ضابط عشق الترفه (مكتملة)

البارت الأول

نبدي القصه ويه البطله نرجس......

بدأت قصتي من منشور انستكرام.... كان المنشور  نصيحه للبنات والشباب حول الحب و أكثر شيء جان ع خيانه الشباب... هواي من التعليقات بس جذبني تعليق شخص وكان يحجي بعصبيه.... وكال....

-مو بس الشبا يخونون البنات همين.... يعني تتوقعين حب البنيه من الطفوله وبعدين تروح وتتزوج هذا هم خيانه من عدها.....

-اني عجبني وردت اعرف شنو قصده.. الوحيد اللي جاوبته من بين كل التعليقات بس من نشرت المنشور بدون صوره واسم فضلينه نحجي بالتعليقات بس مكتله اني صاحبه المنشور... كتله البنيه ذكرت الشباب والبنات بس أكثر شيء حجت عن الشباب يجوز متأذيه من شخص...

-بس البنات هم يخونن مو بس الشباب....

-ضل يحجي ويرد بالتعليقات بكل ثقافه وأدب وطريقته جذبتني بصراحه... قررت ادخله خاص...رغم حسابه ما مبين شخصيه وكذا بس ما ادري ليش حبيت اعرف قصته  وكتله اني صاحبه المنشور......  كلي..

-اها اهلا وسهلا

-كتله اني متأذيه من شخص... بحيث غالي عليه كلش وخاني... 😔😔💔..

-أي بس مو كل الشباب خونه... اني اعرف قصه واحد يحب بنيه من الطفوله.. ومن يتقدملها ترفض بحجه ما تتزوج الا تكمل دراسه  وره 9اشهر و5 ايام تزوجت...

-اني نتبهت انو حتى المده حاسبها فكتله هاي حبيبتك...

-كال ايي وبنت خالتي همين... هنا جنت كلش متأذي من الموضوع... كتلها وانتي شنو موضوعج.. كالت..

-شخص ع اساس يحبني وقبل فتره بنيه حاجتي وكالت اني حبيبته ومن سألته شو صار ضدي وكام يغلط ويفشر ويكول متوثقين بيه وما اريدج...

-وانتي هسه ضايجه...

-اني مضايجه لأن عافني اني ضايجه لأن خدعني ماله داعي يسوي هيج....

-زين احتمال البنيه تجذب ومو حبيبته...

-لا دزتلي صوره وأرقام تليفوناته....
بعدين كتله اني اسمك لسه ما  اعرفه شنو السبب اللي يخليني احجيلك جزء من حياتي... وبكلبي اكول(شنو السبب منو هذا الشخص)..

-حتى اني هذا الموضوع صار سنتين ما فاتحه(يقصد موضوع بنت خالته)..  زين انتي شنو اسمج ..
-اسمي نرجس وانته...

-اسمي حمزه.. انتي يا مواليد...

-2000وانته

-مواليد 1994..
وكال عمري خلص حدخل بال30وكمنه نضحك😂😂...

-من نحجي عجبني اسأله عن مهنته لأن حسيته يحجي بثقافه... كتله شنو تدرس...

-الدراسه خلصناها من زمان اني عسكري...

-بصراحه اني تفاجأت وكلت بكلبي معقوله هذا
الشخص عسكري.. بعدين كتله بعدين نحجي بيباي....
يتبع...... للكاتبه # نسيم نسيم
@almahdwya_74

حبايب قلبي وهاي القصه الجديده اللي وعدتكم بيها وبالنسبه للجدد هاي القصه الثانيه إليه تكدرون تقرون القصه الأولى اسمها شيخ وعشق العنودية.
. اتمنى تدعموني بهاي القصه مثل القصه السابقه ولا تنسون التعليق والتصويت احبكم 😍🥀..
طبعا اليوم البارت قصير أن شاء الله أطول بالأحداث الجايه