဖြစ်နေတာ။ Hot Spring ကို လာပေမယ့် ရေပူစမ်းစိမ်ဖို့ စိတ်ကူးမရှိခဲ့။ သူစိတ်ကူးမိသမျှက Hyunjin ရဲ့ ပါးပါးရေးရေးလေးပေါ်လာတတ်တဲ့ ပါးချိုင့်လေးထဲမှာ တစ်သက်တာ စိမ်ဝင်ပစ်လိုက်ချင်တယ်ဆိုတာမျိုး။
Hyunjin ကလည်း ဒီလိုနေရာကျ သိပ်ဝိရီယကောင်း။ ကောင်လေးအခန်းရှေ့ အစောကြီးရောက်နေသောပါပဲ။
"Lix!!! ကိုယ့်ကို တံခါးဖွင့်ပေးပါဦး"
"လာပြီ ခဏ!"
ချစ်သူကောင်လေးရှေ့မှာတော့ အချောဆုံး အသန့်ဆုံး သောက်ချောကြီးဖြစ်ချင်တာမို့ မှန့်ရှေ့မှာ အလုပ်ရှုပ်နေပြန်သည်။ တံခါးဖွင့်ဖို့အရေး ရေမွှေးဖျန်းနေတာက တစ်ပုလင်းလုံးလည်း ကုန်တော့မည်။ အနွေးထည်တွေ သယ်လာသမျှက အနက်ရောင်တွေချည်းမို့ သူ့ရှေ့ အရောင်မထွက်မှာကိုလည်း တွေးပူရပြန်သည်။
"Lix!!!"
"လာပြီဆို!!!"
"Lix!!! မွှန်ထူနေတာပဲကွာ ဘာတွေလဲ"
"မင်းက ခု ငြိုငြင်တာလား"
"ငြိုငြင်တာမဟုတ်ဖူးလေ ကိုယ်တော်လေးရယ် Joe Malone လို အနံ့မျိုးကိုတောင် မွှန်ထူနေအောင် စွတ်ထားတာကိုး ဘာလဲ ဒီကိုကို့ကို မြူစွယ်မလို့လား ဟင် Lix!!!"
ညုတုတုတွေပြော ညုတုတုတွေကြည့်နေတဲ့ Hyunjin ကြောင့် အသည်းတယားယား အံတကြိတ်ကြိတ်။
"Jin ငါ မဆဲချင်ဖူးနော်"
"ကိုယ်ကလည်း အဆဲမခံချင်ပါဖူး သဲသဲမဲမဲပဲ အချစ်ခံချင်တာ ပြွတ်"
ပြောလည်းပြော သွက်လည်းသွက်တဲ့ Hyunjin ရယ်ပါ။ အေးစက်စက် ပါးပြင်လေးပေါ် ရုတ်တရက်ကျရောက်လာတဲ့အနမ်းတစ်ပွင့်ကို Felix မရှောင်နိုင်ခဲ့။ အအေးဒဏ်ကြောင့် ရဲနေတဲ့ ပါးလေးက ပိုတိုးလို့သာရဲလာပြီး မျက်စံညိုညိုလေးတွေကလည်း ဂဏာမငြိမ် လှုပ်ရှားလျက်။
