-Unicode-
ငါတို့တွေ Parallel Universe မှာသာ
ထပ်ဆုံဖြစ်ခဲ့ရင်
မင်းက စလို့မှတ်မိနေပေးမလား။
မှတ်မိရုံပဲ မှတ်မိနေပေးပါ။
ချစ်တယ်လို့ ငါကပြောမှာမို့။
➿➿➿➿➿➿➿➿➿➿➿➿➿
နောက်တစ်ယောက်ဆိုတာမျိုးမရှိခဲ့ဖူးတဲ့ Hyunjin ရဲ့ကမ္ဘာလေးထဲမှာ ကာကွယ်ပေးချင်တဲ့ ကြယ်ငယ်လေးက သူ့ရဲ့ဝန်းကျင် ၃၆၀ ဒီဂရီတွင် ရှိနေသည်။ Hyunjin တည်မယ့် စကြာဝဠာ ဘဒ္ဒကမ္ဘာတစ်ခုလုံးက ဒီကြယ်ငယ်လေးကို ဗဟိုပြုပြီး လည်ပတ်နေသည့်အလား။ သူ့အနားရောက်သွားတိုင်း သူက ကိုယ့်အနားရောက်လာတိုင်း အမည်မသိရတဲ့ဆွဲငင်မှုတစ်ခုခုက အရှိန်ပြင်းလွန်းတာမို့ ကိုယ့်ကိုယ်ကို ထိန်းရတာလည်း မောလှပါသည်။ Hyunjin အပေါ်ကိုမှ ကွက်ပြီး စွဲအားသက်ရောက်တဲ့ Freckle Theory မို့ သူကတော့ အဆုံးစွန်ထိ Theory ကို လေ့လာသွားဖို့ရာသာရှိတော့သည်။
➿➿➿➿➿➿➿➿➿➿➿➿➿
အိမ်မှာ အေးအေးဆေးဆေး ညနေစာအတူစားရတော့လည်း ကိုရီးယားမှာ အတူရှိနေခဲ့တဲ့အချိန်တွေကို သတိရမိသည်။
"အိမ်ပြန်ချိန်တွေ အတူလျှောက်လည်၊ နေဝင်ချိန်ဆို အတူရှိမယ်" တဲ့။
ပြန်တွေးလိုက်တော့လည်း အဲ့လိုပါလား။ မူလတန်း၊ အလယ်တန်း၊ အထက်တန်း ကနေ တက္ကသိုလ်ထိ ကျောင်းသွား/ကျောင်းပြန် အတူရှိခဲ့ကြသလို ကျောင်းပြီးသွားတော့လည်း Hyunjin ရဲ့ မူကြိုကျောင်းရှေ့ထိ ရောက်လာတတ်ပြီး အတူရှိမြဲရှိခဲ့ကြသည်။ နေဝင်ချိန်ကို အတူမကြည့်ဖူးပေမယ့် နေဝင်ချိန်တိုင်းအတူရှိနေခဲ့ကြပြီး နေဝင်သွားပြီးနောက် အနောက်ရပ်မှာ အစောဆုံးထွက်ပေါ်လာတဲ့ သောကြာကြယ်လေးကိုတော့ အတူတူကြည့်ဖူးကြသည်။ နှစ်ယောက်လုံးက ကြယ်တွေကို သဘောကျတဲ့သူမို့ ဒီသောကြာကြယ်အပေါ်ထားတဲ့အချစ်တွေကလည်း တူညီခဲ့ကြသည်။ တစ်ခါတစ်လေကျ သောကြာကြယ်ကို သူ့အပိုင် ငါ့အပိုင် လုရင်း ပျော်ဖူးခဲ့သည်။
➿➿➿➿➿➿➿➿➿➿➿➿➿
"Lix အန်တီလေးလက်ရာ စားကောင်းတယ်မလား"
