ضابط عشق الترفه (مكتملة)

الجزء الثاني البارت ٤

نرجس.. البنيه ماعت روحها عاد الإدارة بالكلية اهتمو بيها ما عرفت شبيها بعد...

رجعت للبيت ارتاحيت شويه وبدلت واتغديت
شويه سولفت ويه ماما واختي بعدها راسلت حمزه شويه وشويه سوالف نوب هوه عنده واجب راح كال لليل يلا اجي... اني هم تعبانه عاد سديت التلفون ونمت للعصر ماما كعدتني كالت حنروح للزيارة .. كتلها تمام.. غسلت وبدلت وكلت لماما كملت واختي همين راحت ويانه..

من رحنه إني عندي ع الخط نت ومفتوح لان احتاجه مرات تبليغات بالجامعه شي ع ساعه يكولون كوز لو شي فماخده احتيطاي...

فدا ازور وطلعت جان توصلني رسالة من زيد يكولي ليش دازتلها هاي رساله ومن هذا الكلام الماله داعي ...

رسالة مضمونها انو ع اساس أحد دازلها إنو ابتعدي عن هذا ولد... وما يصير الج وهو يحبني واحبه....
.
كولش قهرني إني انو ما صدكني إني شنو علاقتي بي واسوي هيج شنو علاقتي بيها اروح ادزلها ابتعدي عنه هو مجرد صديق وساعدني بوقت مرضي هو واخوه وفضله ما انساه

بس هالموضوع كولش ضوجني منه وقررت ما اهتم لا اله ولا لحبيبته واني شكو بينهم اصلا...

ضليت طول سنة رسائل تجيني هاي البنات يحجن عليه كدام اي احد إني ما ارد ع أي شخص لا رحت واجهتها ولا واجهتة...
ناس ما الي بيهم دخل المن اخلي الموضوع يأثر ع حياتي

دوام كولة جان يحجي بسيرتي وبهاي البنيه
لبست شي ثاني يوم هي لبست شي قريب منة اني منا إني لبسي كولة زارا هسوالف كولها تصفن عليه فهي تجي تدزلي ع برنامج تغلط عليه..
. ما ادري شنو من نفسيه عدها......

ركزت ع دراستي لان لازم اعوض ايام اللي تمرضت بيها فالحمدلله درست وامتحنت شهريات ودرجاتي زينه تخطيت هالفصل والحمدلله

فبالامتحانات النهائية ما أقره هواي لان الحمدلله ماكو داعي درجاتي تجي زينة يكفي يوم الامتحان اقره وبس لان مجرد اراجع والمواد كلها قاريتها بالشهريات فما حاجه ابذل جهد هواي واخبص نفسي بس هاي الطلاب مدري شبيهاَ..ما اعرف اذا عجيبه انه الطالب يتفوق ويعيش حياته ومغ ينخبص
كأنه ينجح بواسطة مو بتعبه وجهده..

يو شون نجحت يو شون هيج درجاتها ما خلصت ابد منا خلصت نصف السنة... وكان لازم ارتاح واغير من نفسيتي شويه فحجيت ويه حمزه
ما يخله كلامه من الحب والاهتمام وامنياتنه بيوم نجتمع ويكتمل حبنه بس عسى ولعل يهدي امه ويهدي الاهل وياها وننخطب ونرتاح...

وراها حمزة كلي دخلي جم شوي حتى تصيرين زينة
وتتغير نفسيتج شويه ترتاحين..
صدك دخلت اسبوعين يومية اروح ومتونسة.. وهم محافظة ع رشاقتي وهم الرياضه راحة جسديه ونفسيه... جان دائما حمزة يكولي كل تفاصيلج حلوة ضعفتي زدتي جمال والسمنتي يا حلاتج
احب الشخص اللي يحب المقابل كما هو.. يحسس الطرف الثاني انه حبيت روحك قلبك نفسك ما حبيت اشياء ممكن تتغير.. الشكل والرشاقه والشعر الحلو والبشره الصافيه ممكن اسم الله بيوم وليله كولشي يتغير بينما الروح هيه تبقى نفسها...