احببتك بعد عذاب..بقلم رانياالعزوني....الاجزاء الثلاثة

الحلقه العشرون

الحلقه العشرون

في شركة ادهم

كان ادهم جالس لكي يستمع الي حديث اسر والذي كان مفاجئ له فأ.....................

ادهم بابتسامه:ومين هي بقا
اسر:اسمها سيدرا
ادهم:مممم..اسمها جميل..وعرفتها اذاي
اسر بحزن طغي علي حديثه:صاحبة ملاك الله يرحمها..وانت عارف يا بابا..ان انا وملاك..مكناش بنسيب بعض خالص
ادهم:طيب يا اسر..انت اكيد عايز تخطبها
اسر:لا..انا عايز اتجوزها علطول
ادهم:ماشي..بس في اسباب كتير تمنع ده..اولا انت لسه مشتغلتش عشان تشيل مسئوليه..مش هتكلم علي انك تأسس بيت ليك..لان انت شقتك موجوده في الفيلا..بس لازم تشتغل..عشان..علي الاقل يبقا ليك دخل..وانت عارف ان احب ما علي قلبي..انك تيجي تشتغل معايا..انا عارف انك ميال اكتر لهوايتك في الرمايه..وحابب تفضل تمارسها..بس لازم يكون ليك شغل ثابت جامب موهبتك دي..لان النهارده ليها مستقبل..ممكن بكرا ميكونش ليها مستقبل
اسر:منا يا بابا قولت لحضرتك..اني هشتغل معاك من دلوقتي لوحبيت
ادهم:ماشي..وانت عارف ان معداش علي وفأة ملاك بنت خالتك..شهر حتي..مينفعش نعمل خطوبه دلوقتي
اسر:يا بابا..انا مش بقول اننا نعمل دلوقتت..انا بقول.....

خالد مقاطعا من خلفهم:وليه لا

التفتت الاثنين وجدوا خالد يقف امام مكتب ادهم وعلي وجهه ابتسامه يحاول جعلها لا تبدو حزينه...نهض ادهم بسرعه من علي الاريكه مقتربا من خالد محتضا اياه فبادله خالد الاحتضان بهدوء...بعد عدة ثواني ابتعد ادهم عن خالد ونظر له و..................

ادهم بابتسامه:ايوه كدا..ارجع شغلك تاني يا خالد..صدقني هو ده انسب حل..عامل ايه
خالد بنبره هادئه:الحمد لله
ادهم:وريناد عامله ايه
خالد:اهي النهارده اهي..راحت المستشفي...بتحاول تبان كويسه
ادهم:معلش يا خالد..الامر كان صعب عليكم وعلينا كلنا والله..ربنا عالم..ملاك كانت عاندنا كلنا ايه
خالد:حكمة ربنا...المهم

التفت الي اسر الذي نهض بدوره مقتربا من خالد مسلما عليه و.......................

خالد:اذيك يا اسر..عامل ايه
اسر:الحمد لله يا عمو..اذي حضرتك
خالد:الحمد لله...سمعت بالصدفه انك كبرت خلاص وعاوز تتجوز
اسر:ايوه يا عمي..بس مش دلوقتي طبعا
خالد:وليه مش دلوقتي
اسر:اذاي يا عمي عايزني اتجوز دلوقتي وافرح..وملاك لسه حتي معداش شهر علي وفأتها..دي اختي يا عمي
خالد:اعتقد يا اسر..لو كانت ملاك لسه عايشه..كانت اول واحده هتشجعك علي الفكره دي
اسر:بس يا عمي....
خالد مقاطعا:مبسش...انت ابدا في تجهيز شقتك..ويا سيدي انا بنفسي اللي هعمل ديكورات الشقه
اسر:شكرا يا عمي
خالد موجها حديثه لادهم:ها يا ادهم..ايه رايك..وعلي فكره..سيدرا بنت حلال
ادهم:وانا هقول ايه يا خالد..يخلص تجهيز شقته..واحنا نروح نخطبها
اسر:لا يا بابا..اما افاتحه في الموضوع الاول
ادهم:ماشي