احببتك بعد عذاب..بقلم رانياالعزوني....الاجزاء الثلاثة

الحلقه الرابعة عشر

الحلقه الرابعة عشر

في مكتب عاصم

عاصم:ايه رايك فيه..هل هو شاب حلو ومناسب
ليان:مناسب لايه بالظبط
عاصم:ليكي طبعا
ليان بصدمه:نعم
عاصم:ها..ايه رايك في الطلب ده
ليان بتعلثم:بس.أأ..الامور دي..مش بتتاخد كدا..وبعدين انا سمعت ان ابن حضرتك مش عاوز يتجوز
عاصم:عارف انها مش بتتاخد كدا..وعارف ان ابني مش عاوز يتجوز..بس ملكيش انتي دعوه..وافقي انتي بس..وبعدين حسام الصياد والدك..من اعز اصدقائي..ومش هيمانع فكرة الارتباط

اخذت ليان تفكر لدقائق في عرض عاصم لها بالزواج للحظه فكرت في الرفض فشخصيه مثل ياسين ليست مؤهله للشعور بالامان معه فهو انسان وضيع ومستغل لابعد الحدود فكيف ستشعر بالامان معه ولكن بعد عدة لحظات وجدت انها افضل الطرق لرد له القلم الذي كان سوف يضعه علي وجهها وجعله يتجه لوجهه هو بدل من وجهها..رفعت ليان نظرتها لعاصم و.................

ليان:انا موافقه يا عمي
عاصم بابتسامه:علي خيرة الله..هكلم حسام ونتفق علي كل حاجه
ليان:ماشي يا عمي..وانا همهدلهم الحكايه في البيت

بعد ان انهت ليان حديثها مع عاصم خرجت من الشركه متوجه الي شركة والدها لكي تعرض عليه الامر...ووصلت ليان الي شركة حسام ، توجهت الي مكتبه ، سالت السكرتيره علي ان كان والدها بالداخل فاجابة بنعم هو في الداخل...دلفت ليان لمكتب والده و....................

ليان بابتسامه:ممكن اخد من وقتك دقيقه يا حسام بيه

رفع حسام نظره من علي الورق حتي يعرف هوية المتكلم ، وجد ابنته ليان هي من تقف امامه فابتسم بحنان ابوي ونهض من علي المقعد حتي يرحب بها و...........................

حسام بابتسامه:خدي وقتي كله يا حبيبتي..تعالي اقعدي

جلس حسام وليان علي الاريكه وليان تحاول ان تجد مقدمه لكي تبدا بها حديثها و.....................

حسام:واضح ان الزياره السعيده دي..وراها حاجه
ليان:ايه يا بابا..وحشتني وجيت عشان اشوفك..لاني في ايام بتعدي ومش بشوفك فيها غير صدفه
حسام بضيق..فهو لا يحب الحديث عن هذا الشئ:ليان..منتي شايفه انا مشغول اد ايه.وبعدين المفروض تراعو اني بشتغل علشانكم
ليان باستسلام فهي تعرف ان الحديث لن يجدي نفعا مع والدها في هذا الموضوع:طيب..فعلا انا كنت عايزاك في موضوع
حسام متسائل:موضوع ايه
ليان:في عريس عايز يتقدملي
حسام بدهشه:يتقدم لمين
ليان:ليا يا بابا..اومال هيكون لمين
حسام:ومين بقا سعيد الحظ اللي لفت انتباه ليان الصياد
ليان:ياسين عاصم
حسام:ياسين عاصم..اوعي يكون قصدك عاصم صاحب شركة الامل
ليان:ايوه
حسام:وانتي ايه رايك
ليان:انا بالنسبه ليا..عادي..انا كدا كدا هتجوز..وبصراحه ياسين شاب مناسب..فكريا وذهنيا..اعتقد ان جوازنا ممكن يبقا ناجح