احببتك بعد عذاب..بقلم رانياالعزوني....الاجزاء الثلاثة

الحلقه الحادية عشر

الحلقه الحادية عشر

في مكتب عزيز

نهض من علي مكتبه ومازالت الصدمه مستمره علي وجهه...اقترب منها بسرعه وامسكها من ذراعها بقوه.............

عزيز بغضب شديد:انتي ايه اللي جابك هنا
الفتاة بتردد:اناأأأ..أأ
عزيز بحده وصوت عالي:انتي ايه...احنا مش خلصنا من سنين ولا ايه
الفتاة:لا مخلصناش...لانك ابل متطلقني..سيبت معايا حاجه مهمه اوي ما اخدتهاش
عزيز متسائل:حاجة ايه دي؟
الفتاة:جزء منك ومني
عزيز محاولا تكذيب ما سمع:مش فاهم
الفتاة:انا كنت حامل يا عزيز..ومعرفتش غير بعد مطلقتني بكام يوم
عزيز بصدمه:نعم..انتي اكيد كذابه
الفتاة:لا يا عزيز مش كذابه..انا كنت فعلا حامل...ووقتها انت رجعت مصر وانا محاولتش اوصلك وقولت اني هعيش لنفسي وابني وبس
عزيز:يعني انتي جايه دلوقتي بعد ست سنين تقوليلي اني عاندي ابن وحضرتك مقولتليش وقتها..طب ليه راجعه دلوقتي تقوليلي
الفتاة بحزن:انا مريضه يا عزيز..ومعادش ليا في الدنيا كتير..ومش عايز ابني يتعذب من بعدي..هو ملوش حد غيري

ارخي عزيز يده عن ذراعيها وتنهد بعمق محاولا التحكم في اعصابه..دعا عزيز الفتاة للجلوس وجلس معها......

عزيز:وانا ايه اللي يضمنلي انك مش بتضحكي عليا
الفتاة نافيه بشده والدموع تتساقط من عيونها:ابدا والله مش بضحك عليك...انا معايا كل الاوراق وشهادة الميلاد اللي تاكدلك كل كلامي

امسك عزيز بمنديل من علي الطاوله واعطاه لها لكي تجفف دموعها...في هذه الاثناء دلفت شهرت الي المكتب وجدت عزيز قريب بطريقه ملفته من تلك الفتاه فانصدمت بشده وانصدم عزيز من دخولها

ظهر الحزن علي وجهه شهرت وتجمعت الدموع في عيونها وتركت المكتب راكضا فركض عزيز خلفها محاولا ايقافها بعد ان اخبر الفتاه ان تنتظره حتي يعود

وصل عزيز لشهرت وجدها كانت علي وشك ركوب سيرتها فامسك بها قبل ان تركب وسحبها معه تحت مقاومته الي كافيتريا الشركه واجلسها علي احد المقاعد.........

عزيز بعد ان جلس:شهر والله انتي فاهمه غلط
شهرت بسخريه:فعلا..فاهمه غلط جدا
عزيز:طب اسمعيني الاول وبعدين ابقي احكمي
شهرت بعند:مش عايزه اسمع حاجه
عزيز برجاء:عشان خاطري اسمعيني..لاني محتاج مساعدتك فعلا
شهرت متسائله:مساعدتي في ايه
عزيز:البنت دي انا عرفتها من ست سنين في كندا كانت بنت مصريه بس بقالها عشر سنين عايشه هناك لوحدها..في السنه اللي ابل معرفك فيها...اتقابلنا هناك ونشات بينا علاقة صداقه وبقينا نتقابل علاطول كل يوم تقريبا...وفي يوم كانت عامله حفلة عيد ميلادها وروحت ليها ومعايا هديه ليها...واستمرت الحفله لساعات طويله كنا بنشرب ونرقص بما انها حفله...ومش عارفه ازاي بس صحيت تاني يوم علي السرير وهي كانت نايمه جمبي في وضع مش حلو...طبعا انا اتصدمت وهي كمان لما فاقت انهارت تماما..حاولت اهديها عشان نشوف حل..ووقتها مكانش في غير حل واحد..اننا نتجوز وشهر وننفصل تاني...وفعلا اتجوزنا وبعد شهر انفصلنا واتفقنا اننا ننسا بعض خالص...ورجعت مصر وعرفت بابا وماما باللي حصل وقتها بابا طبعا اضايق جدا من اللي حصل بس رجع ووافقني علي اللي عملته...ومن وقتها والله مشوفتها غير دلوقتي
شهرت بصدمه من كم الحقائق هذه:وانت ليه مقولتليش انك كنت متجوز
عزيز:لان هي مكانتش تعتبر جوازه..دا كان مجرد تصليح غلط
شهرت متسائله:بس...ايه اللي رجعها بعد السنين دي؟
عزيز:مهو ده اللي اتصدمت لما عرفته
شهرت:اللي هو ايه
عزيز:جايه بتقول انها لما طلقتها اكتشفت انها حامل وقالت انها مش هتقولي وعاشت لنفسها وابنها وبس...بس هي دلوقتي مريضه ومبقاش قودامها كتير في الدنيا..ومش عايز ابنها يتعذب بعدها
شهرت بشفقه:لا حول ولا قوة الا بالله...طب وانت هتعمل ايه
عزيز بحيره:مش عارف
شهرت:هو ايه اللي مش عارف...تروح تجيب ابنك طبعا يتربي في حضنك..معقول هتسيبه
عزيز بغير تصديق:معقول انتي موافقه يا شهرت
شهرت:دا ابنك يا عزيز..لازم يتربي معاك...وتأكد اني هعامله كانه ابني واكتر...مين عالم...ممكن يكون عوض ربنا لينا..ولي انا تحديدا لاني اتحرمت من النعمه دي
عزيز بذهول:مش مصدق...انتي بجد ملاك يا شهرت