ضابط عشق الترفه (مكتملة)

البارت العاشر

نرجس/
بدينه نحضر حتى ننتقل اختي اللي اكبر مني جانت

بالجامعة واني بوقتها مرحت للمدرسه ضليت اجمع

الاغراض... كل غرض عندي اشيله واحط بالكارتون

واباوع ع مكانه ديفرغ اختنك... بيت طفولتي...

حياتي عشتها كلها بيه دا يفرغ كدام عيني وبأيدي

افرغه.💔💔... هنا اكعد الصبح واسمع صوت

العصافير... هنا الحديقه اللي  ريحه ترابها من ارشه...

يدخل للروح وينعشها... المرجوحه... ايام الشتا. المطر...

كلشي بالبيت اتذكره وروحي تضيق...

قبل لا ننتقل بيوم رحت للمدرسه اودع صديقاتي...

💔💔... كسرة كلبي  ولوعه روحي...
اشبك بيهن واحس نفسي يضيق...

البجي ما وكف ابدا وهنه كلهن حاضناتني...

رغم شكد بنات يحجون عليه من صارت شغله

اخويه... بس ذني صديقاتي خطوه بخطوه وياي....

وكفن وياي وساندني وشعجني ابدا ما تركني بيوم.

.. بحيث اذا غبت يوم الكه اتصالات ووحشه بدونج

وخيرج يعمري.... وثاني يوم ادوام الكه اللهفة

بعيونهن هله نرجوسه نورت المدرسه....

لحظه لحظه نتذكرها ونبجي.... حسيت روحي نمردت

واني اجر نفسي علمود اخلص الوداع ونرجع نبجي

ونتحاضن... وكذلك مدرساتي حيل يحبني... وكل...

دعائهم الي بالتوفيق... طلعت من المدرسه واني

شايله هم الجبال ع كلبي... بعد ما تركت اعز

صديقات وطلعت تاركه الماضي لواقع جديد

.............

ضليت أكثر من اسبوع الم بالاغراض واساعد امي... وانتقلنه

بمحافظه ثانيه. َ. صعب الانتقال من محافظه لأخرى...
عاداتهم َ...تقالديهم طريقه التفكير كلش يختلف...

واجهت نوع من التعقيد والانتقاد والعيب والحرام والميصير..
.
الطريق كله اني وامي واخويه الزغير نبجي....

يا ناس صعبه بلحظه تعوف ايام حياتك كلها وره

ظهرك وتنجبر تروح لمكان لا تعرف اهله...
لا شيئ.. حياة مجهوله..

عسى ولعل تكون افضل من الواقع المر...
اللي متوقعينه...

كلش تعبت لحد ما استقرينه ببيت وصدفه عدنه كرايب من بعيد بنفس المنطقه...

نوعا ما رتاحينه خففت الغربه علينه....

واستمرينه كم يوم نرتب الاغراض ووو سوالف