ضابط عشق الترفه (مكتملة)

البارت السابع عشر

نرجس /
قبل لا اعرف بخطبه حمزه جان هو دوم

يعرفني ع اهله اخته المتزوجه...

امه... بس جان حريص ع انه ما اعرف
لان من احجي وياهم  جان دوم. يكعد يمهن...

هواي نقهرت روحي مفرفحه ركضت اتصلت

ع اخته
واني ابجي كتلها ليش مكتيلي..
مو دوم نحجي اني وياج
اعتبرتج اختي ليش ضميتي عليه..

_صدكيني الموضوع منتهي لا هوه يريدها ولا هيه..

واصلا هو حيفصخ الخطبه

لان حتى امي تمرضت ذيج الفتره محد منهم سأل..
وبس تتنعوص
وحتى كاللهم حمزه اني ما اريد هيج بنيه..

كلوله خوالي اصلا انت متستاهلها
وبعد ما نريدك الها...

بس ما اعرف شنو حيقررون

نرجس  ثقي حمزه يحبج...
اول مره احسه يتوسل احد...
بت خالتي حب طفولته تركها وراه

وما سأل...
ع الرغم تزوجت وعدها علاقات ووطلقت من زوجها
وكم مره حاولت ترجع حبها ويه حمزه..

بس حمزه ما ياخذ فضاله غيره...
هيه اللي تركته وهو كللها

الله وياج ع اارغم حب الطفوله
ومو سنه سنتين
.....

نرجس

اسمع كلام اخته واني مصدومه...

اراجع ببالي كلامه ومحادثاته

وكلام اخته...
اكول اكيد يحبني لان الولد

من يوم عرفته
ولا يوم. دور حرام وياي...
ولا حاول يستغلني...

دوم ساعدني وساندني....

ما اعرف شنو اتصرف بس قررت ابتعد شويه
... كلت لازم افكر فتره.

.. وهسه بحالة عصبية
ما اريد اخرب كلشي واجرحه

مرت فتره واني تكأبت كولش
مشتاقه لحمزه... كل يوم اباوع ع صورته...

وقريت اخر رساله اعتذار منه
كلبي رف اله  بس كلت ما أريد احجي وياه
شكد اتصل عفته ورحت نمت...

قربت النتائج خوفي يزيد يوم عن يوم....

بيوم كالو ااطهر تطلع النتائج... اني كعدت من ٧ الصبح... شربت بس كهوه....
احس نفسي حموت من القلق...

الوقت يمشي ببطئ كولش...
اصعب لحظات حياتي...
وجهي صار اصفر... لحد ساعه ١١ ونص
اني احس فقدت كولشي...

راسي موتني....
كتلهم بعد ما اتحمل.... حطيت راسي ع كتف بابا وبعد ما ادري شنو صار بس كعدت...
واشوف اهلي فوك راسي

اختي سرى جانت تقيس ضغطي...
طلع الضغط مصفر
....
جابولي اهلي اكل... شويه غفيت...

صارت ب٢ طلعت النتائج...
الرابط عليه لود قوي...
كوة فتح شفت معدلي... نصدمت جان٩٥.٨
ودرجه دور اول يصير ٩٦.٨
صح ضجت.. بس بعدين فرحت كلت الحمدلله..
ان شاء الله قبول زين...