الحلقه الثامنه
في فيلة خالد
في صباح يوم جديد حيث اليوم اجازه من المشفي استيقظت ملاك من نومها في الصباح فقد اتفقت هي وسيدرا علي الذهاب اليوم للنادي....نهضت من علي الفراش متوجه للمرحاض وبعد مرور بعض الدقائق خرجت من المرحاض وهي تجفف وجهها من الماء وبعد ان انتهت القت المنشفه جانبا وذهبت لكي ترتدي ملابسها....ارتدت ملاك ذي رياضي من اللون الوردي الغامق مكون من بادي ابيض ذو حمالات رفيعه عليه كتابات باللون الوردي واسفه بنطال يصل الي بعد الركبه بقليل(برمودا) مجسم علي قدميها وارتدت فوق البادي جاكيت من اللون الوردي الغامق واخذت هاتفها المحمول ونظارتها الشمسيه وخرجت من الفيلا وركبت سيارتها متوجه الي فيلة صديقتها سيدرا وعندما وصلت ترجلت من سيارتها متوجه ناحية باب الفيلا وقرعة جرس الباب ففتحت لها الخادمه و.........................
ملاك:سيدرا موجوده
الخادمه:ايوه يا فندم..هي جوه بتفطر...اتفضلي
ملاك:شكرا
دلفت ملاك للداخل فوجدت سيدرا تجلس علي طاولة الطعام هي ووالدها وعنندما راها والد سيدرا ابتسم و.........................
ملاك بابتسامه لطيفه:صباح الخير
سعيد بابتسامه:صباح النور
سيدرا:انتي جيتي يا ملاك
سعيد:مش تعرفيني يا سيدرا
سيدرا مشيرا الي ملاك:دي ملاك صحبتي يا بابا..اللي كنا اتعرفنا علي بعض علي النت
سعيد:ايوه..عرفتها..اذيك يا بنتي..عامله ايه
ملاك:الحمد لله يا انكل
سعيد:اتفضلي اقعدي
ملاك وهي تجلس علي احدي المقاعد:شكرا
ثم نظرت الي سيدرا مجددا و............................
ملاك:يلا يا سيدرا..ولا استناكي اما تخلصي فطار
سعيد:متقعدي تفطري معانا
ملاك:شكرا يا عمي..انا اصلي النهارده وعدت ابن خالتي نفطر سوا في النادي
سيدرا متسائله:ابن خالتك مين
ملاك بمزاح:بتاع بس يا بابا
سيدرا:ايه ده..هو الواد الملزق ده
سعيد معاتبا:سيدرا..عيب كدا
ملاك مازحا:عيب ايه بس يا عمي..اومال لو شوفت اللي عملتوا فيه..كنت قولت ايه
سعيد مازحا مثلها:هي وصلتلوا كمان..دا مفيش شاب بتقابله ما بسلمش منها ابدا
ملاك:معاك حق يا عمي
سيدرا بغيظ:كدا يا بابا..يعني انا غلطانه..عشان مبحبش شاب يكلمني
سعيد بحنان ابوي:لا يا حبيبتي مش غلطانه..بس مش كل حد يقابلك..لازم تبعتري كرامته كدا
سيدرا:خلاص بقا يا بابا..انا مبحبش اي شاب يكلمني وخلاص
ملاك:خلاص يا عمي..انت عارف..مش هنسلم منها
سعيد:معاكي حق...مقولتليش انتي من عيلة مين
ملاك:انا ملاك خالد الحداد
سعيد متفاجئه:ايه ده..انتي من عيلة الحداد..صاحبة اكبر شركات في عالم السياحه
ملاك:ايوه يا عمي
سيدرا وهي تنهض من علي المقعد:يلا يا ملاك..انا خلصت
ملاك وهي تنهض هي الاخري:يلا
سيدرا موجها حديثها لوالدها:مع السلامه يا بابا
سعيد:مع السلامه يا بنات
أنت تقرأ
احببتك بعد عذاب..بقلم رانياالعزوني....الاجزاء الثلاثة
Romansaحينما يأتي الحب بعد كبرياء... حينما يأتي الحب بعد لعبة القط والفأر... حينما يأتي الحب بعد اجبار علي الزواج من اجل شخص عزيز... هكذا يأتي الحب بعد عذاب...................... جميع الحقوق محفوظه للكاتبه ....... رانيا العزوني........
