ضابط عشق الترفه (مكتملة)

البارت الثاني والعشرون

... رجعو بيت عمي من الزياره...
سوينه عشا... وهمه جايبين وياهم ٣ بيتزا
وكنتاكي..
ومقبلات... سوينه احنه دجاج..
وهالحبشكلات...

كعدنه ع السفره كولنه... منتظر بس يباوعلي..
حتى ما اخذت راحتي بالأكل...

بعد ما خلصنه طبعا غسل الاماعين براسي...
كملتهن كلت اطلع للحديقه اكعد بالمرجوحه..

كعدت وضليت رافعه راسي وصافنه ع النجوم.. وطبعا حاطه مثل البطانيه تدفي..
لافه نفسي بيها...
بعد صفنتي
حسيت صوت...

شفت منتظر اجا وكعد يمي... ردت اكوم...
كلي لا تكومين هيج تنفرين مني..
مجرد احجي وياج شويه...

كتله اوك...
ضل يهز المرجوحه ع الخفيف...

كال بيوم جنتي طفله.. حبيتج هواي بس هسه لا...
تحول الحب لعشق... هيام..
يعني. احس نفسي اعشقج بكل. تفاصيلج...
ما يهمني شنو تكولين أو ردج

...
بس. اني عمري ما راح اتزوج غيرج. ولا تدخل حياتي وحده ثانيه....
عسى ما يصير عمري ٥٠ سنه....

وانتي هم لا تفكرين بيوم اخليج. تصيرين لغيري...
ياريت ما تضيعين عمرنه اثنينه...

اني الج وانتي الي غير هالكلام ماكو....
.....
نرجس...
منتظر اني اعتبرك اخ وابن عم... شكد ما افكر بيها
ما تدخل. عقلي.....

يعني اني وياك زوجين مستحيل
ما ترهم.... وبعدين انته اكبر مني بهواي...

يعني الفرق هواي
واكيد حنختلف بهواي أشياء...
ياريت تشيلني من بالك لا تضيع عمرك هيج...

حاول تتزوج وتكون عائله بس اني انساني....

منتظر... تدرين شوكت انساج..
من اموت وقتهت اتأكدي من يموت كلبي وكلشي بيه ذاك الوكن انساج...

كولته من رخصتك بردت اريد ادخل..
كلي براحتج...
دخلت جوه وشفت نهاد واكفه.. كالت ها شنو تفقتو..

كتلها ع شنو نتفق... تره عادي چنه نحجي كلام عادي..
وموضوع منتظر شيئ منتهي لا تضليم تدورين وتبحوشين... اطمني...

نمنه باليل.... كعدت الصبح دزيت سلام لحمزه...
جان يوم جمعه عطله....
بيت عمي كعدو وسوينه ريوك... كملنه... خلال الريوك فتحو الموضوع...

كله بابا اني ما ادخل القرار الها...
كتله عمو منتظر مثل اخويه...
رجاءا لا تضغطون
عليه.... ما أريد شيئ يصير غصب عني...
َوان شاء الله يعوضه بالإحسن مني....
.
نهاد رادت تحجي.... كتلها رجاءا لا تدخلين..
اصلا متأكده انتي الج علاقه بالموضوع...

بيت عمي بعد الصار قبل
ما يتجرأون يخطبون مره ثانيه لوما احد

منطيهم امل
....
كالت اني شدخلني
.. وها يجوز تصرفاتج نطتهم امل... انتبهي لنفسج احسنلج...
ضليت صافنه عليها... بعدها عفتها ومشيت...