ضابط عشق الترفه (مكتملة)

البارت الثاني جزء ال2

استمر دوامي و جان عندي بس صديقه وحدة

تكضي يومي وياها ما اختلط هواي لأن
ماكو ثقة بس ع كد سلام... ما احب اكون علاقات وكذا....
فصديقتي جان اللي يحاجيها عني تتنرفز وتضوج.. 

كوتلها إني إذا هالشي ينرفزج كليلي او حاجي يجي يحاجيني..
واني اعرف شون أبعده حتى متصيرين بالصورة..

لان صراحة ما ردت اضوجها وهم هي صح كالتلهم بس جان بأسلوب استفزازي

هي شويه عصبيه كلش فهلشي أثر عليه لان شباب بدل ما يبتعدون زادو بلملحة...

َوهم نوعاً ما مجتمعنا من يشوف
بنيه حلوة
وما مرتبطة او متزوجه يضل يدور وراها....

طبعا ما امدح بنفسي ابدا.. بس اني تربيت ع الانفتاح ولبسي جان بحرية....

مره بالدوام لبست فستان قصير صوف
وبوت  كعب مو طويل حيل وياه كوت
كولش طلع انيق عليه...

اني طويلة وصاحبة رشاقة بترتيب
فالكل جان يصفن عليه بنات وولد

اضل اكول شبيهم ذولي

مكياج ما احب اطوخ حيل يعني بناتي
بترتيب ونازك..
من هنا بدبت معاناتي ويه الإعجابات

  طلابنه بدو يدخلولي خاص واحظر ويدخلون إني مكدر اكول مرتبطه..
لأن ماكو شي رسمي فمخلية وضع فوكاني

  هم ضلو ع لحتهم   وهواي نزعجت...

مرة بلدوام شفت واحد رحنه نجيب هوياتنه فسلمت عليه يعني من باب هو زميلي...
بوقتها كلت ياريت ما سلمت

... دخلي بليل ثاني يوم جان عدنه محاضره ع نت بل9 فراسلني
كال نرجس
عندي موضوع وياج....
كلتله تفضل كال اني معجب بيج....

هاي الحجي الصبح رديت..

كتله بس  اني ما اريد ارتبط..
وبعيده ع الأمور هاي حتى صداقه ما اريد بس ع كد انو انت زميلي
تحتاج شي هلا بيك...

كال لا نرجس اني شفت عيونج بيهم لمعه عيونج كلش حلوة وصدك معجب بيج...
عاد بس انطيني سبب حتى ابتعد كلتله...

إني ما اريد ارتبط هذا ما يكفيك

كال لا  طبعا....
حرت شنو ارد عاد غلست وبعد مكمت ارد عليه ولا شيئ...

صراحة هو ولد خلوق لليوم مشفت شي منه بس هو لح لموضوع الارتباط....

بعدها سولفت لحمزة طبعا حيل ضاج كتله حمزة شبيدي إني كلشي دا احجيلك...

كال واني اثق بيج بس اخاف احد ياخذج...

من عندي كلتله شبيدي إني غير امك هي الي ما قبلت إني سكتت لخاطرك رغم وحده غيري انو حاجت امك وهيج رفضتني صدك جرحني...

يعني متتصور الموقف اللي اني بيه والله حتى
استحي اكعد يم اهلي وامك لسه ما اتصلت

وحددت موعد تجي واني محتاره بموضوع الدراسه اللي امك شرطها...