روايـة: شخـوص داخلـة
بقـلمي أنـا: نمـارق رحـيم
" إِنَّ رَبٌـي رَحيمّ وَدود".
تصويت قبل القراءة🔴.
_______
خلال هذه اليومين ما طلعت من الشقة أبدًا ودانيـال شـدد علئ أبو الشقة يدير بالهُ واقفل الباب كُلش زين
فعلاً بعد يومين خابرني دانـيال حتئ نسافر عزلت الشقة وأخذت جنطتي و لزمت يد كارديـنيا وطلعنه . . الفجر
-"مطـار أربيـل"-
انتظرنـة ساعتين بالمطار وهو بس يوصي بيه ديري بالچ علئ نفسچ و علئ أختچ وأني مُبتسمة بوجهه و اهز راسي "أي"
دانيـال:- گلبي ما يقبل اخليچ تسافرين لوحدچ أنتِ و كاردينيا أخاف عليكم لا يصير شيء وأنا مو يمكم!
رديت بأطمئنان:"صحيح أول مرة رح اسافر لدولة وحدي بس أني گدها رح أكون سند لنفسي ولأختي وما أسمح يصيبها آي مكروه لأن كاردينيا عيوني الأثنين لا تخاف من هذه الناحية
- أعرف بيچ ذكية وَ قوية وما تخافين من أي أحد و تگدرين تسيطرين علئ موقف صعب إذا حصل وياچ بس شلون يقتنع گلبي يخليچ تسافرين و أنا مو وياچ ؟
ضحكت بخفه:" يقتنع غصب إن شاء الـرب
أبتسَم:" رح أدعي بكُل صلواتي الرب يكون وياكم ويحفظكم وما يصير شيء سيء
- آميـن
- ما أدري يمته رح اشوفكم بعد هذا اليوم ؟
- إن شاء الرب ما يبعد هذا اليوم بس استقر ونخطط شنو نسوي تالي نفكر لو أنا ارجع للعراق ولو هذا الشيء مُستحيل يصير لو أنت تجي يمنه
تنهـد: "الـرب كريم التفكير بهذا الموضوع يأذي
- أي صحَ
رفع حاجبة وگـال:" عندچ شيء تحچينهُ ؟
أبتسمت:"كلمة "شكرًا" قليلة بحقكك دانـيال
- يا بعد عيوني أنتِ، أنا حياتي ترخص الچ
- ونعَم الصديق و أفضلهم
•سمعت الموضف گـال رح تقلع الطيارة•
دانيـال: - ديري بالچ ومن توصلين مباشرةً خابريني أشتري خط جديد و أي شيء يصير گولي إلية أول بأول
أبتسمَت:" تمام اتفقنا
كاردينيـا:- رح أشتاق الك دانيـالو
كرص خدها بأبتسامة:- أنا أكثر يلا روحو الرب وياكم . .
مشت كاردينيا و أني التفتت علية شفته لازم راسه ويمسح بعيونه بتعب ركزت بعيونه شفته بچه!
ما سيطرت علئ نفسي من شفت دموعهُ همست لكاردينيا:" أخذي الجنطة و انتظريني دقايق
هزت براسها "أي"
أنت تقرأ
شخوص داخلة
Actionفتاةٌ مسيحيةٌ، تشهدُ عَلَى عِدّة جَرائِم، فَتكبر ثلاثُ عقود فِيْ ليلةٍ مشؤمةٍ، ثُمَّ تفر هاربة إلى تُركيا، لَا تعرف شيءً عن القاتل المَجهول سِوى الحرف -F- الَّذي يَخطهُ بالدمِ، يا تُرى مَن هوَ؟ وماذا يُريد؟ ألغازٌ مُحيَّرةٌ عِنوانُهَا -حُبّ أم إنتق...
