احببتك بعد عذاب..بقلم رانياالعزوني....الاجزاء الثلاثة

الحلقه الخامسه والاربعون

الحلقه الخامسه والاربعون من (المغرور والمتمرده)

اخرج خالد هاتفه وسلطه عليهم حتي يستطيع تسجيل ما يدور..................

بينما هاشم كان يتحدث مع اسيل وبعدها نهض من مكانه واتجه باتجاه ادهم وركله ركله بقدمه في معدته فتألم كثيرا فصرخت به اسيل و.................

اسيل بصراخ وترجي:هاشم..ارجوك سيبه
هاشم بسخريه:تؤتؤتؤ..انتي لحقتي تحبيه في الكام يوم دول

صمتت اسيل فلم تعرف بماذا تجيبه ولاكن كان قلبها يتمزق خوفا علي ادهم اللذي بدأ ينزف من فمه بينما امسك ادهم مسدس ونظر لاسيل و......................

اسيل ببكاء:انت ليه بتعمل فينا كده انا عملتلك ايه
هاشم وهو يشاور بالمسدس علي اسيل:بصراحه يا اسيل انا عمري مفكرت فيكي..انا اول مفكرت فكرت في ريناد اما كانت في الجامعه حاولت اصاحبها بس مرضيتش وطلعت عيني عشان كده اطريت اني اخطبها كنت بس عاوز اني اقدر اخرج معاها واول مصحتلي الفرصه خرجت معاها وعملت نفسي عيان وهي ذي الهبله صدقت وخلتها توصلني لبيتي وثقتها وحبها ليا وصلتني علي البيت لاكن اول موصلت حاولت اني اخد منها اللي انا عاوزه بس هي قدرت تنفد مني وجه الاستاذ وليد ودي كانت اول مره يحميها مني فقلت خليني ساكت شويه لغاية ما الموضوع يهداء بس بعد كده دخلتي انتي الجامعه وشوفت اذاي ريناد بتحبك وبتخاف عليكي حاولت العب عليكي انتي كمان عشان اصحبك وانتقم منها فيكي لاكن هي ديما كانت بتحميكي وبتبعدك عني وفي اليوم اللي ضربتيني فيه في الجامعه حلفت اني لازم انتقم عشان كده رتبت الهجوم الاولاني وفعلا خطط لخطفكم انتم وبنت عمكم مع بعض وقولت هضرب عصفورين بحجر واحد وبدل اخت واحده هيبقا الاختين الحلوين مع بعض ومعاهم بنت عمهم كمان وختكم بعيد وفجأه ظهر الاستاذ ادهم وقدر انوا يخلصكم من تحت ايدي وكمان كان السبب في اني كان ممكن اموت وانتوا فكرتوا كده اني مت بعد انفجار العربيه لاكن اللي متعرفيهوش ان لما العربيه وقعت قدرت اخرج منها اتعلقت في شجره والعربيه نزلت فاضيه وانفجرت وبعد مانتم ما مشيتوه انا حصلتكم بعربيه تانيه وخدتها وجيت وراكم علي المستشفي وعرفت وقتها اسم سيد الرجاله والجدعنه ادهم باشا الشافعي وده كان هدفي التاني كان لازم اندم ادهم واحرق قلبه علي حاجه غاليه عشان كده رتبت الهجوم التاني وبعت واحد ضرب عروسته سيرين يوم الفرح بالنار وفعلا وماتت سرين وادهم دخل في انهيار عصبي وسافر..بعدها بقا كان لازم ابعد وليد اخوكي عنكم عشان هو اللي كان بيحميكم ديما مني عشان كده رتبت الهجوم التالت واجرت واحد وبعته لشركة وليد علي انوا مندوب شركة ابو ادهم وفضل محيارني كتير لغاية مدا معاد الرحله بعدها طلع الراجل علي شركة الشافعي بس المرادي كان بدور مندوب شركة وليد وتمت الصفقه مع ابو ادهم وابل فرح وليد..وليد نبه السكرتيره انها لازم تبعت العمال عشان يتاكدوا من سلامة الاتوبيسات بس مبعتتهومش..لاني بعت نفس الراجل ليها وهددها انها لو بعتت العمال هيسفر ابنها للاخره وطبعا الست من خوفها علي ابنها مبعتتش العمال بس انا بقا بعت عمال تانين وفكوا فرامل الاتوبيسات واتقلبوا باللي كانوا فيها ووليد اتسجن وكنت خلاص هقرب اخدك لان اللي كان بيحميك خلاص اتسجن بس ابو ادهم ضيع كل خطتي بغبائه واتفاقه معاكي انك تتجوزي ادهم عشان تخرجيبه من الصدمه اللي هو فيها وجه الاستاذ ادهم ولتاني مره يحميكي مني من غير ميأخد باله...بس دلوقتي خلاص العب بقا علي المكشوف اودامك وانتي مفيش اودامك حل غير انك تنفذي طلبي والا هرملك بدري علي حبيب قلبك وابعته يقعد مع سيرين يونسها هناك...قرري الكره في ملعبك يا حلوه